I
[recensere]Ego nata duos patres habere dinoscor.
Prior semper manet alterque morte finitur.
Tertia me mater dura mollescere cogit
Et tenera gyro formam assumo decoram.
Nullum dare victum frigenti corpore possum,
Calida sed cunctis salubres porrigo pastus.
II
[recensere]Me mater novellam vetus de germine flnxit.
Et in nullo patris formata sumo figuram.
Oculi non mihi lumen ostendere possunt,
Patulo sed flammas ore produco coruscas.
Nolo me contingat imber nec flamina venti.
Sum amica lucis, domi delector in umbras.
III
[recensere]Me pater ignitus, ut nascar, creat urendo
Et pia defectu me mater donat ubique.
Is qui dura solvit, hic me constringere cogit.
Nullus me solutum, ligatum cuncti requirunt.
Opem fero vivis opemque reddo defunctis.
Patria me sine mundi nec ulla valebit.
IV
[recensere]Mollior horresco semper consistere locis.
Ungula nam mihi firma, si caute ponatur.
Nullum iter agens sessorem dorso requiro.
Plures libens fero, meo dum stabulo versor.
Nolo frena mihi, mansueto iuveni, pendas,
Calcibus et senum nolo ne verberer ullis.
V
[recensere]Pulchra mater ego natos dum collego multos,
Cunctis trado libens, quicquid in pectore gesto.
Nulli sicut mihi pro bonis mala redduntur.
Oscula nam mihi prius qui cara dederunt,
Vestibus exutam turpi me modo relinquunt.
Quos lactavi, nudam pede per angula versant.
VI
[recensere]Nullus ut meam lux solam penetrat umbram
Et natura vili miros postpono lapillos.
Ignem fero nascens: natus ab igne fatigor.
Nulla me putredo tangit nec funera turbant:
Pristina defunctus sospes in forma resurgo.
Et amica libens oscula porrigo cunctis.
VII
[recensere]Teneo liquentem, sequor membrana celatum.
Verbero nam cursu, visu quem cernere vetor.
Impletur domus invisis sed vacua rebus.
Permanet dum cibum nullum de pondere gessi.
Quae dum clausa fertur, velox ad nubila surgit,
Patefacta nullum potest tenere manentem.
VIII
[recensere]Nati mater ego: natus ab utero mecum.
Prior illo non sum, semper qui mihi coaevus.
Virgo nisi manens numquam concipere possum.
Sed intacta meam infra concipio prolem.
Post si mihi venter disruptus ictu patescit,
Moriens viventem sic possum fundere fetum.
IX
[recensere]Senior ab aevo, Eva sum senior ego.
Et senectam gravem nemo currendo revincit.
Milia prosterno, manu dum verbero nullum.
Vitam dabo cunctis, vitam si tulero multis.
Satura nam victum, ignem ieiuna produco
Et uno vagantes possum conprehendere loco.
X
[recensere]Singula si vivens firmis constitero plantis,
Viam me roganti directam ire negabo.
Gemina sed soror meo se latere iungat:
Coeptum valet iter velox percurrere quisquis.
Subito mihi pedem nisi calcaverit ille,
Manibus, quae cupit, numquam contingere valet.
XI
[recensere]Mortua maiorem quam vivens porto laborem.
Dum iaceo, multos servo; si stetero, paucos.
Viscera si mihi foris detracta patescant,
Vitam fero cunctis victumque confero multis.
Bestia defunctam avisque nulla me mordet,
Et onusta currens viam nec planta depingo.
XII
[recensere]Mortem ego pater libens adsumo pro natis
Et tormenta simul, cara ne pignora tristem.
Mortuum me cuncti gaudent habere parentes
Et sepultum nullus parvo vel funere plangit.
Vili subterrena pusillus tumulor urna,
Sed maiore possum post mortem surgere forma.
XIII
[recensere]Uno fixa loco longinquis porrigo victum.
Caput mihi ferrum secat et brachia truncat.
Lacrimis infecta plura per vincula nector,
Simili damnandos nece dum genero natos.
Sed defuncti solent ulcisci liberi matrem,
Sanguine dum fuso lapsis vestigia versant.
XIV
[recensere]Nullam ante tempus lustri genero prolem
Annisque peractis superbos genero natos,
Quos domare quisquis valet industria parvus,
Cum eos marinus iunctus percusserit imber.
