Migne Patrologia Latina Tomus 86
Cantica (Auctor incertus), J. P. Migne
CANTICUM DEUTERONOMII. Capitulo 33.
(0845A)
Aña. Apparuit Dominus de monte Faran, et cum eo sanctorum milia.
Dominus de Sina veniet: et de Seir ortus est (0845B)nobis.
Apparuit Dominus de monte Faran: et cum eo sanctorum milia.
In dextera eius ignea lex: dilexit populos.
Omnes sancti in manu illius sunt: et qui adpropinquant pedibus eius accipient de doctrina illius.
Manus eius pugnabunt pro eo: et adiutor illius contra adversarios eius erit.
Catulus leonis fluet largiter de Basan: habundantia perfruetur: et plenus erit benedictione Domini mane, et meridie possidebit.
Quasi primogenita tauri pulcritudo eius cornua rinocerotis cornua illius: in ipsis ventilabit gentes usque ad terminos terre.
II. CANTICUM ESAIE PROPHETE. Capitulo 8 et 9.
(0845C)
Aña. Deus fortis super tronum David sedebit ut confirmet illud usque in sempiternum.
Liga testimonium et signa legem in discipulis meis: expectabo Dominum, qui abscondit faciem suam a domo Jacob et prestolabor eum.
Ecce ego et pueri quos dedit mici Dominus in signum et in portentum Srahelis: a Domino exercituum, qui habitat in monte Syon.
Et quum dixerint ad vos querite a pitonibus: et a divinis, qui stridant in incantationibus suis.
Numquid non populus a Deo suo requirit pro vivis ac mortuis: et ad legem magis, et ad testimonium.
(0845D)Quod si non dixerint iuxta verbum hoc: non erit eis matutina lux.
Et transibit per eam, et corruet et esuriet: et cum esurierit irascetur et maledicet regi suo et Deo suo.
Et suscipiet [suspiciet] sursum: et ad terram intuebitur.
Et ecce tribulatio, et tenebre, dissolutio et angustia et caligo persequens: et non poterit avolare de angustia sua.
Primo tempore allebata est terra Zabulon, et terra Neptalim: et in novissimo adgravata est via maris trans Jordanem Galilee.
(0846A)Gentium populus qui sedebat in tenebris vidit lucem magnam: habitantibus in regione umbre mortis, lux horta est eis.
Multiplicasti gentem, non magnificasti letitiam letabuntur (0846B)coram te sicut letantur in messe: sicut exultant victores, quando dividunt spolia.
Iugum enim honeris eius, et virgam humeris eius et scepturum exactoris eius: superasti sicut in die Madian.
Quia omnis violenta predatio cum tumultu et vestimentum mixtum sanguine: erit in combustione et cibus ignis.
Parvulus enim natus est nobis filius datus est nobis: et factus est principatus eius super humeros eius.
Et vocabitur nomen eius: Admirabilis consiliarius.
Deus fortis pater futuri seculi: princeps pacis.
[LXVI] Multiplicabitur eius imperium: et pacis eius (0846C)non erit finis.
Super solium David sedebit et super regnum eius: ut confirmet illud et corroboret in iudicio et iustitia amodo et usque in sempiternum.
Zelus Domini exercituum: faciet hoc.
III. CANTICUM ESAIE PROPHETE. Capitulo 10 et 11.
Aña. Radix Gesse qui stat in signum populorum ipsum gentes deprecabuntur.
Ecce Dominator Dominus exercituum confringet launculam in terrore: et excelsi statura succidentur et sublimes humiliabuntur.
Et subvertentur condensa saltus ferro: et Libanus cum excelsis cadet.
(0846D)Et egredietur virga de radice Jesse: et flos de radice eius ascendet.
Et requiescet super eum spiritus Domini, spiritus sapientie et intellectus, spiritus consilii et fortitudinis, spiritus scientie et pietatis: et replebit eum spiritu timoris Domini.
Non secundum visionem oculorum indicabit: neque secundum auditum aurium arguet: set iudicabit in iustitia pauperes et arguet in equitate pro mansuetis terre.
Et percutiet terram virga horis sui: et spiritu labiorum suorum interficiet impium.
Et erit iustiti cingulum lumborum eius: et fides cinctorium renum eius.
(0847A)Habitabit lupus cum agno: et pardus cum edo accubabit.
Vitulus et leo et obis simul niorabuntur: et puer parvulus minabit eos.
Vitulus et ursus pascentur: et simul requiescent catuli eorum.
Et leo quasi bos comedet paleas et delectabitur infans ab ubere.
Super foramine aspidis et in cabernam reguli: qui ablactatus fuerit manum suam mittit.
Non nocebunt et non occident in universo monte sancto meo, quia repleta est terra scientia Domini: sicut aqua maris operientis in die illa.
Radix Gesse qui stat in signum populorum: ipsum gentes deprecabuntur et erit sepulcrum eius (0847B)gloriosum.
IV. CANTICUM ESAIE PROPHETE Capitulo 30.
Deus iudicii Dominus: beati omnes qui expectant eum.
Populus enim Syon habitabit in Iesuralem plorans: nequaquam plorabis miserans miserebitur tui.
Ad vocem clamoris tui: statim ut audierit respondebit tibi.
Et dabit tibi Dominus panem artum et aquam brebem: et non faciet avolare a te ultra doctorem tuum.
Et erunt oculi tui videntes preceptorem tuum: et aures tue audient verbum post tergum monentis.
(0847C)Hec via ambulate in ea neque ad dexteram neque ad sinistram, et contaminabis lamminas sculptilium argenti tui: et vestimentum conflatilis auri tui et disperges ea sicut inmunditiam menstruate. Egredere dices ei.
Et dabitur plubia semini tuo ubicumque seminaberis in terra: et panis frugum terre erit uberrimus et pinguis.
Pascentur in possessione tua in die illa agnus spatiose et tauri tui et pulli asinorum tuorum qui operantur terram: commixtum migma comedent: sic in area ut ventilatum est.
Et erunt super omnem montem excelsum et super omnem collem elebatum rivi currentium aquarum: (0847D)in die interfectionis multorum cum ceciderit turris.
Et erit lux lune sicut lux solis: et lux solis erit septempliciter sicut lux septem dierum: in die qua alligaberit Dominus vulnus populi sui et percussuram plage eius sanaberit.
Ecce nomen Domini venit de longinquo: ardens furor eius et gravis ad portandum.
Labia eius repleta sunt indignatione: et lingua eius quasi ignis devorans.
Spiritus eius velut torrens inundans usque ad medium coliium eternorum ad perdendas gentes in nicilum: et frenum erroris quod erat in maxillis populorum.
Canticum erit vobis sicut nox sanctificate solemnitatis: (0848A)et letitia cordis sicut qui pergit cum tibia ut intret in montem Domini ad fortem Srahel.
Et auditam faciet Dominus gloriam vocis sue: et terrorem bracii sui ostendet in comminatione furoris et flamme ignis devorantis.
Allidet in turbine: et in lapide grandinis.
[LXVII] A voce enim Domini pabebit Assur virga percussus: et erit transitus virge fundatus quam requiescere faciet Dominus super eum.
In tymphanis et citharis: et bellis precipuis expugnabit eum.
Flatus enim Domini: sicut torrens sulforis succendens eum.
V. CANTICUM ESAIE PROPHETE. Capitulo 35.
(0848B)
Aña. Ecce Deus noster veniet et salvos nos faciet.
Confortate manus dissolutas: et genua debilia roborate.
Dicite pusillanimes: confortamini et nolite timere
Ecce Deus vester ultionem adducit retributionis: Deus ipse veniet et salvos nos faciet.
Tunc aperientur oculi cecorum: et aures surdorum patebunt.
Tunc saliet sicut cerbus claudus: et aperta erit lingua mutorum.
Quia scisse sunt in deserto aque et torrentes in (0848C)solitudine et que erant arida in stagna et sitientes in fontes aquarum.
In cubilibus in quibus prius dracones habitabant horietur viror calami et iunci: et erit ibi semita et via et via sancta vocabitur.
Non transibit per eam pollutus set hec erit nobis directa via: ita ut stulti non errent per eam.
Non erit ibi leo et mala bestia non ascendet per ea: nec invenietur ibi.
Et ambulabunt qui liberati fuerint et redemti a Domino: convertentur et venient in Syon cum laude et letitia sempiterna super capita eorum.
Gaudium et letitiam obtinebunt: et fugiet dolor et gemitus.
VI. CANTICUM ESAYE PROPHETE. Capitulo 40
(0848D)
Aña. Parate viam Domino rectas facite semitas Dei nostri.
Consolamini consolamini popule meus: dicit Dominus Deus vester.
Loquimini ad cor Iherusalem et vocate eam quoniam completa est malitia eius, dimisse sunt iniquitates illius: suscepit de manu Domini duplicia pro omnibus peccatis suis.
Vox clamantis in deserto parate viam Domino: rectas facite in solitudine semitas Dei nostri.
Omnis vallis exaltabitur et omnis mons et collis humiliabitur.
(0849A)Et erunt praba in directa: et aspera in vias planas.
Et revelabitur gloria Domini: et videbit omnis caro pariter quod hos Domini locutum est.
Vox dicentis clama: et dixi quid clamabo.
Omnis caro fenum: et omnis gloria eius quasi flos agri.
Et siccatum est fenum et cecidit flos: quia spiritus Domini sufflabit in eo.
Vere fenum est populus et siccatum est fenum et cecidit flos: verbum autem Domini Dei nostri stabit in eternum.
Super montem excelsum ascende tu qui evangelizas Syon exalta in fortitudine vocem tuam: qui evangelizas Iherusalem exalta et noli timere: dic (0849B)civitatibus Juda, ecce Deus vester.
VII. CANTICUM ESAYE PROPHETE.
Aña. Ecce Dominus in fortitudine veniet et bracium eius cum dominatione.
Ecce Dominus Deus in fortitudine veniet: et bracium eius dominabitur.
Ecce merces eius cum eo: et opus illius coram ipso.
Sicut pastor gregem suum pascit et in bracio suo congregabit agnos et in sinu suo levabit: fetas ipse portabit.
Quis mensus est pugillo aquas: et celos palmo ponderabit.
(0849C)Quis appendit tribus digitis molem terre: et librabit in pondere montes et colles in statera?
Quis adiubit spiritum Domini: aut quis consiliarius eius fuit et ostendit illi?
Quum quo inid [ Forte, iniit] consilium et instruxit eum; et docuit eum semitam iustitie; et erudibit eum scientia: et viam prudentie ostendit illi.
Ecce gentes quasi stille situle: et quasi momentum instatere reputate sunt.
Ecce insule quasi pulvis exiguus et Libanus non sufficiet ad succendendum: et animalia eius non sufficient ad holocaustum.
Omnes gentes quasi non sint sic sunt coram eo: [LXVIII] et quasi nicilum et inane reputate sunt.
VIII. CANTICUM ESAYE PROPHETE. Capitulo 42.
(0849D)
Cantate Domino canticum nobum: laus eius ab extremis terrae.
Qui descenditis in mare et plenitudo eius: insule et habitatores earum.
Sublebetur desertum et civitates eius: in domibus habitabit Cedar.
Laudate eum habitatores petrae: de vertice montium clamate.
Ponent Domino gloriam: et laudem eius in insulis nuntiabunt.
(0850A)Dominus sicut fortis egredietur: et sicut vir preliator suscitabit zelum.
Vociferabitur et clamabit: et super inimicos suos confortabitur.
Tacui semper silui patiens fui: sicut pariens loquar.
Dissipabo et obsorbebo simul desertos faciam montes et colles: et omne germen eorum exiccabo.
Ponam flumina in insulas: et stagna arefaciam.
Et deducam cecos in viam quam nesciunt: et in semitis quas ignoraberunt ambulare eos faciam.
Ponam tenebras coram eis in luce: et prava in recta.
IX. CANTICUM ESAYE PROPHETE. Capitulo 49.
(0850B)
Aña. Consolatus est Dominus populum suum: et pauperum suorum miserebitur.
Hec dicit Dominus redemtor Srahel sanctus eius: ad contemtibilem animam et abominatam gentem ad servum dominorum.
Reges videbunt et consurgent principes et adorabunt propter Dominum quia fidelis est: et sanctus Srahel qui elegit te.
Hec dicit Dominus, tempore placito exaudibi te: et in die salutis auxiliatus sum tui.
Et serbabi et dedi te in fedus populi: ut suscitares terram et possideres hereditates dispersas.
Ut diceres his qui vincti sunt exite: et his qui in (0850C)tenebris sunt revelamini.
Super vias pascentur: et in omnibus planis pascua eorum.
Non esurient neque sitient et non percutiet eos estus et sol: quia miserator eorum reget eos et ad fontes aquarum potabit illos.
Et ponam omnes montes meos in via: et semite mee exaltabuntur.
Ecce isti de longe venient et ecce illi ab Aquilone et mari: et isti de terra australi.
Laudate celi et exulta terra, iubilate montes laudem: quia consolatus est Dominus populum suum et pauperum suorum miserebitur.
X. CANTICUM ESAYE PROPHETE. Capitulo 51.
(0850D)
Aña. Salus mea in sempiternum erit dicit Dominus et iustitia mea in generatione et generatione.
Adtendite ad me popule meus: et tribus mea me audite.
Quia lex a me exiet: et iudicium meum in luce populorum requiescet.
Prope est iustus meus et egressus est salbator meus: et bracia mea populos iudicabunt.
Me enim insule expectabunt: et bracium meum sustinebunt.
Lebate in celum oculos vestros: et videte sub terra deorsum.
Quia celi sicut fumus liquescent et terra sicut (0851A)vestimentum adteretur: et habitatores eius sicut hec interibunt.
Salus autem mea in sempiternum erit: et iustitia mea non deficiet.
Audite me qui scitis iustum populum: lex mea in corda eorum.
Nolite timere obprobrium hominum: et blasfemias eorum ne metuatis.
Sicut enim vestimentum sic comedet eos vermis: et sicut lanam sic devorabit eos tinea.
Salus autem mea in sempiternum erit: et iustitia mea in generatione et generatione.
Consurge consurge induere fortitudine bracium Domini: consurge sicut in diebus antiquis in generationibus seculorum.
(0851B)Numquid non tu percusisti supervum: vulnerasti draconem?
Numquid non tu exsiccasti mare: aquam abyssi veementis
Qui posuisti profundum maris viam: ut transirent liberati.
Et nunc qui redemti sunt a Domino convertentur et venient in Syon laudantes: et letitia sempiterna super capita eorum.
Gaudium et letitiam obtinebunt: et fugiet dolor et gemitus.
[LXIX] Ego ego ipse consolabor vos: ayt Dominus.
XI. CANTICUM ESAYE PROPHETE. Capitulo 52.
(0851C)Aña. Quam pulcri super montes pedes adnuntiantis pacem predicantis salutem dicentis regnabit Dominus Deus tuus.
Consurge consurge induere fortitudine tua Syon: indere [induere] vestimentis glorie tue Iherusalem civitas sancta.
Quia non adiciet ultra ut pertranseat per te incircumcisus et immundus: excutere de pulvere consurge sede Iherusalem, solbe vincula colli tui captiba filia Syon.
Quia haec dicit Dominus, gratis venumdati estis: et sine argento redimemini.
Quia hec dicit Dominus Deus, in Egypto descendit populus meus in principio ut colonus esset ibi: et Assur absque ulla causa calumniatus est eum.
(0851D)Et nunc: quid mici est hec dicit Dominus, quoniam ablatus est populus meus gratis.
Dominatores eius inique agunt dicit Dominus: et iugiter tota die nomen meum blasfematur.
Propter hoc sciet populus meus nomen meum in die illa: quia ego ipse: quia ego ipse qui loquebar ecce adsum.
Quam pulcri super montes pedes evangelizantis et praedicantis pacem: adnuntiantis bonum praedicantis salutem dicentis Syon, regnabit Dominus Deus tuus.
Vox speculatorum tuorum lebaberunt vocem simul laudabunt: quia oculum ad oculum videbunt quum converterit Dominus Syon.
XII CANTICUM ESAYE PROPHETE. Capitulo 56
(0852A)
Aña. Iuxta est salus mea ut veniat et iustitia mea ut reveletur ayt Dominus.
Hec dicit Dominus, custodite iudicium et facite iustitiam: quia iuxta est salus mea ut veniat et iustitia mea ut reveletur.
Beatus vir qui facit hoc: et filius hominis qui adprehendit istut.
Custodiens sabbatum ne polluat illut: custodiens manus suas ne faciat omnem malum.
Et non dicat filius advene qui aderet Domino dicens: separationem dividet me Dominus a populo suo.
(0852B)Et non dicat eunucus, ecce ego lignum aridum: quia hec dicit Dominus eunucis.
Qui custodierint sabbata mea et elegerint que volui et tenuerint fedus meum: dabo eis in domo mea et in muris meis locum et nomen melius a filiis et a filiabus nomen sempiternum dabo eis quod non peribit.
Et filius advene qui aderet Domino ut colant eum: et qui diligunt nomen eius ut sint ei in servos.
Omnem custodientem sabbatum ne polluat illut et tenentes fedus meum: adducam eos in monte sancto meo et letificabo eos in domo orationis mee.
Holocausta eorum et victime eorum placebunt mici super altari meo: quia domus mea domus orationis vocabitur cuntis populis ayt Dominus Deus qui congregat (0852C)dispersos Srahel.
XIII. CANTICUM ESAYE PROPHETE. Capitulo 62.
Aña. Dicite filie Syon: ecce salbator tuus venit.
Iurabit Dominus in dextera sua: et in bracio fortitudinis sue.
Si dedero tritticum tuum ultra cibum inimicis tuis: et si biberint filii alieni vinum tuum in quo tu laborasti.
Quia qui congregabunt illut comedent et laudabunt Dominum: et qui comportant illut vibent in atriis sanctis meis.
Transite transite per portas, preparate viam populo meo: planum facite iter et eligite lapides.
(0852D)Elevate signum ad populos: ecce Dominus auditum fecit ab extremis terre.
Dicite filie Syon ecce Salvator tuus venit: ecce merces eius cum eo et opus illius coram ipso.
Et vocabunt eos populus sanctus et redemti a Domino: tu autem vocaberis civitas quesita non derelicta.
XIV. CANTICUM EX EVANGELIO SECUNDUM LUCAM. Capitulo 1.
Aña. Fecit mici magna qui potens est et sanctum nomen eius et misericordia eius in omni progenie et generatione.
Magnificat anima mea Dominum: et exultabit spiritus meus in Deo salutari meo.
(0853A)[LXX] Quia respexit humilitatem ancille sue: ecce enim ex hoc beatam me dicent omnes generationes.
Quia fecit mici magna qui potens est et sanctum nomen eius: et misericordia eius in progenies et progenies timentibus eum.
Fecit potentias in bracio suo: dispersit supervos mente et intellectu cordis sui.
Deposuit potentes de sede: et exaltabit humiles.
Esurientes replebit bonis: et divites dimisit inanes.
Suscepit Shrael puerum suum memorari misericordie sue: sicut locutus est ad patres nostros Abraham et semini eius usque in seculum.
XV. CANTICUM ESAYE PROPHETE. Capitulo 45.
(0853B)
Aña. Aperiatur terra et germinet salvatorem et iustitia oriatur simul.
Rorate celi desuper: et nubes pluant iustum.
Aperiatur terra et germinet salvatorem: et iustitia oriatur simul ego Dominus creabi ea.
Ve qui contradicit finctori suo: testa de samiis terre.
Numquid dicit lutum figulo suo quid facis: et opus tuum absque manibus est?
Ve qui dicit patri quid generas: et mulieri quid parturis.
Hec dicit Dominus sanctus Srahel plastes eius: ventura interrogate me super filios meos et super (0853C)opus manuum mearum mandate mici.
Ego feci terram: et hominem super eam creabi ego.
Manus mee tetenderunt celos: et omni militie eorum mandabi.
Ego suscitabo eum ad iustitiam: et omnes vias eius dirigam.
Ipse edificabit civitatem meam: et captivitatem meam dimittet.
Non in pretio neque in muneribus: dicit Dominus Deus exercituum.
Hec dicit Dominus, labor Egypti: et negotiatio Eziopie et Sabaim.
Viri sublimes ad te transibunt et tui erunt: post te ambulabunt, victi manibus pergent et te adorabunt (0853D)teque deprecabuntur.
Tantum in te est Deus et non est absque te Deus: vere tu es Deus absconditus Deus Srahel salvator.
Confusi sunt et erubuerunt simul omnes habierunt in confusione fabricatores errorum: Srahel salvatus in Domino salute eterna.
Non confundemini: et non erubescetis usque in seculum seculi.
Quia hec dicit Dominus creans celos ipse Deus formans terram et faciens eam: ipse plastes eius.
Non in vanum creabit eam: sed ut habitaretur formabit eam.
(0854A)Ego Dominus et non est alius: non in abscondito locutus sum in loco terre tenebroso.
Non dixi semini Jacob, frustra queritis me: ego Dominus loquens iustitiam et adnuncians recta.
Congregamini et venite: et accedite simul qui salvatis ex gentibus.
Nescierunt qui lebant signum sculpture sue: et rogant Deum non salvantem.
Adnunciate et venite et consiliamini simul: quis auditum fecit hoc ab initio ex tunc predixit illut.
Numquid non ego Dominus et non est ultra Deus absque me? Deus iustus et salvans non est preter me.
Convertimini ad me et salvi eritis omnes fines terrae: quia ego Dominus et non est alius.
(0854B)In memetipsum iurabi et egredietur de ore meo iustitie verbum et non revertetur: quia mici curbabunt omnia genu et iurabit omnis lingua.
Ergo in Domino dicent mee sunt iustitie, et imperium ad eum veniet: et confundantur omnes qui repugnant ei.
In domino iustificabitur: et laudabitur omne semen Srahel.
XVI CANTICUM DE EVANGELIO SECUNDUM LUCAN. Capitulo 2.
Aña. Ego in Domino gloriabo gaudebo in Deo Ihesu meo.
Nunc dimittis servum tuum Domine secundum verbum tuum in pace: quia viderunt oculi mei salutare (0854C)tuum quod preparasti ante faciem omnium populorum.
Lumen ad revelationem gentium: et gloriam plevis tue Srahel.
XVII. [LXXI] CANTICUM ESAYE PROPHETE. Capitulo 60.
Aña. Inluminare Iherusalem adest enim lumen tuum.
Surge inluminare Iherusalem quia venit lumen tuum; et gloria Domini super te orta est.
Quia ecce tenebre operient terram: et caligo populos.
Super te autem orietur Dominus: et gloria eius in te videbitur.
(0854D)Et ambulabunt gentes in lumine tuo: et reges in splendore ortus tui.
Leba in circuitu oculos tuos et vide: omnes isti congregati sunt et venerunt tibi.
Filii tui de longe venient: et filie tue in latere surgent.
Tunc videbis et aflues: et admirabitur et dilatabitur cor tuum.
Quando conversa fuerit ad te multitudo maris: fortitudo gentium venerit tibi.
Inundatio camelorum operiet te: dromedarie Madian et Eva.
(0855A)Omnes de Sabaa venient aurum et tus deferentes: et laudem Domino adnuntiantes.
Omne pecus Cedar congregabitur tibi: arietes Nabahot ministrabunt tibi.
Offerentur super placabili altari meo: et domus maiestatis mee glorificabo.
Qui sunt isti qui ut nubes volant: et quasi columbe ad fenestras suas.
Me enim insule expectabunt: et nabes maris in principio.
Ut adducant filios tuos de longe, argentum eorum et aurum eorum cum eis in nomine Domini Dei tui: et sancti Srahel quia glorificabit te.
Et edificabunt filii peregrinorum muros tuos: et reges eorum ministrabunt tibi.
(0855B)In indignatione enim mea percussi te: et in reconciliatione mea misertus sum tui.
Et aperientur porte tue iugiter die ac nocte - et non claudentur.
Ut afferatur ad te fortitudo gentium: et reges eorum adducantur.
Gens enim et regnum quod non servierit tibi peribit: et gentes in solitudine vastabuntur.
Gloria Libani ad te veniet et abies et buxus et pinus simul ad ornandum locum sanctificationis mee: et locum pedum meorum glorificabo.
Et venient ad te curbi filii eorum qui humiliaberunt te: et adorabunt vestigia pedum tuorum omnes qui detraebant tibi.
(0855C)Et vocabunt te civitatem Domini Syon sancti Srahel: pro eo quod non fuisti derelicta et odio habita et non erat qui per te transiret.
Ponam te in supervia seculorum: gaudium in generatione et generationem.
Et sugges lac gentium: et mamillas regum lactaberis.
Et scies quia ego Dominus salvans te: redemtor tuus fortis Jacob.
Pro ere afferam aurum et pro ferro afferam argentum et pro lignis hes: et pro lapidibus ferrum.
Et ponam visitationem tuam pacem: et prepositos tuos iustitiam.
Non audietur iniquitas ultra in terra tua: vastitas et contritio in terminis tuis.
(0855D)Et occupabit salus muros tuos: et portas tuas laudatio.
Non erit tibi amplius sol ad lucendum per diem neque splendor lune inluminabit te: set erit tibi Dominus in lucem sempiternam et Deus tuus in gloriam tuam.
Non occidet ultra sol tuus et luna tua non minuetur: quia Dominus erit tibi in lucem sempiternam et complebuntur dies luctus tui.
Populus autem tuus omnes iusti, in perpetuum hereditabunt terram: germen plantationis mee opus manuum mearum ad glorificandum.
Minimus erit in mille: et parvulus in gentem fortissimam.
(0856A)Ego Dominus in tempore eius: subito faciat istut.
XVIII. CANTICUM IHEREMIE PROPHETE. Capitulo 31.
Hec dicit Dominus: vox in excelso audita est lamentationis: fletus et ululatus: Racel plorans filios suos et noluit consolari super eos quia non sunt.
Hec dicit Dominus: quiescat vox tua a ploratu et oculi tui a lacrimis: quia est merces operi tuo ayt Dominus.
Et revertentur de terra inimici et est spes novissimis tuis ayt Dominus: et revertentur filii ad terminos suos.
Audiens audibi Efrain transmigrantem: castigasti (0856B)me et eruditus sum quasi iubenculus indomitus.
[LXXII] Converte me et revertar: quia tu es Deus meus.
Postquam enim convertisti me egi penitentiam: et postquam ostendisti mici percussi femur meum.
Confusus sum et erubui: quoniam sustinui obprobrium adulescentie mee.
Si filius honorabilis mici Efrain si puer delicatus: quia ex quo locutus sum de eo adhuc recordabor eius.
Idcirco conturbata sunt viscera mea super eum: miserans miserebor eius ayt Dominus.
Statue tibi speculum pone tibi amaritudines: dirige cor tuum in viam rectam in qua tu ambulasti.
Revertere virgo Srahel revertere ad civitates tuas: (0856C)usquequo deliciis disolveris filia vaga quia creabit Dominus novum super terram: FEMINA CIRCUMDABIT VIRUM.
INCIPIUNT CANTICI DE QUADRAGESIMA DICENDI. XIX. CANTICUM ESAYE PROPHETE. Capitulo 58.
Clama ne cesses dicit Dominus: quasi tuba exalta vocem tuam.
Et adnuntia populo meo scelera eorum: et domui Jacob peccata eorum.
Me enim de die in diem querunt: et scire vias meas volunt.
(0856D)Quasi gens que iustitiam fecerit: et que iudicium Dei sui non dereliquerit.
Rogant me iudicia iustitie: adpropinquare Deo volunt.
Quare ieiunabimus et non aspexisti: humiliabimus animas nostras et nescisti?
Ecce in diem ieiunii vestri invenitur voluntas vestra: et omnes debitores vestros repetitis.
Ecce ad lites et ad contentiones ieiunatis: et percutitis pugno impie.
Nolite ieiunare sicut usque ad hanc diem: ut audiatur in excelso clamor vester.
Numquid tale est ieiunium quod elegi: per diem affligere hominem animam suam?
(0857A)Numquid contorquere quasi circulum caput suum: et saccum et cinerem sternere?
Numquid istum vocabi ieiunium: et diem acceptabilem Domino?
Nonne hoc est magis: ieiunium quod elegi.
Dissolve colligationes impietatis: solve fasciculos deprimentes.
Dimitte eos qui confracti sunt liberos: et omne honus eorum disrumpe.
Frange esurienti panem tuum: et egenos vagosque induc in domum tuam.
Quum videris nudum operi eum: et carnem tuam ne dispexeris.
Tunc erumpet quasi mane lumen tuum: et sanitas tua citius orietur.
(0857B)Et antelbit faciem tuam iustitia: et gloria Domini colliget te.
Tunc invocabis et Dominus exaudiet: clamabis et dicet: ecce adsum.
XX. CANTICUM IHEREMIE PROPHETE. Tren. Capitulo 5.
Recordare Domine quid acciderit nobis: intuere et respice obprobrium nostrum.
Hereditas nostra versa est ad alienos: domus nostra ad extraneos.
Pupilli facti sumus absque patre: matres nostre quasi vidue.
Aquas nostras pecunia bibimus: et ligna nostra pretio comparabimus.
(0857C)Cervicibus minabamur: lassis non dabatur requies.
Egipto dedimus manum et Assiriis dedimus colla nostra: ut saturaremur pane.
Patres nostri peccaberunt et non sunt: nos autem iniquitates eorum portabimus.
Servi dominati sunt nobis: et non fuit qui redimeret nos de manibus eorum.
In animabus nostris afferabamur panem nobis: a facie gladii in deserto.
Pellis nostra quasi clibanus exusta est: a facie tempestatum famis.
Mulieres in Syon humiliaberunt: et virgines in civitatibus Juda.
Principes manum suspensi sunt: et facies senum (0857D)non erubuerunt.
Adolescentibus impudice abusi sunt: et pueri in ligno corruerunt.
Senes de portis defecerunt: et iubenes de coro psallentium.
Defecit gaudium cordis nostri versus est in luctu corus noster, cecidit corona capitis nostri: ve nobis quoniam peccabimus.
Propterea mestum factum est in dolore cor nostrum, ideo contenebrati sunt oculi nostri propter montem Syon quia disperiit: vulpes ambulaberunt per eum.
[LXXIII] Tu autem Domine in eternum permanes: et solium tuum in generatione et generatione.
(0858A)Quare ergo in perpetuum oblivisceris nostri: derelinques nos in longitudine dierum.
Converte nos Domine ad te et convertemur: renoba dies nostros sicut a principio.
Set proiciens reppulisti nos: iratus es contra nos veementer.
XXI. ORATIO IHEREMIE [NEHEMIE] DE LIBRO ESDRE II. Capitulo 1.
Aña. Miserere Deus magne terribilis qui custodis pactum et misericordiam diligentibus te et custodientibus mandata tua.
Queso Domine Deus celi fortis magne atque terribilis: qui custodis pactum et misericordiam cum his qui diligunt te et custodiunt mandata tua.
(0858B)Fiat auris tua auscultans et oculi tui aperti: ut audias orationem servi tui que ego oro quoram te odie nocte et die pro filiis Srahel servis tuis.
Et confiteor pro peccatis filiorum Srahel in quibus peccaberunt tibi: et ego et domus patris mei.
Peccavimus vanitate seducti sumus: et non custodibimus mandatum et cerimonias adque iudicia que precepisti Moysi servo tuo.
Memento verbi quod mandasti Moysi famulo tuo dicens: cum transgressi fueritis ego disperdam vos in populis.
Et si revertamini ad me et custodiatis mandata mea et faciatis ea, etiamsi adducti fueritis ab extrema celi inde congregabo vos: et inducam in locum quem elegi ut habitaret nomen meum ibi.
(0858C)Et ipsi servi tui et populus tuus quos redemisti in fortitudine tua magna: et in manu tua valida.
Obsecro Domine sit auris tua adtendens ad orationem servi tui: ad orationes servorum tuorum qui volunt timere nomen tuum.
Et dirige servum tuum odie: et da ei misericordiam ante virum hunc.
XXII. ORATIO MANASSE REGIS DE LIBRO PARALIPOMENON.
Aña. Peccabi Domine peccabi et iniquitatem meam ego cognosco.
Deus altissimus magnanimis, miserator et multe misericordie: patiens super mala hominum.
Tu ergo Domine secundum multitudinem bonitatis tue promisisti indulgentiam et remissionem delinquentibus (0858D)tibi: et habundantiam misericordie tue, statuisti penitentiam peccatoribus ad salutem.
Tu ergo Domine Deus iustorum non posuisti penitentiam iustis tuis Abraham Ysaac et Jacob, qui non peccaberunt tibi set posuisti penitentiam mici peccatori: quoniam super numerum arene maris habundaberunt iniquitates mee: et non est declinatio multitudinis delictorum meorum.
Et nunc iuste contineor digne comprimor: percurbatus multis vinculis ferreis ad non erigendum caput.
Quoniam non sum dignus aspicere et videre altitudinem celi: pre iniustitiis meis.
Quoniam irritabi furorem tuum et feci malum coram (0859A)te: statuens abominationes et multiplicans odiositates.
Et nunc flecto genua cordis mei: precans a te bonitatem.
Peccabi Domine peccabi: et iniquitatem meam ego agnosco.
Ne perdas me cum iniquitatibus meis neque in finem iratus contineas mala mea: neque condemnaberis me cum his qui sunt in inferibus [inferioribus] terre.
Tu es enim Deus penitentium: ut in me ostendas bonitatem tuam.
Indignum me salvabis secundum multitudinem misericordie tue: et glorificabo nomen tuum in omni vita mea.
Quoniam te laudat omnis virtus celorum: et tibi (0859B)est gloria in secula seculorum.
XXIII. CANTICUM TOBI. Capitulo 13.
Magnus es Domine in eternum: et in omnia secula regnum tuum.
Quoniam tu flagellas et salvas, ducis ad infernum et reducis: et non est qui effugiat manum tuam.
Confitemini Domini filii Srahel: et in conspectu gentium laudate eum.
Quoniam ideo dispersit vos in gentes que ignorant eum ut vos narretis mirabilia eius: et faciatis scire eos quia non est alius Deus omnipotens preter eum.
Ipse castigabit nos propter iniquitates nostras: [LXXIV] et ipse salvabit nos propter misericordiam (0859C)suam.
Aspicite ergo que fecit vobiscum timore et tremore confitemini illi regemque seculorum: laudate et exultate eum in operibus vestris.
Ego autem in terra captivitatis mee confitebor illi: quoniam ostendit magestatem suam super gentem peccatricem.
Convertimini itaque peccatores et facite iustitiam coram Deo: credentes quod faciet vobiscum misericordiam suam.
Ego autem et anima mea: in Deo laetabitur.
Benedicite Domino omnes electi eius: agite diem leticie et confitemini illi.
XXIV. ORATIO DE LIBRO IHESU. Capitulo 36.
(0859D)
Miserere nostri Deus omnium et respice nos: et ostende nobis lumen miserationis tue.
Et inmitte timorem tuum super gentes que non exquisierunt te: et cognoscant quia non est Deus nisi tu ut enarrent magnalia tua.
Alleba manum tuam super gentes alienas: ut videant potentiam tuam.
Sicut enim in conspectu eorum sanctificatus es in nobis, sic in conspectu nostro magnificaberis in illis: ut cognoscant te sicut et nos cognobimus quoniam non est Deus preter te Domine
Innoba signa: et inmuta mirabilia.
Glorifica manum: et bracium dextrum.
(0860A)Excita furorem: et effunde iram.
Extolle adversarium: et afflige inimicum.
Festina tempus et memento finis: ut enarrent magnalia tua.
In ira flamme devorentur peccatores: et qui pessimant plebem tuam inveniant perditionem.
Contere caput principum iniquorum: dicentium non est alius preter nos.
Congrega omnes tribus Jacob et cognoscant quia non est Deus nisi tu ut enarret magnalia tua: et hereditabis eos sicut ab initio.
Miserere plebi tue super quam invocatum est nomen tuum: et Srahel quem quoequasti primogenito tuo.
Miserere civitati sanctificationis tue: Iherusalem (0860B)civitati requiei tue.
Reple Syon inenarrabilibus virtutibus tuis: et gloria tua populum tuum.
Da testimonium quia ab initio creature tue sunt: et suscita precationes quas locuti sunt in nomine tuo prophete priores.
Da mercedem sustinentibus te ut prophetui [prophetae tui] fideles inveniantur: et exaudies orationes servorum tuorum.
Secundum benedictionem Haaron da populo tuo: et dirige nos in viam iustitie.
Ut sciant omnes qui inhabitant terram: quia tu es Deus conspector seculorum.
XXV. CANTICUM ZACCARIE [AZARIE] DE LIBRO DANIELIS. Capitulo 3.
(0860C)
Aña. Quecumque Domine fecisti nobis, vero iudicio fecisti, et hec omnia propter peccata nostra.
Alia. Iustus es Domine in omnibus que fecisti nobis et omnia opera tua veritas et recte sunt vie tue.
Benedictus es Domine Deus patrum nostrorum et laudabilis: et gloriosum nomen tuum in secula.
Quia iustus es in omnibus que fecisti nobis et universa opera tua et vie tue recte: et omnia iudicia tua vera.
Iudicia enim vera fecisti iuxta omnia que induxisti super nos: et super civitatem sanctam patrum nostrorum Iherusalem.
Quia in veritate et in iudicio induxisti omnia hec: (0860D)propter peccata nostra.
Peccabimus enim et inique egimus recedentes a te: et deliquimus in omnibus et precepta tua non audibimus nec observabimus nec fecimus sicut preceperas nobis ut bene nobis esset.
Omnia ergo que induxisti super nos et universa que fecisti nobis: vero iudicio fecisti.
Et tradidisti nos in manibus inimicorum inicorum, pessimorum prevaricatorumque: et regi iniusto et pessimo ultra omnem terram.
Et nunc non possumus aperire os: confusio et obprobium facti sumus servis tuis et his qui colunt te.
Ne quesumus tradas nos in perpetuum propter nomen tuum: neque dissipes testamentum tuum neque auferas misericordiam tuam a nobis.
(0861A)Propter Abraham dilectum tuum et Ysaac servum tuum et Srahel sanctum tuum: quibus locutus es pollicens quod multiplicares [LXXV] semen eorum sicut stellas celi: et velut arena que est in littore maris.
Quia Domine imminuti sumus plusquam omnes gentes: sumusque humiles in universa terra odie propter peccata nostra.
Et non est in hoc tempore princeps profeta et dux neque holocaustum neque sacrificium neque oblatio neque incensum neque locus primitiarum coram te: ut possimus invenire misericordiam tuam.
Set in anima contrita et spiritu humilitatis suscipiamur sicut in holocaustis arietum et taurorum: et sicut in milibus agnorum pinguium sic fiat sacrificium (0861B)nostrum in conspectu tuo odie ut placeat tibi.
Et perfice subsequentes te: quoniam non est confusio confidentibus in te.
Et nunc sequimur in toto corde nostro et timemus te: et querimus faciem tuam ne confundas nos.
Set fac nobiscum secundum mansuetudinem tuam: et secundum multitudinem misericordie tue: et erue nos in mirabilibus tuis et da gloriam nomini tuo Domine.
Confundantur omnes qui ostendunt servis tuis mala: confundantur in omni potentia sua et robur eorum conteratur.
Et scient quia tu es Dominus solus: et gloriosus in universo orbe terrarum.
XXVI. INCIPIUNT CANTICI DE TRADITIONE DOMINI. CANTICUM DE LIBRO MACCABEORUM II. Capitulo 1.
(0861C)
Aña. Domine Domine Deus omnium creator terribilis et fortis iustus et misericors congrega dispersionem nostram, libera eos qui serviunt gentibus.
Alia. Domine Domine contemtos et abominatos respice, afflige comprimentes et contumeliam facientes in superbia ut sciant gentes quod tu es Deus noster.
Domine Domine Deus omnium creator: terribilis fortis et misericors.
Qui solus es rex bonus, solus prestans, solus iustus: omnipotens et eternus.
Qui liberas Srahel de omni malo: qui fecisti patres electos et sanctificasti eos.
(0861D)Accipe sacrificium pro universo populo tuo Srahel: et custodi partem tuam et sanctifica dispersionem nostram.
Libera eos qui serviunt gentibus: contemtos et abominatos respice, ut sciant gentes quod tu es Dominus Deus noster.
Afflige comprimentes: et contumeliam facientes in superviam.
Constitue populum tuum in loco sancto tuo: sicut dixit Moyses.
XXVII. CANTICUM IHEREMIE PROPHETE. Capitulo 11
Aña. Quasi agnus mansuetus ductus sum ad victimam.
(0862A)Tu Domine demonstrasti mici: et ego cognobi.
Nunc ostendisti mici studia eorum: et salvam fecisti a persequentibus animam meam.
Et ego quasi agnus mansuetus qui portatur ad victimam: et nunc cognobi quia super me cogitaberunt consilia.
Mittamus lignum in pane eius: et eradamus eum de terra vibentium: et nomen eius non memoretur amplius.
Tu autem Domine Sabaoth qui iudicas iuste et probas renes et cor: videam queso ultionem tuam ex eis tibi enim revelabi causam meam.
Iustus quidem tu es Domine: si disputem tecum verumtamen iusta loquar ad te.
Quare via impiorum prosperatur: bene est omnibus (0862B)qui praevaricantur et inique agunt.
Plantasti eos et radicem miserunt: proficiunt et faciunt fructum.
Prope es tu hori eorum: et longe ha renibus eorum.
Et tu Domine nosti me et vidisti me: et probasti cor meum tecum.
Congrega eos quasi gregem ad victimam: et sanctifica illos in die occisionis.
XXVIII. CANTICUM IHEREMIE PROPHETE. Capitulo 15.
Tu scis Domine recordate [recordare] mei et tuere me a persequentibus me et visita me: ab his qui persecuntur (0862C)me.
Noli in patientia tua suscipere me: scito quoniam sustinui pro te obprobrium inventi sunt sermones tui et comedi eos.
Et factum est mici verbum tuum in gaudio et in letitia cordis mei: quoniam invocatum est nomen tuum super me Domine Deus exercituum.
[LXXVI] Non sedi in concilio ludentium: et gloriatus sum.
A facie enim manus tue solus sedebam: quoniam comminatione replesti me.
Quare factus est dolor meus perpetuus: et plaga mea disperabilis rennuit curari.
Factum est mici: quasi mendacium aquarum infidelium.
(0862D)Propter hoc hec dicit Dominus si converteris convertam te: et ante faciem meam stabis.
Etsi seperaberis pretiosum a vili: quasi hos meum eris.
Convertentur ipsi ad te: et tu non converteris ad eos.
Et dabo te populo huic in murum hereum fortem: et bellabunt adversum te: et non prevalebunt, quia ego tecum sum ut salvem te et eruam te dicit Dominus.
Et liberabo te de manu pessimorum: et redimam te de manu fortium.
XXIX. CANTICUM IHEREMIE PROPHETE. Capitulo 18.
(0863A)
Adtende Domine ad me: et audi vocem adversariorum meorum.
Numquid reddetur pro bono malum: quia foderunt fobeam anime mee.
Recordare quod steterim in conspectu tuo ut loquerer pro eis bonum: et averterem indignationem tuam ab eis.
Propterea da filios eorum in fame: et deduc eos in manu gladii.
Fiant uxores eorum absque liberis et vidue: et viri earum interficiantur mortem.
Iubenes eorum confodiantur gladio in prelio: audiatur (0863B)clamor de domibus eorum.
Adduces enim super eos latronem repente quia foderunt fobeam ut caperent me: et laqueos absconderunt pedibus meis.
Tu autem Domine scis omne consilium eorum: adversum me in morte.
Ne propitieris iniquitati eorum: et peccatum eorum a facie tua non deleatur.
Fiant corruentes in conspectu tuo: in tempore furoris tui abutere eis.
XXX. CANTICUM IHEREMIE PROPHETE. Capitulo 20.
Aña. Domine qui me persecuntur corruant et infirmi (0863C)fiant.
Seduxisti me Domine et seductus sum: ortior me fuisti et invaluisti.
Factus sum in derisu: tota die omnes subsanabant me.
Quia iam olim loquor vociferans: iniquitatem et vastitatem clamito.
Et factum est mici sermo Domini in obprobrium et in derisu tota die: et dixi non recordabor eius neque loquar ultra in nomine illius.
Et factus est in corde meo quasi ignis exestuans claususque in ossibus meis: et defeci ferre non sustinens.
Audibi enim contumerias multorum: et terrorem in circuitu.
(0863D)Persequimini et persequamur eum: ab omnibus viris qui erant pacifici mei et custodientes latus meum.
Si quomodo decipiatur et prevaleamus adversus eum: et consequamur ultionem ex eo.
Dominus autem mecum est quasi bellator fortis: idcirco qui persecuntur me cadent et infirmi erunt.
Confundantur veementer. quia non intellexerunt obprobrium sempiternum quod numquam delebitur.
Et tu Domine exercituum probator iusti qui probas renes et cor: videam queso ultionem tuam ex eis, tibi enim revelabi causam meam.
XXX. CANTICUM IHEREMIE PROPHETE. Capitulo 23.
(0864A)
Contritum est cor meum in medio mei: contremuerunt omnia ossa mea.
Factus sum sicut vir ebrius: et quasi homo madidus a vino.
A facie Domini: et a facie verborum sanctorum eius.
Quia adulteriis repleta est terra: quia a facie maledictionis luxit terra, arefacta sunt arba deserti.
Factus est cursus eorum malus: et fortitudo eorum dissimilis.
Propheta namque et sacerdos polluti sunt: et in domo mea inveni malum eorum ayt Dominus.
(0864B)Idcirco via eorum erit quasi lubricum in tenebris: impellentur enim et corruent in ea.
Auferam enim super eos mala: annum visitationis eorum ayt Dominus.
XXXII. CANTICUM IHEREMIE [MICHEAE] PROPHETE. Capitulo 7.
Aña. Nolite credere amico et nolite confidere in duce: quia inimici hominis domestici eius.
[LXXVII] Nolite credere amico et nolite confidere in duce: ab ea que dormit in sinu tuo custodi claustra horis tui.
Quia filius contumeliam facit patri, filia consurgit adversus matrem suam, et nurus contra socrum suam: et inimici hominis domestici eius.
(0864C)Ego autem ad Dominum aspiciam, expectabo Deum salvatorem meum: audiet me Deus meus.
Ne leteris inimica mea super me quia cecidi: consurgam.
Quum sedero in tenebris Dominus lux mea est: iram Domini portabo quoniam peccabi ei.
Donec iudicet causam meam et faciat iudicium meum: et educet me in luce videbo iustitiam eius.
Et aspiciet inimica mea et operietur confusionem: que dicit ad me ubi est Dominus Deus tuus.
XXXIII. CANTICUM EZECIELIS PROPHETE. Capitulo 36.
Aña. Effundam super vos aquam mundam dicit Dominus (0864D)et mundabimini ab omnibus inquinamentis vestris.
Tollam vos de gentibus et congregabo vos de universis terris: et adducam vos in terram vestram.
Et effundam super vos aquam mundam et mundabimini ab omnibus inquinamentis vestris: et ab universis idolis vestris mundabo vos.
Et dabo vobis cor novum: et spiritum meum ponam in medio vestri.
Et auferam cor lapideum de carne vestra et dabo vobis cor carneum: et spiritum meum ponam in medio vestri.
Et faciam ut in preceptis meis ambuletis: et iudicia mea custodiatis et operemini.
Et habitabitis in terra quam dedi patribus vestris: (0865A)et eritis mihi in populum et ego ero vobis in Deum.
XXXIV. INCIPIUNT CANTICI DE RESURRECTIONE DOMINI. CANTICUM DE LIBRO GENESIS. Capitulo 49.
Aña. Ad praedam Domine ascendisti; requiescens accubuisti ut leo et virtute tua suscitatus es.
Iuda te laudabunt fratres tui: manus tue in cervicibus inimicorum tuorum.
Adorabunt te filii patris tui: catulus leonis Juda.
Ad praedam fili mi ascendisti: requiescens adcubuisti ut leo et quasi leena quis suscitabit eum.
Non auferetur sceptrum de Juda nec dux de femoribus eius donec veniat qui mittendus est: et ipse (0865B)erit expectatio gentium.
Ligans ad vineam pullum suum: et ad vitem o fili mi asinum suum.
Lababit vino stolam suam: et in sanguine ube palleum suum.
Pulcriores oculi eius vino: et dentes lacte candidiores.
Sedit in forti arcus eius et dissoluta sunt vincula braciorum eius et manus illius per manum Dei omnipotentis: Jacob inde pastor egressus est lapis Srahel.
Deus patris tui erit adiutor tuus: et omnipotens benedicet tibi.
Benedictionibus celi desuper: benedictionibus abyssi jacentis deorsum.
Benedictionibus uberum et vulbe: benedictiones (0865C)patris tui confortate sunt.
Benedictionibus patrum eius: donec veniret desiderium collium eternorum.
Fiant in capite Joseph: et in vertice Nazorei inter fratres suos.
XXXV. CANTICUM ESAYE PROPHETE. Capitulo 43.
Aña. Antiqua ne intueamini noba faciam: dicit Dominus.
Ante me non est formator Deus: et post me non erit.
Ego sum ego sum Dominus: et non est absque me salvator.
(0865D)Ego adnunciabi et salvabi: auditum feci et non fui in vobis Deus alienus.
Vos testes mei dicit Dominus: et ego Deus ab initio.
Ego ipse et non est qui de manu mea eruat: operabor et quis avertit illut.
Hec dicit Dominus redemtor vester sanctus Srahel: propter vos emissi Babylonem et detraxi vectes universos: et Caldeos in nabibus suis gloriantes.
Ego Dominus sanctus vester: creans Srahel rex vester.
Hec dicit Dominus qui dedit in mari viam: et in aquis torrentibus semitam.
[LXXVIII] Qui eduxit quadrigam et equum, agmen et robustum simul obdormierunt: nec resurgerent.
(0866A)Contriti sunt quasi linum et extincti sunt: ne memineritis priora et antiqua ne intueamini.
Ecce ego facio noba et nunc orietur: utique cognoscetis ea.
