Pagina:Vita del glorioso martire s. Secondo (1823).djvu/33

E Wikisource
Haec pagina emendata est
25

Transierant centum post partum Virginis anni
Illis triginta quatuor adde quoque:
Nec dum sancta fides Christi vulgata per oras
Multum erat ltalicas, occiduumque solum.
Imperium Cæsar Romanum Hadrianus habebat,
Qui sævus Christi nominis hostis erat;
Cujus in his residens ferus ille vicarius oris
Sapricius pariter Christi inimicus erat;
Qui Consembrandi Dominorum a stirpe fuisse
Dicitur, et clara nobilitate satus
Huic erat Astensis mandato Cæsaris Urbis,
Necnon et patriæ credita cura suæ.
Quum commissa sibi foret Alpis Cottia tota,
In qua Urbs Astensis tempus in illud erat,
Unde sat apparet, quod et illo tempore soli
Hæc Urbs parebat Cæsaris imperio.
Miles erat præstans hac tempestate Secundus.
Clarus, et Astensis Civis in Urbe potens,
Qui Christum, fideique suæ mandata colebat,
Spernens multorum numina vana Deum,
Quæ Cives alii majore ex parte colebant
Imperatoris, Sapriciique metu.
Namque per Italicas edicto Cæsaris Urbes
Quisque vetabatur tum coluisse Jesum;
Quisque jubebatur colere aut simulacra Dianæ,
Aut Jovis, aut aliud nomen inane Deum,