I
[recensere]Aspicite o cives senis Enni imaginis formam.
Hic vestrum panxit maxima facta patrum.
II
[recensere]Nemo me lacrimis decoret nec funera fletu
faxit. Cur? Volito vivos per ora virum.
III
[recensere]Hic est ille situs, cui nemo civis neque hostis
Quibit pro factis reddere opis pretium.
IV
[recensere]A sole exoriente supra Maeotis paludes
nemo est qui factis aequiparare queat.
Si fas endo plagas caelestum ascendere cuiquam est,
mi soli caeli maxima porta patet.