Treaty of Nerchinsk

TREATY OF NERTCHINSK

August 27, 1689, O.S.

Sancti Sinarum Imperatoris mandate missi ad determinaados limites Magnates.

Som Go Tu Praetorianorum militum praefectus interioris palatii Palatinus, Imperii consiliarius etc.

Tum Que Cam interioris palatii palatinus, primi ordinis comes, Imperialis vexilli dominus, Imperatoris avunculus etc.

Lam Tan vnius etiam vexilli dominus

Pam Tarcha item vnius vexilli dominus

Sap so circa Sagalien Via aliasque terras generalis exercituum praefectus

Ma La vnius vexilli praefectus

Wen Ta exterorum tribunalis alter praeses et caeteri una cum missis.

Dei gi'atia magnorum dominatorum Tzarum Magnorumque Ducum loannis Alexiewicz, Petri Alexiewicz totius magnae ac parvae, nee non albae Eussiae Monarcharum, multorumque dominiorum ac terrarum Orientalium, Occidentalium ac Septemtrionalium, Prognatorum Haeredum, ac Successorum, dominatorum ac possessorum

Magnis ac plenipotentibus Suae Tzareae Majestatis Legatis Proximo Okolnitio ac locitenente Branski Theodoro Alexiewicz Golovin dapifero ac locitenente I^latomski, loanne Eustahievicz Wlasoph Cancellario Simeone Cornitski

Anno Cam Hi 28° crocei serpentis dicto 7'^^ Lunae die 24 props oppidum Nipehou congregati tum ad coercendam et reprimendam insolentiam eorum inferioris notae venatorum hominum, qui extra proprios limites, sive venabundi, sive se mutuo occidentes, sive depraedantes, sive perturbationes aut tumultus quoscumque commoventes pro suo arbitrio excurrunt, turn ad limites inter utrumque Imperium Sinicum videlicet et Euthenicum clare ac perspicue determinandos ac constituendos, turn denique ad pacem perpetuam stabiliendam aeternumque foedus percutiendum, sequentia puncta ex mutuo consensu statuimus ac determinavimus.

I

Eivulus nomine Kerbichi, qui rivo Chorna Tartarice Vrum dicto proximus adiacet et fiuvium Sagalien Via influit, limites inter utrumque Imperium constituet. Item a vertice rupis seu montis lapidei, qui est supra dicti rivuli Kerbichi fontem et originem et per ipsa huius montis cacumina usque ad mare, utriusque Imperii ditionem ita dividet, ut omnes terrae et fluvii sive parvi sive magni qui a meridionali huius montis parte in fiuvium Sagalien Via infiuunt sint sub Imperii Sinici dominio, omnes terrae vero et omnes rivi qui ex altera montis parte ad Borealem plagam vergunt sub Euthenici Imperii dominio remaneant, ita tamen, ut quicunque fluvii in mare influunt et quaecumque terrae sunt intermediae inter fiuvium Vdi et seriem montium pro limitibus designatam prointerim indeterminatae rehnquantur. De his autem post uniuscuiusque Imperii legatorum in proprium regnum reditum rite examinatis et clare cognitis vel per legatos vel per Utteras postea determinabitur. Item fiuvius nomine Ergon qui etiam supra dictum fiuvium Sagalien Via influit, limites ita constituet, ut omnes terrae quae sunt ex parte meridionali ad Sinicum, quae vero sunt ex parte boreali, ad Euthenicum Imperium pertineant : et omnes aedes quae ex parte dicti fluminis meridionali in faucibus fluvii nomine Meyrelke extructae sunt ad httus boreale transferentur.

II

Arx seu fortalitia in loco nomine Yagsa a Eussis extructa funditus eruetur ac destruetur. Omnesque illam incolentes Eutheni Imperii subditi cum omnibus suis cuiuscumque generis rebus in Eussi Imperii terras deducentur.

Atque extra hos limites determinatos nullam ob causam utriusque Imperii venatores transibunt.

Quod si unus aut duo inferioris notae homines extra hos statutos limites vel venabundi, vel latrocinaturi divagabuntur, statim in vincula coniecti ad illarum terrarum constitutos in utroque Imperio Praefectos deducentur, qui cognitam illorum culpam debita poena muletabunt : Si vero ad decern aut quindecim simul congregati et armis instructi, aut venabuntur, aut alterius Imperii homines Occident, aut depraedabuntur de hoc ad uniuscuiusque Imperii Imperatores referetur, omnesque huius criminis rei capitah poena mulctabuntur, nee bellum propter quoscumque particularium hominum excessus suscitabitur, aut sanguinis effusio procurabitur.

III

Quaecumque prius acta sunt, cuiuscumque generis sint, aeterna obhvione sopiantur. Ab eo die quo inter utrumque Imperium haec aeterna pax iurata fuerit, nulli in posterum ex altero Imperio transfugae in alteram Imperium admittentiir : sed in vincula coniecti statim reducentur.

IV

Quicumque vero Rutheni Imperii subditi in Sinico et quicumque Sinici Imperii in Euthenico nunc sunt, in eodem statu rehnquantur.

V

Propter nunc contractam amicitiam atque aeternum foedus stabihtum, cuiuscumque generis homines litteras patentes iteneris sui afferentes, licite accedent ad regna utriusque dominii, ibique vendent et ement quaecumque ipsis videbuntur necessaria mutuo commercio.

VI

Conciho inter utriusque Imperii legatos celebrato, et omnibus utrivisque Regni hmitum contentionibus diremptis, paceque stabilita, et aeterno amicitiae foedere percusso, si hae omnes determinatae conditiones rite observabuntur, nullus erit amplius perturbation! locus.

Ex utraque parte hujus foederis conditiones scripto mandabuntur, duplexque exemplar huic conform e sigillo munitum sibi invicem tradent magni utriusque Imperii legati.

Demum et iuxta hoc idem exemplar eaedem conditiones Sinico Euthenico et latino idiomate lapidibus incidentur, qui lapides in utriusque Imperii limitibus in perpetuum ac aeternum monumentum erigentur.

Datum apud Nipchou anno Cam Hi 28° 7^^ Lunae die 24.