| Chorus prior. | Chorus alter. |
| 1. O fontis unda perpetis | 1. O mellis stilla stabilis, |
| Inexhaustae dulcedinis, | Christe, tuis spes credulis ! |
| 2. Quis mentis saltus pendulae | 2. Quod sanctis tuis praeparas, |
| Praevidit donum gratiae, | Vices rerum ut terminas. |
| 3. Viventis stella gratiae, | 3. Vmbram mundani corporis |
| Mundi claret in vespere, | Vincens perfectis radiis. |
| 4. Ad quos sponsa mirifica, | 4. Amicta stola duplici |
| Mater surgit catholica, | Lege inaestimabili. |
| 5. Lex nempe mortis abiit, | 5. Miranda praebens gaudia, |
| Vita Christus ut prodiit, | Vera disponens sabbata. |
| 6. Intrant sponsae palatium | 6. Mane concivit fulgidum |
| Regis aeterni roseum, | Vitae splendens ad praemium. |
| 7. Splendentis aulae solium | 7. Intranti secretissima |
| Sponsus pandit, rex omnium, | Assignando sponsalia. |
| 8. Eternitatis gratia | 8. Rerum cum mutabilium |
| Caeli patescunt atria, | Cursus cessat et temporum. |
| 9. Sanctorum sancta penetrat | 9. Agonis acta proelia |
| Regina, rex quam adlevat, | Recompensans per praemia. |
| 10. O lingua, mentis iubilura | 10. Natalem qui suscipiunt, |
| Quae profert illis cognitum, | Ultra mori qui nequeunt? |
| 11. Quam dignis fulget meritis | 11. Dum naevo carnis solvitur, |
| Sponsa caelorum principis, | Quo surgente nunc labitur. |
| 12. Vernantis templum regiae | 12. Appendit visu stupido, |
| Scandit Christo iam praeduce, | Quod profertur in praemio. |
| 13. Agelli vernant rosei, | 13. Qua spirant opobalsama |
| Campi rubent purpurei, | Soli sponsae recondita. |
| 14. Non alba marcent lilia, | 14. Virtutum odor intimus |
| Rubens spirat hic rosula, | Sed notatur his floribus. |
| 15. Turgescunt dulci nectare | 15. Ardentes candent violae, |
| Virentes florum gemmulae, | Murra, crocus hic, aloe. |
| 16. Victricem palma turmulam | 16. Miratur hortum germinis |
| Exornat florentissimam, | In floreis deliciis. |
| 17. Sparguntur horti gramina, | 17. Pratum florenti purpura |
| Nardus, narcissus, balsama, | Veris proponit tempora. |
| 18. Quae constant sanctis typica, | 18. Recens amomum, fistula, |
| Mastix et gutta cibara, | Grana turis cum cassia. |
| 19. Vitalis ligni gratia | 19. Exponit, carpobalsama, |
| Diversa thymiamata | Storax hic, xylobalsama. |
| 20. Attendit compta floridis | 20. Commendat auster omnia |
| Virgo decus fasciculis, | Perflans hortum per gramina. |
| 21. Mirandis fulgens floribus | 21. Lucis adeptum floreis |
| Sic sponsa surgit altius, | Prodens triumphum palmulis. |
| 22. Signa praetendit laurea | 22. Aulam vernantem rosulis |
| Lata conscendens atria, | Plantis oberrans pendulis. |
| 23. Virtutum pompis inclita | 23. Regnis invecta lacteis, |
| Regis procedit filia, | Campis laeta mellifluis. |
| 24. Aeterno iunctae tempori | 24. Applaudunt chori caelici |
| Cursus respondet meriti, | Dote ditatae virgini. |
| 25. Virgo iuncta candidulis | 25. Quibus concessit capere |
| Festiva iam virgunculis, | Solis sponsus vim gratiae. |
| 26. Intranti sponsus obviat, | 26. Vita viventes solidat, |
| Re, spe, donis corroborat, | Bonum firmans, quod fecerat. |
| 27. Surgens aurora croceos | 27. Avertens umbram sidere, |
| Spargit splendore radios, | Sole clarae iustitiae. |
| 28. O quantus amor intimus | 28. Membra dum vero capiti |
| Ardescit illic ignibus, | Iungit effectus fidei I |
| 29. Rimare fontem gratiae, | 29. Mirandum cunctis saeculis, |
| Quam propinat rex patriae, | Magis sed lucis filiis. |
| 30. Exponit clausos hactenus | 30. Auri fulgentis pondera |
| Thesauros Christus civibus, | Sensus replens scientia. |
| 31. Rorant caeli iustitiam, | 31. Gratis collatam incolis |
| Abstrusam produnt gratiam, | lactis procul miseriis. |
| 32. Voluntas singularibus | 32. Nutantes gratis statuit, |
| Alma dives muneribus | Statutos lumen efficit. |
| 33. Morantem tantis gaudiis | 33. Agnus praecurrit, agmina |
| Chorum vitae perpetuis | Digna sequuntur milia. |
| 34. Promissum virgo caelica | 34. Mutari prorsus nescia, |
| Sponsi cernit per praemia, | Statu transscendens tempora. |
| 35. Auctori iuncta omnium | 35. Vitali sceptro glorians, |
| Vitae sumit initium, | Legi carnis flos dominans. |
| 36. Taedis splendet sponsalibus, | 36. Laetatur lucis gratia, |
| Quot processit virtutibus, | Quam fert iustis iustitia. |
| 37. Emerge, dulcis filia, | 37. Tandem visura nobilem |
| Nitesce iam, virguncula, | Christum Deum et hominem. |
| 38. Regnanti regnum obviat, | 38. Iam regnatura perpetim |
| Cbristo sponso se collocat | Donis collatis affatim. |
| 39. In mundi quondam vespere | 39. Tuetur sol immobilis |
| Quam nox pressit miseriae, | Et pax interminabilis. |
| 40. Non ultra vergit pendula | 40. Veracis festo sabbati |
| Eventum rerum dubia | Lucra metens iam fidei. |
| 41. Gratanter iuncta principi | 41. Dona suscepta laudibus |
| Vestitur stola duplici, | Signans et votis omnibus |
| 42. Regalis pompa thalami | 42. Ostrum insigne, specula |
| Pulchrae profertur virgini, | Vates praedixit talia. |
| 43. Astringit istam purpura | 43. Dotalis torques, lunula, |
| Auro, gemmis interlita, | Mitra, vitta cum fibula. |
| 44. Cingunt armillae brachia | 44. Vernat monile gemmulis |
| Et dextram dextrochiria, | In aures iunctis annulis. |
| 45. Istam discriminalia | 45. Lapilli vernant aureis |
| Comunt olfactoriola, | Huius ornatu guttulis. |
| 46. Aevis fulgit splendoribus | 46. Coronis rubet aureis |
| Et mysticis ornatibus, | Victis horrendis proeliis. |
| 47. Quaenam hic tam mirificis | 47. Ex torta bysso candida |
| Ornanda tot induniis, | Cocco bis tincto florida ? |
| 48. Virgo sericas sindones, | 48. Dotali sumit pignore; |
| Teristra, periscelides | O vestis decor mysticae 1 |
| 49. Amor, o Christe, virginis | 49. In hac te fixa gratia |
| Unda redemptae sanguinis, | Quae digne laudant carmina? |
| 50. Sancte sanctorum Domine, | 50. Notis tuis quod praeparas, |
| Quis hoc stabit in munere, | Vices rerum ut terminas. |
| 51. Tantis donis ut dignus sit, | 51. Iactura licet omnium |
| Quis unquam hic sic proficit, | Te quaerat, spem viventium? |
| 52. Alma virtus fidelium, | 52. Sion urbis introitum |
| Tuorum decus civium, | Quis habebit et praemium? |
| 53. Beatus urbis accola, | 53. Totum bonum qui vendicat, |
| Plenae festiva gratia, | Quod ex parte praeviderat. |
| 54. Inventus cum virgineis | 54. Vernat in patre omnium |
| Flos stabit conventiculis, | Unus amor laetantium. |
| 55. Tempus interminabile | 55. Estatis ortu tenditur, |
| Paschali constans ordine | Quo labor omnis tollitur. |
| 56. Exstat unus in omnibus, | 56. Defectus non hic senii, |
| Ut semper flos stet spiritus, | Non mors ex arte colubri. |
| 57. Tempus vicissitudines | 57. Orto sole iustitiae |
| Nec habet hic mutabiles, | Mortales cedunt tenebrae. |
| 58. Ex solis huius iubare | 58. Mundo cordi cognitio |
| Est vis plena scientiae, | Deitatis et visio. |
| 59. Rerum nosse principium | 59. In hoc beatis requies |
| Est verum iustis sabbatum, | Cognovisse, quod Deus es. |
| 60. Nil huic comparabile, | 60. Non mundi vertex aureus |
| Splendori tanto simile, | Nec totus orbis ambitus. |
| 61. Ad sanctos haec lux spargitur, | 61. Eternae pacis visio, |
| Hinc tota merces sequitur, | Trinitatis agnitio. |
| 62. Lux lucis haec cognoscitur, | 62. Qua fructus vitae prodeunt, |
| Umbra mentis qua vincitur, | Vel mutari qui nesciunt. |
| 63. Iesu, Iesu, rex omnium, | 63. Votis, voce quis explicat, |
| Quos gratis salvas, civium, | Urbs caelestis quod praeparat V |
| 64. Tua tuos in gratia | 64. Adunans uno munere |
| Dum perfundis insolita, | Multos in nostro vespere. |
| 65. Electis o tripudium | 65. Mori nunquam nec cadere, |
| Saltu mentis praecognitum | Mutari nec deficere I |
| 66. Regum regis o regia, | 66. Alta muris et turribus, |
| Vocatis plena copia, | Clara suis in milibus I |
| 67. Vnitum aedificium | 67. Bono constans artifice, |
| Compago reddit lapidum, | O civis huius regiae I |
| 68. Non intrat istam perfidus, | 68. Stat ordo fixus lapidum |
| Non exit lucis filius, | Quater trium per numerum. |
| 69. Isti suas per species | 69. Constant quidam purpureae |
| Sunt vitro comparabiles. | Naturae, quidam igneae. |
| 70. Coruscat templum iaspide, | 70. Olim mundi qui pallidum |
| Fide virenti lapide, | Virtute vicit flosculum. |
| 71. Aulae saphyrus congruit, | 71. Notans colore sidera, |
| Quem solis splendor provehit, | Clarus in mundi vespera. |
| 72. Mittens ex se ut aureas | 72. Dictae perornat Solymae |
| Hic chrysoprassus guttulas | Castra virenti iubare. |
| 73. Arcis supernae solium | 73. In verbo legis aureum, |
| Monstrat in his chrysolithum, | Menti lucentem hominum. |
| 74. Transscendens lapis omnia | 74. Se smaragdus his inserit, |
| Glaucus rerum viridia | Morum decor quem prospicit. |
| 75. Extra pallenti formula, | 75. Talis beryllus ponitur, |
| Virens intus per merita, | Qui caesus fulgens redditur. |
| 76. Regni floret in foribus | 76. In sanctis immutabilis, |
| Iacinthus gratus regibus, | Cursu mutatur temporis. |
| 77. Color triplex quem denotat, | 77. Testem Christi purpureus, |
| Non amethystus lateat | Violaris et roseus. |
| 78. Alto virtutum speculo | 78. Insignis hic multicolor. |
| Laetatur urbs topazio, | Unde coniunctis dignior. |