Ponam in deserto viam et in invio flumina: glorificabunt me vestie agri dracones et structiones.
Quia dedi in deserto aquas et flumina in invio: ut darem potum populo meo, electo meo, populum istum formabi mici, laudem meam narrabit.
XXXVI. CANTICUM ESAYE PROPHETE. Capitulo 63.
Aña. Salvabit mici bracium meum et iustitia mea ipsa auxiliata est mici.
Quis est iste qui venit de Edon: tinctis vestibus de (0866B)Bosra.
Iste formosus in stola sua: gradiens in multitudine fortitudinis sue.
Ego qui loquor iustitiam: et propugnator sum ad salvandum.
Quare ergo rubrum est indumentum tuum et vestimentum tuum: sicut calcantium in torculari?
Torcular calcabi solus: et de gentibus non est vir mecum.
Calcabi eos in furore meo et conculcabi eos in ira mea et adsparsus est sanguis eorum super vestimenta mea: et omnia indumenta mea inquinabi.
Dies enim ultionis in corde meo est: et annus retributionis mee venit.
Circum inspexi et non erat auxiliator: quaesibi et (0866C)non fuit qui adiubaret.
Salvabit mici bracium meum: et iustitia mea ipsa auxiliata est mici.
Conculcabi populos in furore meo et inebriabi eos in indignatione mea: et detraxi in terra virtutem eorum.
XXXVII. CANTICUM ESAYE [IEREMIE] PROPHETE. Capitulo 31.
Aña. Tamquam de somno suscitatus sum et vidi et somnus meus dulcis mici.
Hec dicit Dominus exercituum Deus Srahel: adhuc dicent verbum istut in terra Juda et in urbibus eius quum convertero captivitatem eorum.
(0866D)Benedicat tibi Dominus pulcritudo iustitie mons sanctus: et habitabunt in eo Iudas et omnes civitates eius, simul agricole et minantes greges.
Quia inebriabi animam lassam: et omnem animam esurientem saturabi.
Ideo quasi de somno suscitatus sum: et vidi et somnus meus dulcis mici.
Ecce dies veniunt dicit Dominus et seminabo domum Srahel et domum Juda semine hominis: et semine iumentorum.
Et sicut vigilabi super eos ut evellerem et demolirem et dissiparem et dispergerem et affligerem: sic vigilabi super eos ut edificem et plantem ayt Dominus.
XXXVIII. CANTICUM ESAYE [OSEAE] PROPHETE. Capitulo 6.
(0867A)
Ana. Vivificabit nos Dominus post duos dies die tertia suscitabit nos et vibemus.
Venite revertamur ad Dominum quia ipse cepit et sanabit nos: percutiet et curabit nos.
Vivificabit nos post duos dies, die tertia suscitabit nos et vibemus in conspectu eius: sciemur sequamurque ut cognoscamus Dominum.
Quasi diluculo preparatus est egressus eius: et veniet nobis quasi imber temporaneus et serotinus terre.
Quid faciam tibi Efraym quid faciam tibi Juda: misericordia vestra quasi lux matutina et quasi ros (0867B)mane pertransiens.
Propter hoc dolabi in Prophetis et occidi eos in verbo horis mei: et iudicia mea quasi lux egredietur.
Quia misericordiam volui et non sacrificium: et scientiam Dei plusquam holocaustum.
XXXIX. CANTICUM SOFFONIE PROPHETE. Capitulo 3.
Aña. Expecta me in die resurrectionis mee dicit Dominus ut congregem gentes et colligam regna.
Expecta me dicit Dominus in die resurrectionis mee in futuro: quia iudicium meum ut congregem gentes et colligam regna.
Ut effundam super eos omnem indignationem meam: et omnem iram furoris mei.
(0867C)In igne enim zeli mei devorabitur omnis terra: quia tunc reddam populis labium electum [LXXIX] ut vocent omnes in nomine Domini et serviant ei humero uno.
Ultra flumina Eziopie inde supplices mei: filii dispersorum meorum deferent munus mici.
In die illa non confunderis super cunctis adinventionibus tuis: quibus prevaricata es in me.
Quia tunc auferam de medio tui magni locus supervie tue: et non adicies exaltari amplius in monte sancto meo.
Et derelinquam in medio tui populum pauperem et egenum: et sperabunt in nomine Domini reliquie Srahel.
Non faciet iniquitatem nec loquentur mendacium: (0867D)et non invenietur in ore eorum lingua dolosa.
Quoniam ipsi pascentur et accubabunt: et non erit qui exterreat.
INCIPIUNT CANTICI DE SANCTIS. XL. CANTICUM IHESU FILII SIRACH. Capitulo 26.
Datio Dei permanet iustis: et profectus illius succesus habebit in eternum.
Mulieris bone beatus vir: numerus annorum eorum duplex.
Mulier fortis oblectat virum suum: et annos vite illius in pace implevit.
(0868A)Pars bona, mulier bona, in parte bona timentium Deum: dabitur viro pro factis bonis.
XLI. CANTICUM DE LIBRO JUDICUM. Capitulo 5.
Aña. Diligentes te Domine: sicut sol in ortu suo resplendens ita rutilent.
Qui sponte obtulistis de Srahel animas vestras ad periculum: benedicite Dominum.
Audite reges, auribus percipite principes: ego sum ego sum que Domino canam, psallam Domino Deo Srahel.
Domine cum exires de Seyr et transires per regiones Edom: terra mota est celique ac nubes distillaberunt aquis.
(0868B)Montes fluxerunt a facie Domini: et Sinay a facie Dei Srahel.
Nova bella elegit Dominus: et portas hostium ipse subvertit.
Clipeus et hasta si apparuerit in quadraginta millibus Srahel: cor meum diligit principes Srahel.
Qui propria volumtate obtulistis vos discrimini: benedicite Domino.
Qui propria volumtate obtulistis vos discrimini: benedicite Domino.
Qui ascenditis super nitentes asinos et sedetis in iudicio et ambulatis in via; loquimini ubi conlisi sunt currus: et hostium est suffocatus exercitus.
Ibi narrentur iustitie Domini: et clementie eius in fortes Srahel.
Tunc descendit populus Domini ad portas: et obtinuit principatum.
(0868C)Salvate sunt reliquie populi: Dominus in fortibus dimicabit.
Venerunt reges et pugnaberunt, pugnaberunt reges Canaan in Tanay iuxta aquas Magedon: et tamen nicil tulerunt predantes, de celo dimicatum est contra eos.
Sic pereant inimici tui Domine: qui autem te diligunt sicut sol in ortu suo resplendens ita rutilent.
XLII. CANTICUM ESAYE PROPHETE. Capitulo 61.
Aña. Letitia sempiterna erit electis meis dum dedero opera eorum in veritate.
Vos sancti Domini vocabimini: ministri Dei nostri dicetur vobis.
(0868D)Fortitudinem gentium comedetis: et in gloria eorum supervietis.
Pro confusione vestra duplici et rubore laudabunt partem eorum: propter hoc in terram suam duplicia possidebunt.
Letitia sempiterna erit eis: quia ego Dominus diligens iudicium: et odio habens rapinam in olocaustum.
Et dabo opus eorum in veritate: et fedus perpetuum feriam eis.
Et scietur in gentibus semen eorum: et germen eorum in medio populorum
Omnes qui viderint eos cognoscent illos: quia isti sunt semen cui benedixit Dominus.
INCIPIUNT CANTICI DE UNO JUSTO. XLIII. CANTICUM IHEREMIE PROPHETE. Capitulo 17.
(0869A)
Benedictus vir qui confidit in Domino: et erit Dominus fiducia eius.
Et erit tamquam lignum quod plantatum est secus decursus aquarum: quod ad humorem mittit radices suas, et non timebit dum venerit estus.
Et erit folium eius viride: et in tempore [LXXX] siccitatis non erit solicitus nec aliquando desinit facere fructum.
Sana me Domine et sanabor, salbum me fac et salbus ero: quia laus mea et virtus mea tu es.
Ecce ipsi dicunt ad me: ubi est verbum Domini, (0869B)veniat: et ego non sum turbatus te pastorem sequens: et diem hominis non concupibi tu scis.
Quod egressum est de labiis meis: rectum in conspectu tuo fuit.
Non sit mici formidinis: spes mea tu in die afflictionis mee.
Confundantur omnes qui me persecuntur et non confundar ego: pabeant illi et non pabeam ego.
Induc super eos diem afflictionis: et duplici contritione contere eos.
XLIV. CANTICUM IHESU FILII SIRACH. Capitulo 51.
Aña. Danti mici sapientiam dabo gloriam consiliatus sum enim ut facerem illam zelatus sum bonum ut non (0869C)confundar.
Priusquam errarem quesibi sapientiam: palam in oratione mea.
Ante tempus postulabam pro illam [illa]: et usque in nobissimis inquiram eam.
Defloruit tanquam precox uba: letatum est cor meum in ea.
Ambulabit pes meus iter rectum: a iubentute mea investigabam illam.
Inclinabi modice aurem meam et excepi illam: multam inveni micimetipsi sapientiam, multum profeci in ea.
Danti mici sapientiam dabo gloriam, consiliatus sum enim ut facerem illam: zelatus sum bonum ut (0869D)non confundar.
Conculcata [ Forte, conluctata] est anima mea in illam: et in faciendo eam confirmatus sum.
Manus mea extendi in altum: et insipientiam eius luxi.
Animam meam direxi ad illam: et in agnitione inveni eam.
Possedi cum ipsis cor ab initio: propter hoc non relinquar.
Venter meus conturbatus est querendo eam: propterea possidebo bonam possessionem.
Dedit enim mici Dominus linguam mercedem meam: et in ipsa landabo eum.
Adpropinquate ad me indocti: et congregate vos in domum discipline.
(0870A)Quid adhuc retardatis: aut quid dicitis in his, anime vestre sitiunt veementer.
Aperui hos meum et locutus sum: comparate vobis sine argento sapientiam et collum vestrum subicite iugo.
Et suscipiet anima vestra disciplina: in proximo est enim invenire eam.
Videte oculis vestris quoniam modice laborabi: et inveni mici multam requiem.
Adsumite disciplinam in multo numero argenti: et copiosum aurum possidete in ea.
Letetur anima vestra in misericordia eius: et non confundemini in laude ipsius.
Operamini opus vestrum ante tempus: et dabit vobis mercedem vestram in tempore suo.
XLV. CANTICUM ESAYE PROPHETE. Capitulo 42.
(0870B)
Ecce servus meus suscipiam eum: electus meus dicit Dominus: complacuit sibi in illo anima mea.
Dedi spiritum meum super eum: iudicium gentibus proferet.
Non clamabit neque accipiet personam: nec audietur foris vox eius.
Calamum quassatum non conteret: et linum fumigans non extinguet.
In veritate educet iudicium, non erit tristis neque turbulentus: donec ponat in terra iudicium, et legem eius insule expectabunt.
XLVI. CANTICUM ZACHARIE PROPHETE. Luce Capitulo 1.
(0870C)
Aña. Tu puer propheta Altissimi vocaberis preibis enim ante faciem Domini parare vias eius ad dandam scientiam salutis plebi eius.
Benedictus Dominus Deus Srahel: quia visitabit et fecit redentionem plevi sue.
Et erexit cornu salutis nobis: in domo David pueri sui.
Sicut locutus est per hos sanctorum profetarum suorum: qui a seculo sunt.
Salutem de inimicis nostris: et de manu omnium qui oderunt nos.
Ad faciendam misericordiam cum patribus nostris, (0870D)et memorari testamenti sancti sui: iusiurandum quod iurabit ad Abraham patrem nostrum daturum se nobis, ut sine timore de manu inimicorum nostrorum liberati, serviamus illi in sanctitate et iustitia coram ipso omnibus diebus nostris.
Et tu puer propheta Altissimi vocaberis: [LXXXI] preibis enim ante faciem Domini preparare vias eius.
Ad dandam scientiam salutis plebi eius: in remissione peccatorum.
Per viscera misericordie Dei nostri: in quibus visitabit nos horiens ex alto.
Inluminare eis qui in tenebris et in umbra mortis sedent: ad dirigendos pedes nostros in vianpacis.
XLVII. INCIPIUNT CANTICI DE VIRGINIBUS. CANTICUM IHESU FILII SIRACH. Capitulo 39.
(0871A)
Aña. In canticis labiorum vestrorum dicite Domino: universa opera tua bona valde.
Audite me divini fructus: et quasi rosa plantata super rivos aquarum fruticate.
Quasi Libanus: odorem suabitatis habete.
Florete flores quasi lilium date odorem frondete in gratiam et conlaudate canticum: et benedicite Dominum in operibus suis.
Date nomini eius magnificentiam: et confitemini illi in voce labiorum vestrorum: in canticis labiorum et citharis: et sic dicetis in confessione: opera Domini (0871B)universa bona valde.
