Aeterni patris unice,
Nos pio vultu respice,
Qui Magdalenam hodie
Vocas ad thronum gloriae.
In thesauro recondita
Regis est dragma perdita,
Gemmaque lucet inclyta
Ex luto luci reddita.
Iesu, dulce refugium,
Spes una paenitentium,
Per peccatricis meritum
Peccati solve debitum.
Nos vitiorum stimuli
Jugi vexant instantia,
Et blandientis saeculi
Corrumpunt lenocinia.
Libet, nec licet libere
Tibi pro voto psallere,
Dum mens aegra sub miserae
Carnis gemiscit onere.
Pia mater et humilis,
Naturae memor fragilis,
Nos rege tuis precibus
In hujus vitae fluctibus.
Uni Deo sit gloria
Pro multiplici gratia,
Qui culpas et supplicia
Remittit, et dat praemia.
Aeterni patris unice
De sancta Maria Magdalena
Ad laudes
saeculo XII