intrā mūnītiōnēs Bostōnis continuit. Tum, cum eius cōpiae maiōrēs factae essent, subitō noctū prope urbem clam collem quendam occupāvit, atque ibi vāllum summā celeritāte exstrūxit; quīn etiam ubi diēs illūxit duxque hostium mūnītiōnēs novās animadvertit, vehementer commōtus ille: “Hī colōnī ūnā nocte,” inquit, “tanta opera perfēcērunt, quanta[1] meus exercitus mēnse tōtō perficere nōn potest.”[2] Hōc vāllō[3] exstrūctō, cum cotīdiē tēla plūrima ballistīs[4] Americanōrum in urbem mitterentur, hostēs brevī nāvēs cōnscendere atque ē portū fugere coāctī sunt.
Colōnī adhūc bellum gesserant ut iūra cīvium Britannicōrum sibi concēderentur; iam vērō, cum[5] neque rēx neque[6] senātus eōs audīre vellet, dē[7] Britanniā dēscīscere[8] novamque condere rem pūblicam[9] cōnstituērunt.
Interim Britannī Novum Eborācum terrā marīque[10] oppugnāre parābant. Haud procul est magna īnsula, quae Longa appellatur. Ibi ē nāvibus ēgressī hostēs cum Americānīs ācriter pugnāvērunt. Quō proeliō victus Vasingtō nōn sōlum ex īnsulā discēdere sed etiam Novum Eborācum dīmittere coāctus est. Hīs rēbus factīs, colōnī omnēs animō[11]
- ↑ tanta … quanta: such as.
- ↑ potest: could, a common idiomatic use of the pres. indic. of this verb.
- ↑ hōc vāllō, etc.: the abl. absol. may be translated as a “when” clause, and the following words by a participial clause.
- ↑ ballistīs: abl. of means.
- ↑ cum: causal.
- ↑ neque … neque: neither … nor.'
- ↑ dē: from.
- ↑ dēscīscere: dēscīscō, 3, -scīvī, -scītum est, separate.
- ↑ rem pūblicam: commonwealth.
- ↑ terrā marīque: by land and sea, the abl. expressing place where.
- ↑ animō … dēmisssī: cf. the note on this same phrase, p.37 l. 20.
