SS. Petri et Pauli. i 2 9
Mergitur ponto superante Petrus; Naufragum Paulus fluitat per aequor : Christe, ades, saevosque jubes utrique Parcere fluctus.
Heu ! fidem cernis titubare nostram : Tu vacillantes rege, Christe, gressus, Fac, Deus, tantos docili sequamur Corde magistros.
��AD LAUDES.
��Jam nil Hebraeis, Gentium plebs, invide, Dignata eisdem, fausta plebs, honoribus : Ovile summus Pastor expandit suum, Novusque primo grex adunaris gregi.
Promissa Patrum, Christe, natus exequi, De stirpe Jacob quaeris amissas oves ; Petrumque, primo quern locavisti gradu, Tanto labori sufficis vicarium.
Divina Gentes at simul dementia Respectat ; illis, Paule, Doctor mitteris : Arcana profers tu Dei mysteria; Tu christianae praeco fulges gratiae.
Utrimque fervet uberi fructu labor: Judaeus, an sis barbarus, nil interest : Diversa quamquam sors duobus obtigit, Par universi cura succendit gregis. K
�� �
