ceratis caret: uerum eorum loco in manibus habent chartam, in qua scribunt quam instrumenti, in posteriorem perticam impositi partem, quam ligula, & funiculus extentus, per eius tria foramina penetrans, demonstrant, & numeros passuum notant: eadem ligula indicat utrum funiculus in priorem uel posteriorem partem inclinet. Pensilis autem, ut in libra, non est, sed ad instrumentum affixa, in eo quasi iacet: sed cuniculos iccirco metiuntur ut scire possint quot passibus facti sint altiores: quot passus inferior à superiori distet: quot passuum interuallum, nondum perfossum, sit inter fossores, qui aduersi cauant unam eandem uenam uel fibram transuersam, aut duas, quarum altera in alteram uergit.
|
Instrumenti index A. Eius ligula B. Ligulæ foramina C D E. |
Sed redeo ad nostras fodinas. Si mensor intus in cuniculis, uel fossis latemtibus uoluerit arearum terminos constituere & pangere signo in saxum inciso,
