 Epistola |
Capitulum II  |
QVOT SVNT PRINCIPATVS FORMAE, ET
quibus modis acquirantur. Cap. I.
qVAECVNQVE FVIT vnquam, aut est imperandi ratio, qua homines hominibus dominari consueuêre, ea, aut Respub. aut principatus appellatur.
Principatus, aut iure haereditario obuenerunt, quorum maiores eiusdem generis diu principatum tenuerunt, aut noui sunt: hique aut prorsus noui, vt Mediolanensis Francisco Sfortiae, aut veluti pars principis occupantis haereditariae ditioni adiuncta, vt regnum Neapolitanum Hispaniarum Regi. Hi sic quaesiti rerum status, vel assueti sunt sub principe vitam degere, vel immunes sua libertate frui, quique acquiruntur alienis armis, aut proprijs, vel fortuna, vel virtute.
————————
| Epistola |
Capitulum II |