XLVIII. CANTICUM ESAYE PROPHETE. Capitulo 61 et 62.
Gaudens gaudebo in Domino: et exultabit anima mea in Deo meo.
Quia induit me vestimentum salutis: et indumento iustitie circumdedit me.
Quasi sponsum decoratum corona: et quasi sponsam ornatam munilibus suis.
Sicut enim terra profert germen suum; et sicut hortus semen suum germinat: sic Dominus Deus germinabit iustitiam et laudem coram universis gentibus.
Propter Syon non tacebo, et propter Iherusalem (0871C)non quiescam donec egrediatur ut splendor iustus eius: et salvator eius ut lampas accendatur.
Et videbunt gentes iustum tuum: et cuncti reges terre inclitum tuum.
Et vocabitur tibi nomen novum: quod hos Domini nominabit.
Et eris corona glorie in manu Domini: et diadema regni in manu Dei tui.
Non vocaberis ultra Derelicta: et terra tua non vocabitur amplius Desolata.
Set vocaberis Voluntas mea in ea: et terra tua inhabitabitur.
Quia complacuit Domino in te: et terra tua inhabitabitur.
(0871D)Habitabit enim iuvenis cum virgine: et habitabunt in te filii tui.
Et gaudebit sponsus super sponsam suam: et gaudebit super te Dominus Deus tuus.
Super muros tuos Iherusalem constitui custodes: tota die et tota nocte in perpetuum non tacebunt.
Qui reminiscimini Dominum ne taceatis et ne detis silentium ei donec stabiliat: et donec ponat Iherusalem laudem in terra.
XLIX. CANTICUM SOFFONIE PROPHETE. Capitulo 3.
Lauda filia Syon, iubila Srahel: letare et exulta in omni corde filia Hierusalem.
(0872A)Abstulit Dominus iudicium tuum: avertit inimicos tuos rex Srahel.
Dominus in medio tui: non timebis malum ultra.
In die illa dicetur Iherusalem noli timere: Syon non dissolbantur manus tue.
Dominus Deus tuus in medio tui fortis: ipse salvabit te.
Gaudebit super te in letitia, silebit in dilectione tua: et exultabit super te in laude.
Nugas qui a lege recesserunt, congregabo qui ex te erant: ut non ultra habeas super eos obprobrium.
Ecce ego interficiam omnes qui afflixerunt te in tempore illo: et salvabo claudicantem et eam [ea] que eiecta fuerant congregabo.
(0872B)Et ponam eos in laudem et in nomen: in omni terra confusionis eorum.
In tempore illo quo adducam vos: et in tempore quo congregabo vos.
Dabo enim vos in nomen et in laudem omnibus populis terre: quum convertero captivitatem vestram coram oculis vestris, dicit Dominus Deus.
L. CANTICUM ZACCARIE PROPHETE. Capitulo 2.
Lauda et letare filia Syon: quia ecce ego veniam et habitabo in medio tui dicit Dominus.
[LXXXII] Et applicabuntur gentes multe ad Dominum in die illa, et erunt mici in populum et habitabo in medio tui: et scies quia Dominus exercituum misit (0872C)me ad te.
Et possidebit Dominus Judam partem suam in terra sanctificata: et eliget adhuc Iherusalem.
Sileat omnis caro a facie Domini: quia consurrexit de habitaculo sancto suo.
LI. CANTICUM SALOMONIS IN SACRATIONE BASELICE. Paralipom. II, capitulo 6.
Aña. Sint Domine oculi tui aperti super domum istam.
Domine Deus Srahel non est similis tui Deus in coelo et in terra: qui custodis pactum et misericordiam cum servis tuis, qui ambulant coram te in (0872D)toto corde suo.
Qui prestitisti servo tuo David patri meo quecumque locutus fueras ei: et que hore promiseras opere complesti sicut et presens tempus probat.
Nunc ergo Domine Deus Srahel: imple servo tuo David patri meo quecumque locutus es ei dicens:
Non deficiet ex te vir coram me: qui sedeat super thronum Srahel.
Ita tamen si custodierint filii tui vias meas et ambulaberint in lege mea: sicut et tu ambulasti coram me.
Et nunc Domine Deus Srahel: firmetur sermo tuus quem locutus es servo tuo David.
Ergo nec [ne] credibile est: ut habitet Deus cum hominibus super terram?
(0873A)Si celum et celi celorum non te capiunt: quanto magis domus ista quam edificabi.
Set ad hoc tantum facta est ut respicias ad orationem servi tui: et obsecrationem eius.
Domine Deus meus audi preces quas fundit famulus tuus coram te: ut aperias oculos tuos super domum istam diebus hac noctibus super locum in quo pollicitus es ut invocaretur nomen tuum et exaudias orationem quam servus tuus orat in eo.
Exaudi preces famuli tui et populi tui Srahel: quicumque oraberit in loco isto.
Exaudi de habitaculo sancto tuo id est de celis et propitiare: tu es enim Deus meus.
Aperiantur queso oculi tui: et aures tue intente sint ad orationem que fit in loco isto.
(0873B)Nunc igitur consurge Domine Deus in requiem tuam: tu et arca sanctificationis tue.
Sacerdotes tui Domine Deus induantur iustitiam: et sancti tui letentur in bonis.
Domine Deus ne avertas faciem Christi tui: memento misericordiarum David servi tui.
LII. CANTICUM DE RESTAURATIONE BASELICE. Tobie Capitulo 13.
Luce clara fulgebis: in omnibus finibus terre.
Nationes multe de loginco venient tibi: et habitatores a nobissimis partibus terre ad nomen Domini Dei.
Et munera sua in manibus habentes, regi celorum (0873C)offerunt cum letitia: et nomen Domini magnum erit in omnibus seculis seculorum.
Maledicti omnes qui spernunt te: et omnes qui blasfemant te.
Maledicti omnes qui oderunt te: et omnes qui dixserunt in te verbum durum.
Maledicti omnes qui deponunt te: et omnes qui dextruunt muros tuos, et omnes qui subvertunt turres tuas, et omnes qui succendunt habitationes tuas, et benedicti erunt in te omnes qui diligunt te in eternum.
Tunc gaude et letare cum filiis iustorum: quia omnes colligentur et benedicent Dominum in eternum.
Felices qui diligunt te, felices qui gaudent in (0873D)pace tua, et felices omnes homines qui contristabuntur in flagellis tuis: quoniam gaudebunt omne gaudium tuum in secula.
Anima mea benedicet Dominum regem magnum quia liberabit Iherusalem: et edificabitur iterum domus eius, in omnibus seculis seculorum confitebitur regi celorum.
Ostie Iherusalem izmaracdo et saffiro fabricabuntur: et lapides pretiosi omnes muri tui.
Turres Iherusalem gemmis edificabuntur: et propugnacula eius auro mundo.
Platee Iherusalem canticum letitie dicunt: et per omnes vicos eius Alleluia cantabitur.
Benedictus Dominus qui exaltat te, et benedictus (0874A)in omnibus seculis seculorum: quoniam in te benedicet omne sanctum in eternum.
LIII. [LXXXIII] CANTICUM BALE DE LIBRO NUMERI. Capitulo 23.
Adsumta parabola sua dixit Balaam: de Aran adduxit me Balaac rex Moabitarum de montibus orientis.
Veni inquid et maledicere Jacob: propera et detestare Srahel.
Quomodo maledicam cui non maledixit Dominus: aut qua ratione detester quem Deus non detestatur.
De summis silicibus videbo eum: et de collibus considerabo illum.
(0874B)Populus enim solus habitabit: inter gentes non reputabitur.
Quis dinumerare posit pulberem Jacob: aut nosse numerum stirpis Srahel.
Moriatur anima mea morte iustorum: et fiant nobissima mea horum similia.
Non est Deus sicut homo ut mentiatur: nec ut filius hominis ut mutetur.
LIV. CANTICUM DE APOSTOLO. Epist. 1. ad Timot. Capitulo 4 et 6.
Adprehende vitam eternam in qua vocatus es: et confessus bonam confessionem coram multis testibus.
Exemplum esto fidelium in verbo, in conversatione, (0874C)in caritate: in fide et in castitate.
Dum venio adtende lectioni: exortationi doctrine.
Noli neglegere gratiam que in te est: que data est tibi per profetiam cum impositione manuum.
Hec meditare in his esto: ut profectus tuus manifestus sit omnibus.
Adtende tibi et doctrine: insta in illis.
Hoc enim faciens: et te ipsum salvum facies et qui te audiunt.
LV. INCIPIUNT CANTICI DE COTIDIANO. CANTICUM MOYSI DE LIBRO EXODO. Capitulo 15.
Cantemus Domino: gloriose enim honorificatus est.
Equum et ascensorem: proiecit in mare.
(0874D)Adiutor et protector meus Dominus: et factus est mici in salute.
Hic Deus meus et honorificabo eum: Deus patris mei et exaltabo eum.
Dominus conterens bella Dominus nomen est ei: currus Faraonis et exercitum eius proiecit in mare.
Electos ascensores ternos strantes dimersit in rubro mari: pelago cooperuit eos dimersi sunt in profundum tamquam lapis.
Dextera tua Domine glorificata est in virtute: dextera manus tue confregit inimicos, et pre multitudine magestatis tue conteruisti adversarios.
Misisti iram tuam, et comedit eos tamquam stipulam: et pre spiritu iracundie tue divisa est aqua.
(0875A)Steterunt tamquam murus aque: gelaberunt fluctus in medio mari.
Dixit inimicus persequens, compreendam partibo spolia replebo animam meam: interficiam gladio meo et dominabitur manus mea.
Misisti spiritum tuum et cooperuit eos mare: dimersi sunt tamquam plumbum in aqua validissima.
Quis similis tibi in diis Domine quis similis tibi honorificus: in sanctis mirabilis, in magestatibus faciens prodigia.
Extendisti dexteram tuam et devorabit eos terra: gubernasti iustitia tua populum tuum hunc quem liberasti.
Consolatus es in virtute tua: in refectione sancta tua.
Audierunt gentes et irate sunt: dolores adpreenderunt (0875B)inhabitantes Filistim.
Tunc festinaberunt duces Edom: et principes Moabitarum, adpreendit eos timor: tabuerunt omnes inhabitantes Canaam.
Decidat super eos timor et tremor magnitudinis bracii tui: fiant tamquam lapis donec transeat populus tuus Domine, usque dum pertranseat populus tuus hunc quem liberasti.
Induc et planta eum in montem hereditatis tue: in preparata habitatione tua quam preparasti tibi Domine.
Sanctuarium tuum Domine quod preparaberunt manus tue: Domine qui regnas in eternum et in sempiternum et adhuc.
(0875C)Quia introibit equitatus Faraonis quum quadrigis et ascensoribus in mare et induxit super eos Dominus aquas maris: filii autem Srahel ambulaberunt per siccum per medium mare.
LVI. [LXXXIV] CANTICUM ESAYE PROPHETE. Capitulo 5.
Cantabo nunc dilecto canticum dilecte vinee mee: vinea facta est dilecta in loco uberi.
In cornu et macerie circumdedi et circumfodi: et plantabi vineam Sorech.
Et edificabi turrem in medio eius: et torcular fodi in ea.
Et sustinui ut faceret ubas: fecit autem spinas.
Et nunc homo Iuda et qui habitatis in Iherusalem (0875D)iudicate inter me et vineam meam: quid faciam vinee mee adhuc quod ei non fecerim.
Quoniam sustinui ut faceret ubas: fecit autem spinas.
Nunc autem adnunciabo vobis: quid facturus sum vinee mee.
Auferam maceriam eius et erit in direptione: et dextruam parietes eius et erit in conculcatione.
Et derelinquam vineam meam: et non potabitur neque fodietur.
Et ascendunt in eam sicut in agrum incultum spine: et nubibus mandabo ne pluant super eam plubiam.
Vinea enim Domini Sabaoth domus est Srahel: et domo Juda nobellum dilectum.
(0876A)Quoniam sustinui ut faceret iudicium: fecit autem iniquitatem et non iustitiam set clamorem.
LVII. CANTICUM ESAYE PROPHETE. Capitulo 26.
Aña. Anima mea desiderat te in nocte; de mane Domine vigilabo ad te.
Urbs fortitudinis nostre: salvator.
Ponetur in ea murus: et antemurale.
Aperite portas ingrediatur gens iusta custodiens veritatem: vetus error habiit.
Servabis pacem, pacem quia in te sperabimus: sperastis in Domino in seculis eternis in Domino Deo forti in perpetuum.
Quia incurbabit habitantes in excelso: civitatem (0876B)sublimem humiliabit.
Humiliabit eam usque ad terram: detrahet eam usque ad pulberem.
