Hendecasyllaborum seu Baiarum libri duo/1.29

E Wikisource

 1.28 1.30 


    Misit caseolos mihi Marullus,
Cumque his versiculos venustiores,
Quales maenaliae canunt puellae
Una cum gelido lavantur amne, 5
Quales aoniae canunt sorores
Cum laetas agitant simul choreas.
Par est versiculis referre versus:
Quid pro caseolis referre par est?
Oranda est mihi blanda Septimilla, 10
Ut pro caseolis velit referre
Centum basiola et catulliana,
Centum suaviola atque lesbiana.



 1.28 1.30