Asperi nam lenes sic creant filii nepotes,
Tenebris ut lucem reddant, dolori salutem.
XV
[recensere]Pulchra semper comis locis consisto desertis.
Ceteris dum mihi cum lignis nulla figura,
Dulcia petenti de corde poma produco
Nulloque de ramis cultore confero fructum.
Nemo qui me serit de meis fructibus edit.
Et amata cunctis flore sum socia iustis.
XVI
[recensere]Me mater ut spinis vivam enutrit iniquis,
Ut dulcem faciat, inter acumina servat.
Teretinam formam rubentem confringo ceratam
Et incisa nullam dono de corpore guttam.
Mellea cum mihi sit sine sanguine caro,
Acetum eructant . . exta clausa saporem.
XVII
[recensere]Patulo sum semper ore nec labia iungo.
Incitor ad cursum frequenti uerbere taclus.
Escae mihi ullae manu si forte ponantur,
Has amitto currens minuto vulnere ruptas.
Meliora cunctis, mihi nam vilia servant
Vacuumque bonis inane cuncti relinquunt.
XVIII
[recensere]Florigeras gero comas, dum maneo silvis,
Et honesto vivo modo, dum habito campis.
Sed acta vili solo depono capillos.
Turpius me nulla domi vernacula servit.
Cuncti per horrenda me terrae pulvere iactant.
Sed amoena domus sine me nulla videtur.
XIX
[recensere]Dissimilem sibi me mater concipit infra,
Et nullo virili creata de semine fundor.
Dum nascor sponte, gladio divellor a ventre.
Caesa vivit mater: ego nam flammis aduror.
Nullum clara manens possum concedere quaestum;
Plurimum fero lucrum, nigro si corpore mutor.
XX
[recensere]Lucida de domo lapsus diffundor ubique;
Et quali dimissus modo, non invenit ullus.
Bisque idem natus, semel inde utero cretus,
Qualis in conceptu, lalis in partu renascor.
Milia me quaerunt, ales sed invenit una
Cereamque mihi domum depingit ab ore.
XXI
[recensere]Masculus qui non sum, sed neque femina, coniux
Filios ignoto patre parturio multos.
Uberibus prolem nullis enutrio tantam.
Quos ab ore cretos nullo de ventre sumsi.
Nomen quibus unum natisque conpar imago,
Meos inter cibos dulci conplector amore.
XXII
[recensere]Exigua mihi virtus, sed magna facultas.
Opes ego nulli quaero, sed confero cunctis,
Paupera quae multum ipsos nam munero reges.
Modicos operans cibos egena requiro
Et ieiuna saepe cogor exsolvere censum.
Nullus sine meo mortalis corpore constat.
XXIII
[recensere]Durus mihi pater, dura me generat mater:
Verbere nam multo huius de viscere fundor.
Modica prolatus feror a ventre figura,
Sed adulto mihi datur inmensa potestas.
Durum ego patrem duramque mollio matrem,
Et quae vitam cunctis, haec mihi funera praestat.
XXIV
[recensere]Manibus me perquam reges et visu mirantur.
Lucrum viva manens toti nam confero mundo
Et defuncta mirum praesto de corpore quaestum,
Vestibus exuta multoque vinculo tensa.
Gladio sic mihi desecta viscera pendent,
Miliaque porto nullo sub pondere multa.
XXV
[recensere]Nascimur albentibus locis sed nigrae sorores.
Tres unito simul nos creant ictu parentes.
Multimoda nobis facies et nomina multa,
Meritumque dispar, vox et diversa sonandi.
Numquam sine nostra nos domo detinet ullus
Nec una responsum dat sine pari roganti.
XXVI
[recensere]Me si visu quaeras, multo sum parvolo parvus,
Sed nemo maiorum mentis astutia vincit.
Cum feror sublimi parentis umero vectus,
Simplicem ignari me putant esse natura.
Verbere correptus saepe si giro fatigor,
Protinus occultum produco cordis saporem.
XXVII
[recensere]Amnibus delector, molli sub cespite cretus,
Et producta levi natus columna virdesco.
Vestibus sub meis nequeo cernere solem,
Alieno tectus possum producere lumen,
Filius profundi, dum fio lucis amicus.
Sic qui vitam dedit mater et lumina tollit.
