Haec pagina nondum emendata est
Dominica de Passione. 259
Et super crucis trophaeo Die triumphum nobilem : Qualiter Redemptor orbis Immolatus vicerit.
De Parentis protoplast! Fraude Factor condolens, Quando pomi noxialis In necem morsu ruit : Ipse lignum tune notavit, Damna ligni ut solver et.
Hoc opus nostrae salutis Ordo depoposcerat ; Multiformis proditoris Ars ut artern falleret, Et medelam ferret inde, Hostis unde laeserat.
Quando venit ergo sacri Plenitudo temporis, Missus est ab arce Patris Natus, orbis Conditor; Atque ventre Virginali Carne amictus prodiit.
Vagit infans inter arcta Conditus praesepia ; Membra pannis involuta Virgo Mater alligat; Et Dei manus, pedesque, Stricta cingit fascia.
S 2
�� �
