 Liber I — § 2-41 |
Liber I — Titulus II — § 2-43  |
Aquilius Gallus, Balbus Lucilius, S. Papirius, et Gaius Juventius§. 42. Mucii auditores fuerunt complures, sed præcipuæ auctoritatis Aquilius Gallus, Balbus Lucilius, Sextus Papirius, Gaius Juventius : ex quibus Gallum maximæ auctoritatis apud populum fuisse Servius dicit ; omnes tamen hi a Servio Sulpicio nominantur : alioquin per se eorum scripta non talia exstant, ut ea omnes adpetant : denique nec versantur omnino scripta eorum inter manus hominum. Sed servius libros suos complevit : pro cuius scriptura, ipsorum quoque memoria habetur.