In primis instituit, si liber homo se ipsum ad servitium inplicat pro aliquibus causis, si liberam feminam habuit aut infantes, ipsi in eorum libertatem permaneant; et si ipsa femina defuncta fuerit, et aliam liberam feminam sibi copulaverit serviente, ipsa in servitio permanead.
2.
[recensere]Si quis homo alienam uxorem adulteraverit, et secundum legem ei in manus traditi fuerint et postea coniuncti fuerint, partibus publicis recipiantur; et qui ipsos conparatos habuerit, precium suum perdat.
3.
[recensere]Volumus ut comites nostri licentiam habeant inquisicionem facere.
4.
[recensere]Volumus de obligationibus, ut nullus homo per sacramentum nec per aliam obligationem adunationem faciat; et si hoc facere præsumpserit, tunc de illis qui prius ipsum consilium incoaverit aut qui hoc factum habet in exilio ab ipso comite in Corsica mittatur, et illi alii bannum conponant; et si talis fuerit qui non habeat unde ipsum bannum conponat, LX ictus accipiat.
5.
[recensere]Volumus ut cum collecta vel scutis in placito comitis nullus presumat venire; et si præsumpserit, bannum conponat.
6.
[recensere]De sanctemoniales feminas statuimus, si adulterium fecerint et inventum fuerit, res quas habet fisco socientur, persona vero eius sit in potestate episcopi in cuius parrochia est, ut in monasterio intromittatur.
7.
[recensere]Volumus ut episcopi, abbates et abbatissæ eorum advocatos habeant et pleniter iusticias faciant ante comitem suum.
8.
[recensere]De homines qui res suas alienant ubicumque et super resedent, distringat eos comis pro scubia publica sicut lex contenet.
9.
[recensere]Volumus ut episcopus una cum comite suo adbocatum elegat.
10.
[recensere]Placuit nobis, ut hominibus liveris nihil superponant, nisi sicut lex et rectitudo continet.
11.
[recensere]Volumus ut scubia publica, quod ad utilitatem regni nostri pertinet, præcepta inmunitatum inpedimentum non præstent set adiutorium.
12.
[recensere]Ut cancellarii electi boni et veraces cartas publicas conscribant ante comitem et scabinis et vicarii eius, et nullis modis hoc facere præsumant de pecunia, antequam legitimum precium detur.
13.
[recensere]Liceat comiti scusatos habere, sicut lex Langubardorum continet.
14.
[recensere]Volumus ut homines talem consuetudinem habeant, sicut antiquitus Langubardorum fuit.
15.
[recensere]De cancellariis qui veraces electi sunt: ad homines infirmos veniant et secundum legem instrumenta conscribant, et a testibus roborentur; et statim cum scripta fuerit cartula, ostendant eam episcopo, comiti, iudices vel vicariis aut in plebe, ut vera agnoscatur esse.
16.
[recensere]Ut mulier Romana quæ virum habuerit Langobardum, defuncto eo, a lege viri sit soluta et ad suam legem revertatur; hoc vero statuentes, ut similis modus servetur in ceterarum nationum mulieribus.
17.
[recensere]Ut nullus negotium suum infra mare exercere presumat, nisi ad portura legitima, secundum more antiquo, propter iustitiam domni imperatoris et nostram; et si quis aliter fecerit, omnem negotium suum perdat.
18.
[recensere]Quicumque enim liber homo aut a comite suo admonitus aut ad ministris eius ad patriam defendendam ire neglexerit, et exercitus supervenerit ad istius regni vastationem vel contrarietatem fidelium nostrorum, capitale subiaceat sententiam. Similiter observandum: si vocati fuerint, auditum inimicorum nostrorum adventum, et ita contigerit, quod hoste non supervenerint, hii qui vocati fuerint et venire noluerint unusquisque secundum legem suam hoc emendet.