Fabulae (Aesopus) - 14. De aquila et testudine

Pes aquile, predo testudinis, aera findit.
Hanc sua conca tegit, cornua longa latent.
Hoc monitu cornix aquilam premunit ineptum:
Fers onus.  at fiat utile, crede michi.
Quod geris in conca, cibus est.  tibi surripit illum
Conca cibum.  concam frange cibusque cadet.
Vt concam lanies, pro uiribus utere sensu.
Hanc, si celsa cadat, saxea franget humus.
De se stultus homo subuersus turbine lingue
Corruit et fortes ista procella rapit.