Ad matrem

E Wikisource
Jump to navigation Jump to search
 EPUB   MOBI   PDF   RTF   TXT
Ad matrem
2020
editio: incognita
fons: [1]

Hic quid agam melius tu sciscere quaeris.
Si valeo, dicis tute, valebis item;
hoc dico: valeo multum multumque valeto,
nil doleo multum, tuque dolere fuge.
Lunam conspicio si spectas ipsa videbis
hanc istinc pariter, sed bene mane, licet.
Jam Natalicium Festum venisse Sonoram
nil gelidum didici. Jam sinuosus adest
urbano in bivio constrictus luce saguarus
rubra, caerulea. Parva popina patet,
quae minimo pretio ferventia fercula praebet;
haec olet omnicolor capsica, caepe, piper.
Dum varii veniunt homines muscaeque comesum
altas ad stellas hinc vapor almus adit.
Raeda venit, transit: numeros diffuderat imae
terrae trans vallum. Mater amata, vale.