Haec pagina nondum emendata est
ELEGIARUM LIB. I. ELEG. IIL
At mihi contingat patrios celebrare Penates,
Reddereque antiquo menstrua tura Lari.
Quam bene[1] Saturno vivebant rege, priusquam
Tellus in longas est patefacta vias !
Nondum caeruleas pinus contemserat undas,
- ↑ Quam bene etc. Inter loca de aurea ætate a tot poetis tanta cum arte tractata, hæc Tibulli disticha jucunditate eminent. Tu Virgilium adeas, Ecl. iv; Georg. lib. I, vers. 125; Cornelium Severum, AEtn. vs. 9; Ovidium, Am. lib. III, El. viii; Metam. lib. I, vers. 89; lib. XV, vs. 96; Horatium, Epod. xvi, vs. 41; Senecam, Hyppol. vs. 525; Med. vs. 329; Octav. vs. 395; Senecam philosophum, Ep. 90; Germanicum Caesarem et Festum Avienum in Virgine; Claudianum, lib. I, in Rufin. vs 382; de Raptu Proserpinæ, lib. III, vs. 19; Boetium, de Consol. Philos. lib. II, Metr. 5; Jovianum Pontanum, Uraniæ lib. II, et Am. conjug. lib. II, Eleg. iv; Jac. Sannazarium, de partu Virg. vs 200; Herc. Strozam, lib. I, El. ii; Janum Secundum, Juliæ Eleg. vii; Tarq. Gallutium, lib. I, carm. 2; Sarbievium, lib. I, Od. 1, Epod. 8. Eminent inter Italos Torquatus Tassus, Amyntae choro primo, et Baptista Guarinus Pastoris Fidi choro quarto, quos videre juvabit ingeniose inter se certantes diversa quemque via ac ratione inventionum. Brouckh.