Rivo puer adsidebat
Serta nectens floribus,
Quos torrentibus videbat
Devolutos fluctibus.
«Vitae tempus, ah! vanescit
Ut hi fluctûs rapidi,
Et juventae flos marcescit
Ut hi flores nitidi.
Aevo quid querar florente,
Ne curate quaerere!
Vere almo revertentel
Cuncta en vigescere.
Rediviva cantû laeto
Dum natura personat;
Mihi pectore vieto
Aegror tantum resonat.
Quid voluptas haec divina
Vere mihi praestita?
Unam peto, quae vicina
Est et usque dissita.
Umbram manû, ah! fallacem
Amplexabur cupidâ,
Ah! non adsequar fugacem,
Quam mens quaerit avida!
Virgo prodi generosa,
Arce prodi editâ,
Veris dona speciosa
Feram tibi debita.
Aurae voces en canorae
Rivi murmur pellicit!
Parva mutuo amore
Junctis casa sufficit».
Venator in Alpibus