XXVIII
[recensere]Arbor una mihi, quae vilem conferat escam,
Qua repleta parvus produco vellera raagna,
Exiguos conlapsa foetos pro munere fundo
Et ales effecta mortem adsumo libenter.
Nobili perfectus forma me Caesares ulnis
Efferunt, et reges infra supraque mirantur.
XXIX
[recensere]Uterum si mihi praelucens texerit umbra,
Proprios volenti devota porrigo vultus.
Talis ego mater vivos non genero natos,
Sed petenti vanas diffundo visu figuras.
Exiguos licet mentita profero fetus,
Sed de vero suas videnti dirigo formas.
XXX
[recensere]Nullo firma loco manens consistere possum
Et vagando vivens nullo conspicere quemquam.
Vita mihi mors est, mortem pro viia requiro
Et volanti domo semper amica deleclor.
Numquam ego lecto volo iacere tepenti,
Sed vitalem mihi torum sub frigore condo.
XXXI
[recensere]Ore mihi nulla pelentl poctila dantur,
Ebrius nec nullum reddo post inde fluorem.
Versa mihi datur vice bibendi facultas
Et vacuo ventri potus ab imo defertur.
Poplite depresso conceptas denego nymphas
Et sublato rursum diffuso confero nimbos.
XXXII
[recensere]Dissimilem sibi dat mihi mater figuram.
Caro nulla mihi, sed viscera vacua latebris.
Sumere nihil possum, si non absorbuero matrem.
Et quae me concepit, hanc ego genero, postquam
Manu capta levis gravis sum manu demissa.
Et quae sumpsi libens, mox cogor reddere sumptum.
XXXIII
[recensere]Parvula dum nascor, minor effecta senesco
Et cunctas praecedo maiori veste sorores.
Extremos ad brumae me primo confero mense
Et cunctis amoena verni iam tempora monstro.
Me reddit inlustrem parvo de corpore sumptus
Et viam quaerendi docet, qui nulli videtur.
XXXIV
[recensere]Pulchra in angusto me maler concipit alvo
Et hirsuta barbis quinque conplectitur ulnis.
Quae licet parentum parvo sim genere sumpta,
Honor quoque mihi concessus fertur ubique.
Utero cum nascor, matri rependo decorem
Et parturienti nullum infligo dolorem.
XXXV
[recensere]Nos pater occultus conmendat patulae matri
Et mater honesta confixos porrigit hasta.
Vivere nec umquam valemus tempore longo,
Et leviter tactos incurvat aegra senectus.
Oscula si nobis causa figantur amoris,
Reddimus candentes signa flaventia labris,
XXXVI
[recensere]Parvulus aestivas latens abscondor in umbras
Et sepulto mihi membra sub tellure vivunt.
Frigidas autumni libens adsuesco pruinas,
Et brumae propinqua miros sic profero flores.
Pulchra mihi domus manet, sed pulchrior infra
Modica in forma clausus aromata vinco.
XXXVII
[recensere]Pereger externas vinctus perambulo terras
Frigidus et tactu praesto sumenti calorem.
Nulla mihi virtus, sospes si mansero semper:
Vigeo nam caesus, confractus valeo multum.
Mordeo mordentem, morsu nec vulnero dentem.
Lapis mihi flnis simul, defectio lignum.
XXXVIII
[recensere]Corpore formata pleno de parvulo patre
Nec a matre feror, nisi feratur et ipsa.
Nasci vetor ego sine genito patre.
Et creata rursus ego concipio matrem.
Hieme conceptos pendens cum servo parentes,
Rursus in aestivo coquendos ignibus apto.
XXXIX
[recensere]Arbor mihi pater, nam et lapidea mater.
Corpore nam mollis duros disrumpo parentes.
Aestas me nulla nec ulla frigora vincunt.
Vnus bruma color vernoque simul et aestu.
Propriis erecta vetor consistere plantis,
Hanibus sed alta peto cacumina tortis.
XL
[recensere]Vinculis extensa multos comprendo vagantes
Et soluta nullum queo comprendere pastum.
Venter nullus mihi, quo possint capta reponi,
Sed multa pro membris formantur ora tenendi.
Opes mihi non sunt, sursum sed pendor ad auras.
Nam fortuna mihi remanet, si tensa dimittor.
XLI
[recensere]Nascens curro velox grandi virtute sonorum.
