vulnere intrā portam castellī recepta est, colōnīque pulvere sublevātī[1] impetūs Indōrum potuērunt sustinēre, dōnec amīcī auxiliī ferendī causā ex oppidīs fīnitimīs frequentēs convēnērunt.
In quōdam lacū maximō, cuius in lītore positum est oppidum Taeconderōga, ācriter quondam ab Americānīs cum Britannīs pugnātum est. Americānīs[2] parvae erant nāvēs et paucae; at dux Britannicus, quī facile ē Canadā cōpiās adferre poterat, multās nāvēs longās summā diligentiā īnstrūctās[3] parāverat; sē enim Taeconderōgam brevī expugnātūrum spērābat.
Imperātor tamen colōnōrum, vir maximae virtūtis[4], etsī numerō erat multō īnferior, committere proelium minimē dubitāvit; sed cum hōrās multās esset pugnātum noxque iam adesset, nāvēs vix nābant Americānae, tēlaque paene dēfēcerant. Quō quidem tempore Britannī, noctem veritī, proeliō[5] dēstitērunt; sed ad ancoram haud procul cōnsistēbant, nē colōnī per tenebrās effugere cōnārentur.
At Americānī nocte intempestā, lucernīs[6] extīnctīs, silentiō dedērunt vēla, et magnō circuitū hostēs vītāvērunt. Itaque māne, cum Britannī proelium redintegrāre vellent, vix in cōnspectū erat nāvis ūlla; quārē illī, ancorīs sublātīs, summā celeritāte īnsequī coepērunt. Postquam autem Americānōs fugientēs[7] paene adsecūtī sunt, cōnstitit ea
- ↑ sublevātī: sublevō, 1: help out.
- ↑ Americānīs: dat. case.
- ↑ īnstrūctās: equipped.
- ↑ maximae virtūtis: cf. tantae virtūtis, p. 62, l. 14.
- ↑ proeliō: for syntax, cf. cōnātū, p. 27, l. 3.
- ↑ lucernīs: lucerna, -ae: f., lantern.
- ↑ fugientēs: participle as adj..
