Haec pagina nondum emendata est
62 In Dominicis a Septuagesima
Delicta poenitentibus Clemens relaxas; improbos Vocas morantes, et viam Erroris urges linquere.
Scelus remordet ; intimo Pectus dolore scinditur : Ultoris et partes Dei Exercet in semet nocens.
Vitare plagas admonet Aegre recepta sanitas; Et arctiorem sensuum Hortatur ad custodiam.
Divina non scrutabilis O altitude consili ! Sic vel malorum providus Educis e sinu bona.
At obstinatis vindicem Iram reservas : mergitur Scelestus orbis ; unicus Noe superstes effugit.
Hie, praeco poenitentiae, Novi sequester foederis, Servator orbis et parens, Christi figuram praetulit.
Sit laus Patri, laus Filio; Utrumque qui nectis Deus, Utrique compar, sit tibi Laus sempiterna, Spiritus.
�� �
