I[recensere]
Ego nolo Florus esse,
ambulare per tabernas,
latitare per popinas,
culices pati rotundos.
II[recensere]
Lascivus versu, mente pudicus eras.
III[recensere]
Animula vagula blandula,
hospes comesque corporis,
quae nunc abibis in loca,
pallidula, rigida, nudula,
nec ut soles dabis iocos... 5
IV[recensere]
Borysthenes Alanus,
Caesareus veredus,
per aequor et paludes
et tumulos Etruscos
volare qui solebat, 5
Pannonicos nec ullus
apros eum insequentem
dente aper albicanti
ausus fuit nocere:
sparsit ab ore caudam
vel extimam saliva, 10
ut solet evenire.
sed integer iuventa
inviolatus artus
die sua peremptus 15
hic situs est in agro.