I.
[recensere]Incumbit foribus pictae Concordia mensae
Purpureique sacer sexus uterque laris,
Aeternas ubi festa dapes conuiuia gestant
Purpureisque nitent regia fulcra toris.
5Ipse micans tecti medium cum coniuge princ<eps
Lucida ceu summi possidet astra poli,
Terrarum ueneranda salus: pro praeside n<ostro
Amissas subito flet nouus exul opes;
Cui natura dedit, uictoria reddidit orbem
10 Claraque longinquos praebuit aula toro<s.
Hic ubi sacra parens placidi petit oscula nat<i,
Castalium credas cum genetrice deum;
Cum soror adsistit, nitidae candentia Luna<e
Sidera fraterna luce micare putes;
15Si coniux aderit, dicas Nereia Pelei
Haemonio Thetidos foedera iuncta toro.
Hac etiam de prole licet sperare nepotem,
Cui Larisa suum conferat una uirum.
En noua iam suboles, quae uix modo missa sub <auras
20 Mystica iam tenero pectore sacra gerit,
Vagitu confessa deum; sentire putare<s,
Mollia sic tremulo mouerat ora sono.
O felix uno geminam cui tempore uitam
...
II
[recensere]...
Aul>a uiret pulchram domini sortita iuuentam
I>psaque primaeuo lumine tecta nitent,
Qu>ae Phoebi flammata rotis et principis ostro
Aetheris ac terrae sidera mixta tenent.
5M>armoreos rigat unda lacus fictasque metallis
Cornigeras rapido proluit amne feras
....>aque festinis onerat crystalla fluentis:
Gemma uehit laticem, quae fuit ante latex.
..>mina celsa tenet socia cum coniuge princeps,
10 C>uius sacra petit pignora mundus ouans.
Mi>ra fides! optare licet, cui sceptra capessant,
N>ec numerum regum poscere uota timent
Et> dominos secura sui de stemmate regni
C>ontinuat proprios dum creat aula nouos.
III.
[recensere]Ex>plicat aestiuas ramis errantibus umbras
F>rigoris arcani silua referta gelu
Nec> commune sibi tempus permittit et anno
Priuatamque hiemem frondea tecta tenent.
5Int>ertonsa comas Spartani marmoris instar
Por>rigit excisum buxus amoena latus,
Qua>m nec Achaemeniae possent penetrare sagittae
...
.... M>arti iunxit amica Venus.
IV.
[recensere]Annus panditur ecce iam secundus
Et festum puero diem reducit,
Quo uitalibus inchoatus auris
Infusi bibit aetheris uigorem.
5Omnes nunc Latiae fauete Musae,
Omnes nunc Latiae uirete siluae;
Vernent limina laureisque sertis
Inserpant hederae uagante nexu;
Exultet placido tumore Thybris
10Et nulla rutilus nec asper unda
Hibernis uada molliat serenis.
Laxet pectora bellicosa ductor
(Est dignus rude) lacteamque prolem
Nodosis ferus ambiat lacertis;
15Adsit cum socio parente coniunx,
Coniunx non leuibus canenda musis,
Heroum suboles, propago regum;
Cuius gloria feminam superstat;
Quae non ut Thetis anxium pauorem
20Secretis Stygos abluit sub undis
Et natum trepidis anhela curis
Contra fata deum metusque leti
...
23Primaeuos pueri rec<entis> art<us
Plenis numine fontibus rigauit,
25Qua puri deus arbiter lauacri
Arcana laticum receptus unda
Pellit crimina nec sinit fuisse
Et uitam nouat obruitque poenam.
His te primitiis, puer, sacratum
30Excepit gremio micante Roma
Et nudi lateris recincta uestem,
Quae bellis procul omnibus patebat,
Nutricem tibi praebuit papillam.
Felix distulit adtulitque partum
35Lucinae mora: praestitit morari,
Vt spebus timidis diu negatus
Et ciuis dominae futurus Vrbi
Natalem tibi regiam Quirini
Et primas Latii domos uideres,
40Proles Martia Martios penates,
Hoc iam clarior inclyto parente,
Quod uix puberibus pater sub annis
Obiectus Geticis puer cateruis,
Bellorum mora, foederis sequester,
45Intentas Latio faces remouit
Ac mundi pretium fuit pauentis.