Fuit in emendando quaedam difficultas
neque aliēna cōnsilī propter Semprōniam: nam tum Brūtus ab Rōmā aberat. Praetereā Gabīnium arcēssit, quō maior auctōritās sermōnī inesset. Eō praesente coniūratiōnem aperuit, nōminat sociōs, praetereā multōs cuiusque generis innoxiōs, quō lēgātīs animus amplior esset. Deinde eōs pollicitōs operam suam domum dīmittit.
Sed Allobrogēs diū in incertō habuēre, quidnam cōnsilī caperent: in alterā parte erat aes aliēnum, studium bellī, magna merces in spē victōriae, at in alterā maiōrēs opēs, tūta cōnsilia, prō incertā spē certa praemia. Haec illīs volventibus, tandem vīcit fortūna reī pūblicae. Itaque Q. Fabio Sangae, cuius patrōciniō civitās plūrimum ūtēbātur, rem omnem, utī cōgnōverant, aperiunt. Cicerō, per San-
