laedat mē. Ecce! in speculum īnspicit: nōn dubium est quīn fortis sit.
Perseus. [Medūsam aggressus] Horribilī speciē mōnstrum es: occīdam tē falce meā.
Gorgonēs. Succurrite, sorōrēs: Medūsa mortua est. Perseus. Succurrite, sī vultis: namque invenīre mē nōn poteritis. [Galeam magicam induit.]
Gorgonēs. Ē cōnspectū ēvāsit: vix dubitāre possumus quīn deus sit.
Cēpheus. Ō Iuppiter omnipotēns, cōnsilium ā tē petō; quid enim faciendum sit nesciō. Saevissimum mōnstrum, quod Neptūnus mīsit, cottīdiē ē marī venit fīnēsque nostrōs vastat, hominēsque dēvorat. Dīc mihi igitur quōmodo ē tantō perīculō cīvēs extrahere possim.
Vōx. [Ē spēluncā audīta] Fīlia tua mōnstrō trādenda est: quod sī fēceris statim abībit.
Cēpheus. [Summō dolōre affectus] Mē miserum! Fīliam trādere nōn possum. Sed domum redībō; fortasse mōnstrum nōn redībit.
Cēpheus. Iterumne venit saevissimum mōnstrum?
Mīlitēs. Nōn vīdimus, domine. Spērāmus id numquam reditūrum esse.
Cīvēs. [Intrant] Salvē, optime prīnceps. Advenīmus rem terribilem nūntiātum; namque mōnstrum illud herī ē marī appropinquāvit lītorī duōsque piscātōrēs dēvorāvit.
Andromeda. Oportet tē, pater, ōrāculō pārēre. Nōn timeō prō patriā morī.
Cēpheus. Vix possum mīlitibus imperāre ut tē dēdūcant; sed faciendum est. Ō mē miserum! Miserrimamque puellam!