| 79. Templi stat portis aureis | 79. Mitis, benignus, sobrius, |
| Onyx coloris triplicis, | Christo nihil acceptius. |
| 80. Hic flammescit carbunculus, | 80. Exemplo lux et dogmate, |
| Vitae clarus virtutibus, | Matri iunctus catholicae. |
| 81. Ornat aulam sed ultimus | 81. Nou legis carnis inscius, |
| Compar in gestis sardius, | Dum florebat virtutibus. |
| 82. Luculenta chrysocomis | 82. Tutis adauget gaudia, |
| Templi structuram gemmulis | Cessat ferri materia. |
| 83. Iunguntur vivi lapides, | 83. laetos duris malleolis |
| Polivit istos artifex, | Cursu labentis temporis. |
| 84. Constat caelestis specula | 84. Beatos quae significat, |
| Harum petrarum formula | Sanctos Dei quae typicat. |
| 85. Attriti corporalibus | 85. Vivaci lima secti sunt, |
| Probandi tunsionibus | Inde muris conveniunt. |
| 86. Sion istis construitur, | 86. Sunt ab hac procul omnia |
| His petris vivis cogitur, | Vitae, mortis discrimina. |
| 87. Pace regnum componitur, | 87. Terror letalis buccinae |
| Non bellis saevis quatitur, | Silet paccato milite. |
| 88. Ordo quietis omnia | 88. Exstat procul his finibus |
| Pace disponit agmina, | Inflatis mors draconibus. |
| 89. Non signifer Romuleis | 89. Portae iam nitent patulae, |
| Coronam captat aquilis, | Pax una certae patriae. |
| 90. Suspendit fidem visio | 90. Ex donis iam exhibitis |
| Regis patente solio, | Spes peribit ex superis. |
| 91. Alta corda quae tenuit, | 91. Regnans sursum immobilis, |
| Pars augetur, non deficit, | Quia interminabilis. |
| 92. Caelum caeli pax aperit, | 92. Florem mundi dum tererent |
| Quae sola sanctis adfuit, | Et pacem Deum quaererent. |
| 93. O merces, vitae speculum, | 93. Ethra per alta bibulos |
| Fontis aeterni poculum, | Sitibundis dans rivulos 1 |
| 94. Lucis creator, Domine, | 94. Cum regni sit introitus |
| Quis hic stabit in munere, | Merces actis laboribus? |
| 95. Ynde profectus hominum | 95. Iam te fontem qui hauriat, |
| Te, Christe, promerentium, | Lux aeterna quo radiat. |
| 96. Millenae mortes martyrum | 96. Semper quod est nec deficit, |
| Tale non aequant meritum, | Cui bono nil officit. |
| 97. Bona bonus, rex optime, | 97. Te ipsum dando filiis; |
| Sorti procuras propriae | Quid plus quaerant in praemiis? |
| 98. Agonistae victoria, | 98. Intranti praebens lauream |
| Tu corona stas aurea, | Post felicem victoriam. |
| 99. Iesu, vita viventium, | 99. Amore quo tunc iubilet, |
| Spes aeterna regnantium, | Te lucem qui suscipiet; |
| 100. Nomen tuum in saecula | 100. Ybi trinus et unitas |
| Quae digne laudant carmina, | Ubi unus et trinitas? |
| 101. Trinum personis applica, | 101. Totum indivisibilem |
| Sed unum in substantia, | Nec gradibus rotabilem. |
| 102. Ex mundi ponto naufragi | 102. Ex dono tuo capiunt, |
| Campum portus siderei | Qui te corde nunc sitiunt. |
| 103. Rex saeculorum Domine, | 103. Mille actis laboribus : |
| Miles clamabit curiae | Quid salvati rependimus? |
| 104. Mille malis in bravio | 104. Summam longi certaminis |
| Nulla fit comparatio, | Non coaequat lex muneris. |
| 105. Iam factorem conspicere | 105. Porta mortis dum clauditur |
