Fabulae (Aesopus)/19. De miluo egrotante

E Wikisource
(Redirectum de Fabulae (Aesopus) - 19. De miluo egrotante)
19. De miluo egrotante

 18. De leone et mure 20. De hyrundine aues monente 

Morbi mole iacet miluus matremque precatur,
Vt superis pro se det sacra detque preces.
Mater ait: Mi nate, deos et sacra deorum
Lesisti. recolunt inpia facta dei.
Criminis ultores pensant pro crimine penam.
Cum sacra turbares, pena timenda fuit.
Te cogit timor esse pium, te pena fidelem.
Hic timor, hec pietas cum nece sera uenit.
Qui maculat uitam, mundas cur incolit aras?
Quem sua facta premunt, cur aliena leuant?

 18. De leone et mure 20. De hyrundine aues monente