Conculcabit eam pes: pedes pauperum gressus egenorum.
Semita iusti recta facta est: rectus callis iusti ad ambulandum.
In semita iudiciorum tuorum Domine sustinuimus te: nomen tuum et memoriale tuum in desiderio anime.
Anima mea desiderat te in nocte: sed et spiritus meus in precordiis meis de mane vigilabo ad te.
Quum feceris iudicia tua in terra: iustitiam discent habitatores orbis.
(0876C)Misereamur impio, et non discet iniustitiam in terra sanctorum: inique gessit et non videbit gloriam Domini.
Domine exaltetur manus tua et non videant: videant et confundantur zelantes populi et ignis hostes tuos devoret.
LVIII. CANTICUM ESAYE PROPHETE. Capitulo eodem.
XVIII. Preceptum.
Aña. Vivent mortui tui interfecti mei resurgent.
Domine dabis pacem nobis: omnia enim opera nostra operatus es in nobis.
Domine Deus noster possiderunt nos domini absque te: tantum in te recordemur nominis tui.
(0876D)Morientes non vibant, gigantes non resurgant: propterea visitasti et conteruisti et perdidisti omnem memoriam eorum.
Indulsisti genti Domine: indulsisti genti, numquid glorificatus es? elongasti omnes terminos terre.
Domine in angustia requisierunt te: et in tribulatione murmuris doctrina tua in eis.
Sicut que concepit dum adpropinquaberit ad partum, dolens clamat in doloribus suis: sic facti sumus a facie tua Domine.
Concepimus et quasi parturibimus et peperimus spiritum: salutem non fecimus in terra ideo non ceciderunt habitatores terre.
Vibent mortui tui: et interfecti mei resurgent.
Expergescimini et laudate Dominum qui habitatis (0877A)in pulberem: quia ros lucis ros tuum, et terra gigantum detraes in ruinam.
Vade popule meus, intra in cubicula tua, claude hostia tua super te, abscondere modicum ad momentum: donec transeat indignatio.
LIX. CANTICUM ESAYE PROPHETE. Capitulo 33.
Aña. Audite qui longe estis que fecerim: dicit Dominus et cognoscite fortitudinem meam.
Conterriti sunt in Syon peccatores: possedit timor Ypocritas.
[LXXXV] Quis poterit habitare de vobis cum igne devorante: aut quis habitabit ex vobis cum ardoribus sempiternis.
(0877B)Qui ambulat in iustitiis: et loquitur veritatem.
Qui proicit avaritiam et calumniam: et excutit manus suas ab omni munere.
Qui obdurat aures suas ne audiat sanguinem: et claudit oculos suos ne videat malum.
Iste in excelsis habitabit munimenta saxorum sublimitas eius: panis ei datus est aque ejus fideles sunt.
Regem in decore suo videbunt, oculi eius cernent terram de longe: cor tuum meditabitur timore.
Ubi est literatus ubi legis ubi verba ponderans: ubi doctor parvulorum.
Populum imprudentem non videbis, populum altis sermonibus: ita ut non possis intelligere dissertitudinem lingue eius in qua nulla est sapientia.
(0877C)Respice Syon civitatem solemnitatem [solemnitatis] nostre: oculi tui videbunt Iherusalem habitationem opulentam.
Tabernaculum quod nequaquam transferri poterit nec auferentur clavi eius in sempiternum: et omnes funiculi eius non rumpentur.
Quia solummodo ibi magnificus Dominus noster locus flubiorum: rivi latissimi et patentes.
Non transibit per eam navis remigum: neque triremis magna transgredietur eam.
Dominus enim Iudex noster, Dominus legifer noster: Dominus rex noster: Ipse salvabit nos.
LX. CANTICUM IHONE PROPHETE. Capitulo 2.
(0877D)
XXXV. In tuo.
Aña. Quanta vobi reddam tibi salvatori meo Domino.
Alia. Fluctus tui Domine super me transierunt et ego dixi: expulsus sum ab oculis tuis putas videbo templum sanctum tuum.
Clamabi de tribulatione mea ad Dominum: et exaudibit me.
De ventre inferni clamabi: et exaudibit vocem meam.
Et proiecisti me in profundum in corde maris: et flumen circumdedit me.
Omnes gurgites tui et fluctus tui super me ingressi sunt: et ego dixi abiectus sum a conspectu (0878A)oculorum tuorum: verumtamen rursus videbo templum sanctum tuum.
Circumdederunt me aque usque ad animam, abyssus ballabit me, pelagus cooperuit caput meum: ad extrema montium descendi, terre vectes concluserunt me in eternum.
Et sublevabis de corruptionem [corruptione] vitam meam: Domine Deus meus.
Quum angustiaretur in me anima mea, Domini mei recordatus sum: et veniet oratio mea ad templum sanctum tuum.
Qui custodiunt vanitates: frustra misericordiam suam dereliquerunt.
Ego autem cum voce laudis immolabo tibi: quecumque vobi reddam pro salute Domino.
LXI. CANTI UM DE LIBRO ESDRE IV. Capitulo 8.
(0878B)
XLII. Emitte.
Aña. Tronus tuus Deus inextimabilis; et gloria incompreensibilis: cui adstat omnis exercitus angelorum cum tremore, cuius aspectus arefacit abyssos et indignatio tabescere montes.
Alia. Miserere Domine eis qui non habent substantiam bonorum operum.
Domine qui habitas in eternum: cuius oculi elati et superiora in aere.
Cuius tronus inextimabilis: et gloria inconpreensibilis.
(0878C)Cui adstat omnis exercitus angelorum cum tremore: corum observatio in vento et igni convertitur.
Cuius verbum firmum: et dicta perseverantia.
Cuius dispositio fortis: et iussio terribilis.
Cuius aspectus arefacit abysos, et indignatio tabescere montes: et veritas testificatur.
Exaudi Domine orationem servi tui: auribus percipe deprecationem figmenti tui, intende verba mea.
Dum enim vibo loquar: et dum sapio respondeam.
Ne aspicias populi tui delicta: set qui tibi in veritate servierunt.
Neque adtendas impie agendum [ Forte, agentium] studia: set qui tua testamenta cum doloribus custodierunt.
(0878D)Neque cogites perdere qui in conspectu tuo false conversati sunt: set memorare qui ex voluntate tuum timorem cognoberunt.
Neque volueris perdere qui pecodum mores [LXXXVI] habuerunt: set respicias super eos qui legem tuam splendide docuerunt.
Neque indigneris eis qui vestiis peius sunt iudicati: set diligas eos qui semper in gloriam tuam confiderunt.
Quoniam nos et patres nostri talibus moribus egimus: tu autem propter nos peccatores misericors vocatus es.
Si enim decreberis ut nostri miserearis: tunc misericors vocaberis.
(0879A)Nobis enim non habentibus opera iustitie: iustis quibus sunt opera multa reposita aput te Domine, ex propriis operibus percipient mercedem.
Quid est enim homo ut ei indigneris: aut genus corruptibile ut ita amariceris de ipso.
In veritate enim nemo de genitis est qui non impie gessit: et de confidentibus qui non deliquid.
Set in hoc enim adnunciabitur iustitia et bonitas tua Domine: quum misertus fueris eis qui non habent substantiam bonorum operum.
LXII. CANTICUM MOYSI DEUTRONOMIUM. Capitulo 32.
LVIII. Exaltabo.
(0879B)Adtende celum et loquar: audiat terra verba ex ore meo.
Expectetur sicut plubia eloquium meum: et descendat sicut ros verba mea.
Sicut nimbus super gramen et sicut nix supra fenum: quoniam nomen Domini invocabi: date magnitudinem Domino Deo vestro, Deus vera opera eius, et omnes vie eius iudicia.
Deus fidelis et non est iniquitas in eo: iustus et sanctus Dominus.
Peccaberunt nonne hii filii inmaculati progenies praba et perversa: hec Domino retribuisti sicut populus fatuus et non sapiens.
Nonne hic ipse pater tuus: qui possedit fecit et creabit te.
(0879C)Commemoramini dies anticos: intelligite annos generationis et generationum.
Interroga patrem tuum et adnuntiabit tibi: seniores tuos et dicent tibi.
Quum partiretur altissimus nationes gentium quemadmodum dispersit filios Ade: statuit terminos gentium secundum numerum angelorum Dei.
Facta est portio Domini populus eius Jacob: funiculum hereditatis sue Srahel.
Sufficientiam dedit ei in terra deserta: in sitim caloris ubi non erat aqua.
Circumduxit et docuit: et custodibit eum sicut pupillam oculi.
Sicut aquila proteget nidum suum et super pullos suos conscendit: expandit alas suas et suscepit eos (0879D)et superposuit scapulis suis.
Dominus solus deducebat eos: et non erat cum eis Deus alienus.
LXIII. CANTICUM ANNE DE LIBRO SAMUELIS I. Capitulo 2.
LXII. In deserto.
Confirmatum est cor meum in Domino: et exaltatum est cornum meum in Deo salutari meo.
Dilatatum est hos meum: super inimicos meos.
Letor ego in sanctitate tua quia non est alius Deus quomodo tu, nec est sanctus preter te: et non est iustus preter Deum nostrum.
Nolite gloriari et nolite alta loqui in supervia et (0880A)ne exeat magniloquium ex ore vestro: quoniam Deus scientie Dominus est.
Deus qui parat adinventiones suas: arcus potentium infirmatus est et infirmi virtute precincti sunt.
Pleni panibus minorati sunt: et esurientes transierunt terram.
Sterilis peperit septem: et fetosa in filiis infirmata est.
Dominus mortificat et vivificat: ducit ad inferos et reducit.
Dominus pauperem et divitem facit: humiliat et exaltat.
Suscitat a terra inopem: et ab stercore erigit pauperem.
Et sedere facit eum cum potentibus populi: et (0880B)tronum glorie hereditans illi.
Dat votum obtanti: et benedicet annos iusti.
Quoniam non in viribus potens est vir: Dominus infirmum facit adversarium suum Dominus sanctus.
Non glorietur sapiens in sua sapientia; neque glorietur dives in divitiis suis; neque glorietur fortis in fortitudine sua: set in eo glorietur qui gloriatur, scire et intelligere Dominum, et facere iudicium et iustitiam super terram.
Dominus ascendit in celos et tonat: et ipse iudicabit extrema terre.
Potens est et dat virtutem regibus nostris: et exaltabit cornu Christi sui.
LXIV. [LXXXVII] CANTICUM DE LIBRO PARALIPOMENON I. Capitulo 29.
(0880C)
LXIV. Exitus.
Aña. In manu tua Domine virtus et potentia in manu tua magnitudo et imperium omnium.
Benedictus Dominus Deus Srahel patris nostri: ab eterno et usque in eterno.
Tua est Domine magnificentia et potentia: et gloria adque victoria et tibi laus.
Cuncta enim que in celo: et que in terra, tua sunt.
Tuum Domine regnum: et tu es super omnes principes.
Tue divitie et tua est gloria: et tu dominaris omnibus.
In manu tua Domine virtus et potentia: in manu (0880D)tua magnitudo et imperium omnium.
Nunc igitur Domine Deus noster confitebimur tibi: et laudabimus nomen tuum inclitum.
Quis ego aut quis populus meus: ut possimus tibi hec universa promittere?
Tua sunt enim omnia: et que de manu tua accepimus dedimus tibi.
Peregrini enim sumus coram te: et advene sicut omnes patres nostri.
Dies nostri quasi umbra super terram: et nulla est mora.
Domine Deus Abraham, Ysaac, et Srahel patrum nostrorum: custodi in eternum hanc voluntatem cordis nostri, et semper in veneratione tua mens ista permaneat.
LXV. CANTICUM ESAYE PROPHETE. Capitulo 12.
(0881A)
LXVI. Inluminet.
Aña. Conversus est furor tuus et consolatus es me.
Confitebor tibi Domine quoniam iratus es mici: conversus est furor tuus et consolatus es me.
Ecce Deus salvator meus: fiducialiter agam et non timebo.
Quia fortitudo mea et laudatio mea Dominus: et factus est mici in salute.
Aurietis aquas in gaudio de fontibus salvatoris: et dicetis in illa die.
Confitemini Domino et invocate nomen eius, notas facite in populis adinventiones eius: mementote (0881B)quoniam excelsum est nomen eius.
Cantate Domino quoniam magnifice fecit: adnunciate hec in universa terra.
Exulta et lauda habitatio Syon: quoniam magnus in medio tui sanctus Srahel.
LXVI. CANTICUM ESAYE PROPHETE. Capitulo 33.
LXXV. Inluminans.
Domine miserere nostri: te enim expectabimus.
Esto bracium nostrum in mane: et salus nostra in tempore tribulationis.
