Tum dēmum oppidānī alterum frātrem, quī Philippus appellābātur, ad colōniam dēdūxērunt, eumque coēgērunt arma omnia trādere, quae ipse comitēsque ferēbant; nec vērō dīmīsērunt hominem[1], dōnec pollicitus est sē reliqua quoque arma trāditūrum[2], quae domī[3] Indī habēbant.
Philippus, quī patre et frātre mortuīs iam ipse rēx erat, irātus domum profectus, Indōs ad arma vocāvit. Quī eum libenter secūtī sunt; quīn etiam ōlim quendam cīvem suum[4] interfēcērunt, quod rēgis cōnsilia colōnīs prōdiderat.
Complūra iam erant colōnōrum oppida; sed Indī prīmō tantum vīllīs admōvērunt ignīs bovēsque rapuērunt: nam, ā sacerdōtibus monitī, hominem[5] occīdere nūllum ausī sunt, dōnec ā colōnīs ūnus ex ipsōrum[6] numerō vulnerātus est. Tum dēmum, omnibus oppidīs oppugnātīs, caedēs maxima est facta, ac colōnī miserī, aliī[7] cum[8] aquam peterent, aliī cum ā vīllīs in oppida fugerent, undique occīsī sunt.
Ōlim hostēs, cum[9] in[10] castellum quoddam impetum fēcissent sagittāsque ārdentēs mīsissent in tēctum, postrēmō ipsī[11] quoque castellō ignem admovēre cōnātī sunt. Quā rē[12] animadversā, colōnī, quī sē fortiter multās hōrās dēfende-
- ↑ hominem: the man.
- ↑ trāditurum: sc. esse.
- ↑ dōmi: at home; for the case, cf. humī, p. 7, l. 4.
- ↑ suum: of theirs.
- ↑ hominem: standing in contrast to villīs and bovēs of the preceding clause.
- ↑ ipsōrum: their own.
- ↑ aliī … aliī: some … others.
- ↑ cum: as.
- ↑ hostēs, cum: when the enemy. Note the changed order of the English.
- ↑ in: upon.
- ↑ ipsī: modifying castellō.
- ↑ quā rē: this.
