Dum ferae conmittant duella,
Rex aureal considet sellâ
Pro vivario.
Quem regni stipant primores,
Cinguntque coronae ut flores
Herae alto in podio.
Ad regis illico nutum
Gradû lento in obtutum
Leo, carcer ut panditur,
Egreditur,
Circumtuens,
Silens,
Malâ hiante,
Juba ferum comante;
Tum membra solutus
Procumbit mutus.
Ad novos Principis nutûs
En illico patuit
Cavea altera,
Quâ prosiluit
Os dirum adrectans
Tigris effera.
Leonem ut videt ravidum,
Inraucat horridum,
Latera verberans,
Iras asperans,
Linguamque porrectans,
Leonem murmure
Rauco e gutture
Lentum ambit,
Procumbitque, ora dum lambit,
Leonem ad mutum.
Ad regis tertium nutum
Patens cavea subito gemina
Pardos, duo ejicit fulmina.
Hi mox certaminis avidi
Insiliunt tigridi,
Quae corripit ambos unguium ictû.
At rugiens leo ut exstitit,
Fera quaevis furere destitit,
Juxtaque rabidae,
Jam caedium avidae
Discumbunt belluae horrido rictû.
Tum podii forte de margine
Chirotheca bellulae dominae,
Quâ leo et tigris jacuerat,
Deciderat.
In obsequia promptus propera
Eques dominae jussa facessit,
Et strenuos figens passûs
E belluis minime lassus
Chirothecam audacter capessit.
At illos juvenis ausûs ingentes
Et mas et femina stupent horrentes.
Sua lentus is refert gestamina,
Dum plausibus circus personat totus.
Blandulo vultu at domina
Exspectat amantem; lumina
Teneros non dissimulant motûs.
Chirothecam cui eques projiciens:
«Hera, has mea grates non adpetit mens».
Quae fatus discedit inmotus.
Juvenis mari se inmergens