Pagina:The seven great hymns of the mediaeval church - 1902.djvu/178

E Wikisource
Haec pagina emendata et bis lecta est

CANTEMUS CUNCTI.
GODESCALCUS.


CANTEMUS cuncti melodum nunc Alleluia.
II. In laudibus æterni regis hæc plebs reſultet Alleluia.
III. Hoc denique cœleſtes chori cantent in altum Alleluia.
IV. Hoc beatorum per prata paradiſiaca pſallat concentus Alleluia.
V. Quin et aſtrorum micantia luminaria jubilent altum Alleluia.
VI. Nubium curſus, ventorum volatus, fulgurum coruscatio et tonitruum ſonitus dulce conſonent ſimul Alleluia.