Hāc explōrātā regiōne, Cūriō Uticae quoque mūnitiōnēs speculātus est; cumque animadvertisset plēnissimīs[1] viīs undique portārī agīque[2] multa, quae repentīnī tumultūs timōre[3] ex agrīs in urbem cōnferēbantur, equitātum mīsit, ut praedā īnspērātā[4] potīrētur. Simul ex urbe ēmissī sunt DC equitēs Numidae[5], quī agricolīs fugientibus auxiliō essent. Concurrunt equitēs inter sē; neque[6] vērō prīmum impetum nostrōrum Numidae ferre poterant, sed interfectīs circiter CXX reliquī sē in urbem contulērunt.
Interim Mārcius[7] nāvēs longās Uticam dēdūxerat; cuius adventū cōgnitō, Cūriō prōnūntiārī[8] iussit onerāriīs, quae in portū ad ancoram stābant numerō[9] circiter CC, sē in hostium locō habitūrum[10] omnēs[11], quī nōn statim ad Castra Cornēlia nāvīs[12] trādūxissent[13]. Quā prōnūntiātiōne[14] factā, sine morā sublātīs ancorīs omnēs reliquērunt Uticam et, quō[15] imperātum erat, trānsiērunt. Quae rēs omnium rērum cōpiā exercitum nostrum complēvit.
- ↑ plēnissimīs: plēnus, -a, -um: congested, viīs: translate the abl. “along”; cf. sēmitā, p. 103, l. 17.
- ↑ portārī agīque: cf. the note on rapere et agere, p. 49, l. 8.
- ↑ timōre: m, strictly, abl. of cause, in the panic.
- ↑ īnspērātā: īnspērātus, -a, -um: unexpected.
- ↑ Numidae: m, with adj. force.
- ↑ neque: cf. p. 127, l. 16.
- ↑ Mārcius: see p. 145, l. 8.
- ↑ prōnūntiārī: cf. p. 128, l. 5; note the final vowel.
- ↑ numerō: m, for syntax, cf. animō, p. 37, l. 20.
- ↑ in hostium locō habitūrum: lit. what?, would regard as enemies.
- ↑ omnēs: m, masc..
- ↑ nāvīs: f, i.e. the onerāriae of l. 11.
- ↑ trādūxissent: i.e. across the harbor (see the map). For mood and tense, cf. esset perruptus, p. 107, l. 3.
- ↑ prōnūntiātiōne: prōnūntiātiō, -ōnis: f, announcement.
- ↑ quō: adv., the adv..