Deprimo nam fortes, infirmos allevo sursum.
Os mihi est nullum, dente nec vulnero quemquam.
Mordeo sed cunctos silvis campisque morantes.
Cernere me quisquam, vinclis quoque neque tenere
Macedo nec Liber vincit nec Hercules umquam.
XLII
[recensere]Arte mea nulla valet durescere quisquam.
Efflcior dura, multos quae facio molles.
Cuncti me solutam cara per oscula gaudent
Et nemo constrictam manu vel tangere cupit.
Speciem mihi pulchram dat rigor et fauctor,
Qui saevos abire iubet, torpescere pulchros.
XLIII
[recensere]Concepi innumeros, de nido amitto volatus,
Corpus et inmensum parvis adsumo de membris.
Mollibus de plumis vestem contexo nitentem
Et texturae sonum nec auribus concipit ullus.
Si quis forte meo videatur vellere tectus,
Excussam vestem statim reicere temptat
XLIV
[recensere]Conspicuum corpus arte miriflca sumpsi.
Multis cava modis gemmarum ordine nector.
Publicis concepta locis in abdita nascor.
Confero sed lucrum vacua de luce referta.
Nullum mihi valet frigus nec bruma vigescit,
Sed calore semper molli sopita fatigor.
XLV
[recensere]Os est mihi patens, crebro qui tunditur ictu.
Reddo libens omnes escas, quas sumpsero lambens.
Nulla mihi fames, sitim quoque sentio nullam,
Et ieiuna mihi semper praecordia restant.
Omnibus ad escam miros efflcio sapores,
Gelidumque mihi durat per secula corpus.
XLVI
[recensere]Una mihi toto cervix pro corpore constat
Et duo libenter nascuntur capita collo.
Versa mihi pedum vice dum capita currunt,
Lenes reddo vias, quas calle tero frequenti.
Nullus mihi comam tondet nec pectine versat.
Vertice nitenti plures per oscula gaudent.
XLVII
[recensere]Aspera dum nascor, a matre cute producor
Et adulta vigens leni circumdor amictu.
In tactu sonitum de ventre profero magnum
Et corrupta tacens vocem non profero ullam.
Nullus in amore certo me diligit unquam,
Nudam nisi tangat vestemque tulerit omnem.
XLVIII
[recensere]Quattuor en istas gerens ego clausa figuras,
Pandere quas paucis deposcit ratio brevis.
Humida sum sicca, subtili corpore crassa,
Dulcis et amara, duro gestamine mollis.
Dulcis esse nulli possum nec crescere iuste,
Nisi amaro duroque carcere nascar.
XLIX
[recensere]Mirantibus cunctis nascens infligo querelas,
Statim deflcio, qui maior a patre nascor.
He gaudere polest nullus, si terrae coaequor;
Me cuncti superas laetantur carpere vias.
Improbus amara diffundo pocula totis
Et videre volunt quanti tantique refutant.
L
[recensere]Innumeris ego nascor de matribus unus,
Et genilus nnllum viventem relinquo parentem.
Multa me nascente subportant vulnera matres,
Quarum mors mihi est potestas data per omnes.
Laedere non possum, me si quis oderit, umquam,
Et iniqua meo reddo quoque satis amanti.
LI
[recensere]Multiplici veste natus de matre producor,
Nec habere corpus possum, si vestem amitto.
Meo subito nascor in ventre, fero parentes.
Nam vivo sepultus, vitam et inde resumo.
Deductus superis nec umquam crescere possum,
Dum natura facit corpus succedere plantis.
LII
[recensere]Mollis ego duros de corpore genero natos;
In conceptu numquam amplexu viri delector.
Sed dum infra meis concrescunt fllii latebris,
Nascens quisque meum disrumpit vulnere corpus.
Postquam velantes decorato tegmine matrem
Saepe religati frangunt commune u fortes.
LIII
[recensere]Venter mihi nullus, infra praecordia nulla.
Nam tenui feror semper in corpore sicco.
Cibum nulli quaero, ciborum milia servans;
Loco currens uno lucrum ac confero damnum.
Membra mihi duo tantum in corpore pendent,
Similemque gerunt caput et planta figuram.
LIV
[recensere]Duo generant multos sub numero fratres
Nomine sub uno, divisos quisque naturam.
Pauper ac dives pari labore premuntur.
