1.
[recensere]De fidelitatis iurandum omnes repromittant.
2.
[recensere]De episcopis et reliquis sacerdotibus, si secundum canonicam institutionem vivant, et si canones bene intellegant et adimplent.
3.
[recensere]De monasteriis virorum ubi monachi sunt, si secundum regulam vivant an canonicæ, et si regulam et canones bene intellegant ubi promissa est.
4.
[recensere]De monasteria puellarum, utrum secundum regulam an canonice vivant, et de claustra earum.
5.
[recensere]De legibus mundanis.
6.
[recensere]De periuria.
7.
[recensere]De homicidia.
8.
[recensere]De adulteria et inlicitis causis perpetratis, tam per episcopiis et monasteriis virorum et puellarum, quamque et inter seculares homines.
9.
[recensere]De illis hominibus qui nostra beneficia habent distructa et alodes eorum restauratas. Similiter et de rebus ecclesiarum.
10.
[recensere]De illis Saxonibus qui beneficia nostra in Francia habent, quomodo an qualiter habent condricta.
11.
[recensere]De obpressionibus liberorum hominum pauperum qui in exercitu ire debent, et a iudicibus sunt obpressi.
12.
[recensere]Ut omnes bene parati sint, quomodocumque nostra iussio venerit.
13.
[recensere]De navigia præparandum circa litoralia maris.
14.
[recensere]De liberis hominibus qui circa maritima loca habitant, si nuntius venerit ut ad succurrendum debeant venire, et hoc neglexerit, unusquisque solidos viginti conponat, mediætatem in dominico, medietatem ad populum. Si ictus fuerit, solidos quindecim conponat ad populum, et fredo dominico.
15.
[recensere]De legationibus ad nos venientibus, et de missis a nobis directis.
16.
[recensere]De his quos volumus ut pacem habeant et defensionem per regna, Christo propitio, nostram.
17.
[recensere]De illis hominibus qui propter nostram iustitiam adnunciantes occisi sunt.
18.
[recensere]De decimis ed nonis atque iustitia æcclesiarum Dei dare et omnes dare studeant.
19.
[recensere]De banno domno imperatoris et regis an per semetipsum consuetus est bannire, id est de mundeburde æcclesiarum, viduarum, orfanorum, et de minus potentium atque rapto, et de exercitali placito instituto. Ut hii qui ista inrumperint, bannum dominicum omnimodis conponant.
20.
[recensere]Ut diligenter inquirant inter episcopis, abbatis, sive comites, vel abbatissas, atque vassos nostros, qualem concordiam et amicitiam ad invicem habeant per singula ministeria, an si aliqua discordia inter ipsos esse videtur, et omnem veritatem in eorum sacramento nobis exinde renuntiare non neglegent. Ut omnes habeant bonos vicedominos et advocatos.
21.
[recensere]In Parisiaco, Melciano, Melidunense, Provinense, Stampinse, Carnotinse, Pinciacense, Fardulfus et Stephanus. Insuper totum undecumque necesse fuerit, tam de iustitiis nostris, quamque et iustitias ecclesiarum, viduarum, orfanorum, pupillorum, et ceterorum hominum, inquirant et perficiant. Et quodcumque ad emendandum invenerint, emendare studeant in quantum melius potuerint. Et quod per se emendare nequiverint, in præsentia nostra adduci faciant.
In Cenomanico, Hoxonense, Livino, Baiocasim, Constantino, Abrincadin, Ebrecino, et Madricinse, et de illa parte Sequanæ, Rodomense, Magenardus episcopus et Madelgaudus.
Item aliud.
[recensere]Sacramentale qualiter repromitto ego domno Karolo piissimo imperatori, filio Pippini regis et Berthane, fidelis sum sicut homo per drictum debet esse domino suo, ad suum regnum et ad suum rectum. Et illud sacramentum quod iuratum habeo, custodiam et custodire volo, in quantum ego scio et intellego, ab isto die inantea. Si me adiuvet Deus, qui cœlum et terram creavit, et ista sanctorum patrocinia.