 Carmen LVIII |
Carmen LIX  |
Non custos si fingar ille Cretum,
non Ladas ego pinnipesue Perseus,
non si Pegaseo ferar volatu,
non Rhesi niveae citaeque bigae;
adde huc plumipedas volatilesque,
ventorumque simul require cursum,
quos iunctos, Cameri, mihi dicares:
defessus tamen omnibus medullis
et multis languoribus peresus
essem te mihi, amice, quaeritando.
| Carmen LVIII |
Carmen LIX |