Fabulae (Aesopus)/26. De agno et lupo

E Wikisource
Jump to navigation Jump to search
26. De agno et lupo

Fairytale left blue.png 25. De terra parturiente murem 27. De cane uetulo Fairytale right blue.png

Cum grege barbato dum ludit iunior agnus,
Tendit in hunc menti dissona uerba lupus:
Cur olidam munda sequeris plus matre capellam?
Lac tibi preberet dulcius ipsa parens.
Est prope, festina, matrem pete, munera matris
Lac bibe. nam seruat ubera plena tibi.
Agnus ad hec: Pia capra michi lac dulce propinat,
Me uice matris alit, me uice matris amat.
Non michi, sed domino prodest me uiuere. uiuo
Vt metat in tergo uellera multa meo.
Ergo michi prestat nutriri lacte caprino,
Quam lac matris habens mergar in ore tuo.
Omnes uincit opes securam ducere uitam.
Pauperius nichil est, quam miser usus opum.
Nil melius sano monitu, nil peius iniquo.
Consilium sequitur certa ruina malum.

Fairytale left blue.png 25. De terra parturiente murem 27. De cane uetulo Fairytale right blue.png