Pauperes semper habet, dives quos saepe requiret.
Caput illis nullum, sed os cum corpore cingunt.
Nunc stantes et nunc iacentes plurima portant.
LV
[recensere]Semine nec ullo patris creata renascor,
Ubera nec matris suxi, quo crescere possem,
Uberibusque meis ego saepe reficio multos.
Vestigia nulla figens perambulo terras.
Non anima nec caro mihi sunt nec cetera membra,
Attamen aligeras reddo temporibus umbras.
LVI
[recensere]Una mihi soror est, unus et ego sorori.
Coniux illa mihi, huius et ego maritus.
Nam numquam uno sed multorum coniungimur ambo,
Sed de longe meam praegnantem reddo sororem.
Quotquot illa suo gignit ex utero partus,
Cunctos uno reddo tectos de peplo nepotes.
LVII
[recensere]Prohibeor solus noctts videre tenebras
Et absconse ducor longa per avfa fugiens.
Nulla mihi velox avis inventa volatu,
Cum videar nullas gestare corpore pinnas.
Vix auferre praedam me coram latro valebit.
Corpore defecta velox conprehendo senectam.
LVIII
[recensere]Assiduo multas vias itinere currens
Versa vice rerum conpellor ire deorsum
Et ab ima redux trahor conscendere sursum.
Sed cum mei parvum cursus conplevero tempus,
Publica per diem dum semper conpita curro,
Infantia pars simul est et curva senectus.
LIX
[recensere]Quo movear gressu, nullus cognoscere temptat,
Cernere nec vultus per diem signa valebit.
Quotidie currens vias perambulo multas
Et bis iterato cunctas recurro per annum.
Imber nix pruina glacies nec fulgura nocent,
Timeo nec ventum forti testudine tecta.
LX
[recensere]Promiscuo per diem vultu dum reddor amictus,
Pulcher saepe, sed turpis qui saepe habetur,
Innumeras ego res cunctis fero mirandas,
Pondere sub magno rerum nec gravor onustus.
Nullus mihi dorsum, faciem sed cuncti mirantur,
Et meo cum bonis malos recipio tecto.
LXI
[recensere]Milia conclusae domo sub una sorores:
Minima non crescit, maior nec aevo senescit.
Et cum nulla parem conetur alloqui verbis,
Suos moderato servant in ordine cursus.
Pulchrior torpentem vultu non despicit ulla.
Odiuntque lucem; noctis secreta mirantur.
LXII
[recensere]Humidis delector semper consistere locis
Et sine radice inmensos porrigo ramos.
Mecum iter agens nulla sub arte tenebit,
Comitem sed viae ego conprehendere possum.
Certum me videnti demonstro corpus a longe,
Positus et iuxta totum me numquam videbit.
LXIII
[recensere]Pulchrior me nullus versatur in poculis umquam,
Ast ego primatum in omnibus teneo solus.
Viribus atque meis possum decipere multos.
Leges atque iura per me virtutes amittunt
Vario me si quis haurire voluerit usu,
Stupebit ingenti mea percussus virtute.
I – olla
II – lucerna
III – sal
IV – scamnum
V – mensa
VI – calix
VII – vesica
VIII – ovum
IX – mola
X – scala
XI – navis
XII – granum
XIII – vitis
XIV – oliva
XV – palma
XVI – cedria
XVII – cribrum
XVIII – scopa
XIX – pix
XX – mel
XXI – apes
XXII – ovis
XXIII – ignis
XXIV – membrana
XXV – litteri
XXVI – sinapis
XXVII – papirus
XXVIII – sericus
XXIX – speculum
XXX – piscis
XXXI – nympha
XXXII – spongia
XXXIII – viola
XXXIV – rosa
XXXV – lilium
XXXVI – crocus
XXXVII – piper
XXXVIII – glacies
XXXIX – hedera
XL – muscipula
XLI – ventum
XLII – glacies
XLIII – vermiculi serici formati
XLIV – margarita
XLV – terra
XLVI – malleuss
XLVII – castanea
XLVIII – nux
XLIX – pluvia
L – vinum
LI – rosa
LII – rosa
LIII – libra
LIV ….
LV – sol
LVI – verbum
LVII – ignis
LVIII – rota
LIX – luna
LX – caelum
LXI – stellae
LXII – umbra
LXIII – vinum