Haec pagina emendata est
15
Māter. Tacē. Nōlī mentīrī. Manifēstum est scelus, nam crustula quae dīxī habēs. Dā mihi.
[Crustula capit.]
Sextus. Nōlī saevīre in eum, māter. Nōlō ego crustula habēre.
Māter. Nimis clēmēns es, Mārce. Accipe crustula, cārissime.
[Crustula Sextō dat.]
Mārcus. Pugnum in ōs impingam.
[Impetum in Sextum facit.]
Māter. Tacē, pessime. Prīmum frātris crustula abstrahis, deinde ipsum frātrem, quī prō tē precātur, laedere temptās. Vae tergō tuō! Venī mēcum. Ad patrem tē dūcam, quī poenās ā tē sūmet.
[Abeunt omnēs.]
