Concilium Ravennatense.
Diploma Karoli III.:
Universorum igitur sanctæ dei ecclesiæ fidelium nostrorumque præsentium scilicet ac futurorum nosse cupimus sagacitatis industriam, qualiter venientibus Ravennam ad colloquium spiritalis patris nostri Iohannis summi pontificis et universalis papæ, ubi multorum episcoporum venerabilis cœtus nec non et nobilium procerum caterva convenerat, inter quos venerabilis Aaron sanctæ Regiensis ecclesiæ præsul per reverentissimos pontifices Liutwardum Vercellensem sacri palatii nostri archicancellarium et Wichbodum Parmensem ….