Litaniae sacratissimi cordis Domini nostri Iesu Christi

E Wikisource
 EPUB   MOBI   PDF   RTF   TXT
Sine Nomine
Litaniae sacratissimi cordis Domini nostri Iesu Christi
anno incognito
editio: incognita
fons: incognitus


Kýrie, eléison.
Kýrie, eléison.
Christe, eléison.
Christe, eléison.
Kýrie, eléison.
Kýrie, eléison.

Christe, audi nos.
Christe, audi nos.
Christe, exáudi nos.
Christe, exáudi nos.

Pater de cáelis, Deus,
miserére nobis.
Fili, redémptor mundi, Deus,
miserére nobis.
Spíritus Sancte, Deus,
miserére nobis.
Sancta Trínitas, unus Deus,
miserére nobis.

Cor Iésu, fílii Patris aetérni,
miserére nobis.
Cor Iésu, in sinu Vírginis matris a Spíritu Sancto formátum,
miserére nobis.
Cor Iésu, Verbo Dei substantiáliter unítum,
miserére nobis.
Cor Iésu, maiestátis infinítae,
miserére nobis.
Cor Iésu, templum Dei sanctum,
miserére nobis.
Cor Iésu, tabernáculum Altíssimi,
miserére nobis.
Cor Iésu, domus Dei et porta cáeli,
miserére nobis.
Cor Iésu, fornax ardens caritátis,
miserére nobis.
Cor Iésu, iustítiae et amóris receptáculum,
miserére nobis.
Cor Iésu, bonitáte et amóre plenum,
miserére nobis.
Cor Iésu, virtútum ómnium abýssus,
miserére nobis.
Cor Iésu, omni láude digníssimum,
miserére nobis.
Cor Iésu, rex et centrum ómnium córdium,
miserére nobis.
Cor Iésu, in quo sunt omnes thesáuri sapiéntiae et sciéntiae,
miserére nobis.
Cor Iésu, in quo hábitat omnis plenitúdo divinitátis,
miserére nobis.
Cor Iésu, in quo Pater sibi bene complácuit,
miserére nobis.
Cor Iésu, de cúius plenitúdine omnes nos accépimus,
miserére nobis.
Cor Iésu, desidérium cóllium aeternórum,
miserére nobis.
Cor Iésu, pátiens et múltae misericórdiae,
miserére nobis.
Cor Iésu, dives in omnes qui ínvocant te,
miserére nobis.
Cor Iésu, fons vítae et sanctitátis,
miserére nobis.
Cor Iésu, propitiátio pro peccátis nostris,
miserére nobis.
Cor Iésu, saturátum oppróbriis,
miserére nobis.
Cor Iésu, attrítum propter scélera nostra,
miserére nobis.
Cor Iésu, usque ad mortem obóediens factum,
miserére nobis.
Cor Iésu, láncea perforátum,
miserére nobis.
Cor Iésu, fons totíus consolatiónis,
miserére nobis.
Cor Iésu, vita et resurréctio nostra,
miserére nobis.
Cor Iésu, pax et reconciliátio nostra,
miserére nobis.
Cor Iésu, víctima peccatórum,
miserére nobis.
Cor Iésu, salus in te sperántium,
miserére nobis.
Cor Iésu, spes in te moriéntium,
miserére nobis.
Cor Iésu, delíciae sanctórum ómnium,
miserére nobis.

Agnus Dei, qui tollis peccáta mundi,
parce nobis, Dómine.
Agnus Dei, qui tollis peccáta mundi,
exáudi nos, Dómine.
Agnus Dei, qui tollis peccáta mundi,
miserére nobis.



Iésu, mitis et húmilis corde,
fac cor nostrum secúndum cor tuum.

Orémus.
Omnípotens sempitérne Deus, réspice in cor dilectíssimi Fílii tui, et in láudes et satisfactiónes quas in nómine peccatórum tibi persólvit, iísque misericórdiam tuam peténtibus tu véniam concéde placátus, in nómine eiúsdem Fílii tui Iésu Christi.
Qui tecum vivit et regnat in sáecula saeculórum.
Amen.