| Est sine fine vivere, | Nec esse nox permittitur. |
| 106. Nota creantis visio | 106. Expleto flendi nubilo |
| Cuncta replet in gaudio, | Sol umbram vertit radio. |
| 107. Auris habet, quod mulceat, | 107. Restant perblanda tactui, |
| Gustus, suave quod sapiat, | Dulcis odor olfactui. |
| 108. Bonum hic omne saeculo, | 108. Aeterni status temporis, |
| Statu florenti caelico, | Talis Christus in praemiis. |
| 109. Instate tantae gratiae, | 109. Noctem mundanam fugite, |
| O vos omnes orbicolae, | Dum vacat lucem quaerere. |
| 110. Lux in te, rex, lucentium, | 110. Te suspirando quaerimus, |
| Quos gratis salvas, omnium, | Precum assis effectibus. |
| 111. Iam mundi nutat orbita, | 111. Iam decor omnis avolat, |
| Rerum vergit materia, | Quem vis nativa procreat. |
| 112. Morbis mundus et moribus | 112. Benigne fer auxilium |
| In nos grassatur languidus, | Tuis iam necessarium. |
| 113. Verba tua cognoscimus | 113. Venere, quae praedixerat |
| Pressuris multiformibus, | Vox, quae torpentes excitat. |
| 114. Non sol, non luna tempora | 114. Signa patent praenuntia, |
| Adesse celant ultima, | Turbatur mens hinc anxia |
| 115. Ex terrae motus murmure, | 115. De fluctuum excursibus |
| Ventorum crebro turbine, | Rerum finem perpendimus. |
| 116. Rector rerum, hinc respice, | 116. Egris offer et baculum, |
| Quos virga regis gratiae, | Casuris sustentaculum. |
| 117. Ex te restat auxilium, | 117. Velle tuum, vis praepotens, |
| Qui casus nosti mentium, | Abjectos hinc recolligens. |
| 118. Robur adauge stantibus, | 118. Sis portus culpa naufragis, |
| Spem surgendi cadentibus, | Lux sanctis conscientiis. |
| 119. O lux et dux ad patriam, | 119. In te ad te nos erige, |
| Christe, lapsis da dexteram, | Rector, occursu veniae. |
| 120. Sole tuo nos praeveni, | 120. Nox involvat taeterrima, |
| Ne nos diei ultimi | O rex, o nos tunc adiuva. |
| 121. Auctori laudum cantica | 121. TE lucem qui iam reddidit, |
| Mentis fidelis immola, | Noctem mortis quem repperit. |
| 122. Ad sponsum laudes fundite, | 122. Ad florem florum germina |
| Sponsae, flores ecclesiae, | Ferte rosas et lilia. |
| 123. Laetetur virgo virginum, | 123. Laturus saeclo dulcia |
| De qua fructus viventium, | Vitis vera convivia. |
| 124. Lucernas ornet splendidas, | 124. Lucis gratanter suboles |
| Stolas aptet candidulas | Pannos ponendo veteres. |
| 125. Ex dignis sponsus nobilis, | 125. Expertes lucis animae |
| Laudatur conscientiis, | Digne nullo stant carmine. |
| 126. Laudando cunctis saeculis | 126. Laus sit in novis canticis, |
| Dic hymnum, decus virginis, | Agnum vitae quae sequeris. |
| 127. Vincenti lignum dabitur, | 127. Vitae coronam accipit, |
| Quo paradisus colitur, | Mundum virgo quae vicerit. |
| 128. Intranti man reconditum | 128. In stella victrix fulgida |
| Christus offert et calculum, | Lucis cognovit opera. |
| 129. Ascripta summis civibus | 129. Aspectus ad hunc animo |
| Locat throno rex inclitus, | Hymnus erit cum cantico. |
Epithalamium Christi virginum alternantium
Epithalamium Christi virginum alternantium
saeculo XIII