Surrexit Christus hodie

E Wikisource
 EPUB   MOBI   PDF   RTF   TXT
Sine Nomine
Surrexit Christus hodie
saeculo XIV
editio: incognita
fons: incognitus
Surrexit Christus hodie
Humano pro solamine.
Mortem qui passus pridie
Miserrimo pro homine.
Mulieres ad tumulum
Dona ferunt aromatum,
Album cernentes angelum
Anuntiantes gaudium.
Mulieres o tremulae,
In Galilaeam pergite,
Discipulis hoc dicite,
Quod surrexit rex gloriae.
Ubique praecedet suos,
Quos dilexit, discipulos.
Sit benedictus hodie,
Qui nos redemit sanguine.
Ergo cum dulci melodo
Benedicamus Domino.
Laudetur sancta trinitas,
Deo dicamus gratias.