A voce angeli fugierunt populi: et ab expectatione tua disperse sunt gentes.
Et congregabuntur spolie vestre sicut colligitur (0881C)brucus: et velut quum fosse plene fuerint de eo.
Magnificatus est Dominus: quoniam habitabit in excelso.
Implebit Syon iudicio et iustitia: et erit fides in temporibus suis.
Divitie salutis sapientie et scientie: timor Domini ipse tesauros eius.
Ecce videntes clamabunt foris: angeli pacis amare flebunt.
Dissipate sunt vie, cessabit transiens per semitam, irritum factum est pactum: proiecit civitates, non reputabit homines.
Luxit et elanguit terra, confusus est Libanus et obsurduit: et factus est Saron sicut desertum, et concussa est Basan et Carmelus.
(0881D)Nunc exurgam dicit Dominus: nunc exaltabor et nunc sublimabor.
LXVII. ORATIO MARDOCEI DE LIBRO ESTER. Capitulo 13.
Aña. Miserere Domine plevi tue et ne despicias hereditatem tuam quam redemisti.
Domine Domine rex omnipotens: in dicione tua cuncta sunt posita et non est qui tue possit resistere voluntati.
Si decreberis salvare Srahel: Tu fecisti celum et terram, et quicquid celi ambitu continetur.
Dominus enim omnium es: nec est qui resistat maiestati tue.
Et nunc Domine rex Deus Abraham: miserere populo (0882A)tuo quia volunt nos inimici perdere et hereditatem tuam delere.
Ne despicias partem tuam: quam redemisti tibi ex Egibto.
Exaudi deprecationem meam: et propitius esto sorti et funiculo tuo.
[LXXXVIII] Et converte luctum nostrum in gaudium ut vibentes laudemus nomen tuum Domine: et non claudas ora te canentium.
LXVIII. CANTICUM IHEREMIE PROFETE. Capitulo 14.
g image="0860761A" text="[Character]"> LXXXVII. Et ego.
Ne nos dederis in obprobrium propter nomen tuum (0882B)Domine.
Deducant oculi mei lacrimas per diem et noctem: et non taceant.
Quoniam contrictione magna contrita est virgo filia populi mei: plaga pessima veementer.
Si egressus fuero ad agros ecce occisi gladio: et si introiero in civitate ecce adtenuati fame.
Propheta namque et sacerdos: habierunt in terram quam ignoraberunt.
Numquid proiciens abiecisti Judam: aut Syon abominata est anima tua?
Quare ergo percussisti nos ita: ut nulla sit sanitas?
Expectabimus pacem: et non est.
Bonum et tempus curationis: et ecce turbatio.
(0882C)Cognobimus Domine impietates nostras, et iniquitates patrum nostrorum: quia peccabimus tibi.
Ne nos dederis in obprobrium propter nomen tuum: neque facias nobis contumelia.
Solii glorie tue recordare: ne irritum facias fedus tuum nobiscum.
Numquid sunt sculptilibus gentium qui pluant: aut celi possunt dare imbrem.
Nonne tu es Domine Deus noster quem expectabimus: tu enim fecisti omnia hec.
LXIX. CANTICUM DEUTERONOMIUM. Capitulo 9.
LXXXVIIII. Sit splendor.
(0882D)Domine Deus ne disperdas populum tuum et hereditatem tuam quam redemisti in magnitudine tua: quos eduxisti de Egypto in manu forti.
Recordare servorum tuorum: Abraham Ysaac et Jacob.
Ne aspicias duritiam populi huius: et inpietatem adque peccatum.
Ne forte dicant habitatores terre de qua eduxisti nos: non poterat Dominus introducere eos in terram quam pollicitus est eis et oderat illos.
Idcirco eduxit eos: ut interficeret eos in solitudine.
Qui sunt populus tuus et hereditas tua: quos eduxsisti in fortitudine tua magna et in bracio tuo extento.
LXX. CANTICUM IOSAFAT DE LIBRO PARALIPOMENON II. Capitulo 20.
(0883A)
XCI. Bonum est.
Domine Deus patrum nostrorum tu es Deus in celo: et dominaris cunctis regnis gentium.
In manu tua est fortitudo et potentia: nec quisquam tibi potest resistere.
Nonne tu Domine Deus noster in te fecisti omnes habitatores terre huius coram populo tuo Srahel: et dedisti eam semini Abraham amici tui in sempiternum.
Habitaberuntque in ea: et instruxerunt in illa sanctuarium nomini tuo dicentes.
Si inruerint super nos mala gladii, iudicii, pestilentie (0883B)et famis stabimus coram te in domo hac in conspectu tuo in qua invocatum est nomen tuum: et clamabimus ad te in tribulationibus nostris, et exaudies, salbosque facies.
Nunc igitur Deus noster: ergo non iudicabis inimicos nostros?
In nobis quidem non tanta est fortitudo: ut possimus huic multitudini resistere que inruit super nos.
Set quum ignoremus quid agere debeamus: hoc solum residuum habemus, ut oculos nostros dirigamus ad te.
LXXI. CANTICUM ESAYE PROPHETE. Capitulo 25.
C. In matutinis.
(0883C)Domine Deus meus es tu: exaltabo te et confitebor nomini tuo.
Quoniam fecisti mirabilia: et cogitationes antiquas fideles amen.
Quia posuisti civitatem in tumulum, urbem fortem in ruinam domum alienorum: ut non sit civitas, et in sempiternum non edificetur.
Super hoc laudabit te populus fortis: civitas gentium robustarum timebit te.
Quia factus es fortitudo pauperi fortitudo egeno in tribulatione: spes a turbine, umbraculum ab estu.
Spiritus enim robustorum: quasi turbo inpellens parietem.
[LXXXIX] Sicut estus in sitim tumulum alienorum humiliabis: et quasi calorem sub nube torrentem, (0883D)propaginem fortium marcescere facies.
Et faciet Dominus exercituum omnibus populis in monte hoc convivium pinguium, convivium vindemie: pinguium medullatorum, vindemie defecate.
Et precipitabit in monte isto faciem vinculi conligati super omnes populos: et telam quam horditus est super omnes nationes. Precipitabit mortem in sempiternum.
Et auferet Dominus Deus lacrimam ab omni facie: et obprobrium populi sui auferet de universa terra quia Dominus locutus est et dicetur in illa die.
Ecce Dominus Deus noster iste est: expectabimus eum, et salvabit nos.
(0884A)Iste Dominus sustinuimus eum, exultabimus et letabimur in salutare eius: quia requiescet manus Domini in monte isto.
LXXII. CANTICUM ESAYE PROPHETE. Capitulo 37.
CVII. Exurgam.
Domine exercituum Deus Srahel qui sedes super Cerubin: tu es Deus solus omnium regnorum terre.
Tu fecisti celum et terram: inclina Domine aurem tuam et audi, aperi oculos tuos et vide: et audi omnia verba Sennacerib, que misit ad blastemandum Deum vibentem.
Vere enim Domine desertas fecerunt reges Assiriorum terras et regiones earum: et dederunt deos (0884B)earum igni.
Non enim erant dii, set opera manuum hominum ligna et lapis: et comminuerunt eos.
Et nunc Domine Deus noster salva nos de manu eius: ut cognoscant omnia regna terre quia tu es Dominus solus.
LXXIII. CANTICUM ESAYE PROPHETE. Capitulo 38.
CXVII. Deus Dominus.
Aña. Corripies me Domine et vivificabis me.
Ego dixi, in dimidio dierum meorum, vadam ad portas inferi: quesibi residuum annorum meorum: dixi non videbo Dominum Deum in terra vibentium.
(0884C)Non aspiciam hominem ultra et habitatorem: quiebit generatio mea, ablata est et convoluta est a me quasi tabernacula pastorum.
Precisa est velut a texente tela vita mea, dum adhuc ordirer succidit me: de mane usque ad vesperum finiens me.
Sperabam usque in mane: quasi leo sic contribit omnia ossa mea.
Sicut pullus vrundinis sic clamabam: meditabar ut columba: adtenuati sunt oculi mei suspicientes in excelso, Domine vim patior responde pro me.
Quid dicam aut quid respondebit mici quum ipse fecerim: recogitabo omnes annos meos in amaritudine anime mee.
(0884D)Domine si sic vibitur; et in talibus est vita spiritus mei: corripies me et vivificabis me.
Ecce in pace amaritudo mea amarissima: tu autem eruisti animam meam ut non periret.
Proiecisti post tergum tuum: omnia peccata mea.
Quia non infernus confitebitur tibi: neque mors laudabit te.
Non expectabunt qui descendunt in lacum: veritatem tuam.
Vivens vivens confitebitur tibi: sicut et ego odie pater filiis notam facio veritatem tuam.
Domine salvos nos fac: et psalmos nostros cantabimus cunctis diebus vite nostre in domo Domini.
LXXIV. CANTICUM IHEREMIE PROPHETE. Capitulo 51.
(0885A)
CXVIII. Prevenerunt.
Aña. Qui fecit omnia ipse est Deus, et Israhel hereditas eius, Dominus exercituum nomen est illi.
Iurabit Dominus exercituum per animam suam: quoniam replebo te hominibus quasi bruco: et super te celeuma cantabitur.
Qui fecit terram in fortitudine sua, preparabit orbem in sapientia sua: et prudentia sua extendit celos.
Dante eo vocem: multiplicabuntur aque in celo.
Qui lebat nubes ab extrema terre: fulgura in plubiam (0885B)fecit.
Qui producit ventos de tesauris suis: stultus factus est omnis homo ab scientia sua.
Confusus est omnis conflator in sculptili: quia mendax conflatio eius nec est spiritus in eis.
Vana sunt enim opera et risui digna: in tempore visitationis sue peribunt.
Non sicut hec pars Jacob: quia qui fecit omnia ipse est Deus: et Srahel sceptrum [XC] hereditatis eius, Dominus exercituum nomen est illi.
LXXV. CANTICUM ECCLESIASTICI. Capitulo 11 et 12.
CXXVIIII A vigilia.
Letare iubenis in adulescentia tua: et in bonis sit (0885C)cor tuum in diebus iubentutis tue.
Et ambula in viis cordis tui et in intuitu oculorum tuorum: et scito quod pro his omnibus adducet te Deus in iudicio.
Aufer iram a corde tuo, et amobe malitiam a carne tua: adulescentia enim et voluptas vane sunt.
Memento Creatoris tui: in diebus iubentutis tue.
Antequam veniat tempus afflictionis: et adpropinquent anni de quibus dicas non mici placent.
Antequam tenebrescat sol, et lumen, et luna, et stelle: et revertatur nubes post plubiam.
Quando commovebuntur custodes domus, et mutabuntur viri fortissimi: et otiose erunt molentes in minuto numero.
(0885D)Et tenebrescent videntes per foramina, et claudent ostia in platea: in umilitate vocis molentis.
Et consurgent ad vocem volucris: et obsurdescent omnes filie carminis.
Excelsa quoque timebunt: et formidabunt in via.
(0886A)Florebit amigdalus et impinguabitur lucusta: et dissipabitur capparis.
Quoniam ibit homo in domum eternitatis sue: et circuibunt in platea plangentes.
Antequam rumpatur funis argenteus et recurrat vitta aurea: et conteratur idria super fontem, et confringatur rota super cisterna.
Et revertatur pulbis in terram suam unde erat: et spiritus redeat ad Deum qui dedit illum
LXXVI. CANTICUM DE LIBRO JOB. Capitulo 19.
CXLII. Auditam.
Scio enim quod redemtor meus vivit: et in nobissimo (0886B)de terra surrecturus sum.
Et rursus circumdabor pelle mea: et in carne mea videbo Deum quem visurus sum.
Ego ipse, et oculi mei conspecturi sunt: et non est alius.
Reposita est hec spes mea in sinu meo: et hereditas mea in Deo meo.
LXXVII. CANTICUM ANGELORUM. DE NATIVITATE CHRISTI.
Gloria in excelsis Deo.
Et in terra pax hominibus bone voluntatis.
Laudamus te.
Benedicimus te.
(0886C)Adoramus te.
Glorificamus te.
Ymnum dicimus tibi.
Gratias tibi agimus: propter gloriam tuam magnam.
Domine Deus: Rex celestis.
Deus pater omnipotens
Domine Fili unigenite.
Iesu Christe altissime.
Domine Deus.
Agnus Dei.
Filius Patris.
Qui tollis peccata mundi: miserere nobis.
Qui tollis peccata mundi: suscipe deprecationem nostram.
(0886D)Qui sedes ad dexteram: miserere nobis.
Quoniam tu solus sanctus.
Tu solus Dominus.
Tu solus altissimus.
Iesu Christe.
Cum sancto Spiritu: in gloria Dei Patris. Amen.