Fuit in emendando quaedam difficultas
Item in alio tomo sub Iohanne XV papa Dagome iudex et Ote senatrix et filii eorum : Misicam et Lambertus - nescio cuius gentis homines puto autem sardos fuisse, quoniam ipsi a IIII iudicibus reguntur - leguntur beato Petro contulisse unam civitatem in integro que vocatur Schinesghe cum omnibus suis pertinentiis infra hos affines sicuti incipit a primo latere longum mare, fine Bruzze usque in locum qui dicitur Russe et fines Russe extendente usque in Craccoa et ab ipsa Craccoa usque ad flumen Oddere recte in locum, qui dicitur Alemure, et ab ipsa Alemura usque in terram Mileze, recte intra Oddere et ex inde ducente iuxta flumen Oddera usque in praedictam civitatem Schinesghe.
