Haec pagina nondum emendata est
19Iusta autem causa manumissionis est ueluti si quis filium filiamue aut fratrem sororemue naturalem, aut alumnum, aut 'paedagogum, aut seruum procuratoris habendi gratia, aut ancillam matrimonii causa, apud consilium manumittat.
20Consilium autem adhibetur in urbe Roma quidem quinque senatorum et quinque equitum Romanorum puberum; in prouinciis autem uiginti recuperatorum ciuium Romanorum, idque fit ultimo die conuentus; sed Romae (servi) certis diebus apud consilium manumittuntur, maiores uero triginta annorum serui semper manumitti solent, adeo ut uel in transitu manumittantur, ueluti cum praetor aut proconsul in balneum uel in theatrum eat.
- § 19. Ср. Gaj I. § 39.
- § 20. Ср. Ulp. I. 13 а. § 2. J. 1, 5. L. 1. 6, pr. D. 40, 2, L. 1. С. 7, 1.
