REcte facis Lepus vigilãtiſſime, & minime a labore fugax, qui eam potẽtiam naturæ (memoriam dico) qua humanis ſtudijs in hac mortalitate maxime opus eſt, & ſine qua cæteras fruſtra exerceas, ita argutiſſimis præceptis canonibus atqꝫ inſtitutionibus tuis inſtauras, iuuas, adauges, vt ſi cui deperdita fuerit, ſartã tectam, integramqꝫ reſtituas: imitatus (opinor) rerum oĩm opificem optimũ maximũ Deũ: qui quo tanti theſauri nobis curam, vigilemqꝫ aſſeruationẽ indiſceret, in vltimo capitis conclaui eandẽ collocauit. Quã rem ſi nullus doceret, natura ipſa ſatis moneat. Siquidem ſi qua excogitare atqꝫ inuenire noua molimur, cœlo frontem obuertimus, vt in ſenſus cõmunis armarium lumẽ infundat ſuum. Sin reminiſci veterum ac prius cognitorum, occiput: vt eam quoqꝫ partem cœleſtis illa virtus adiuuet. Quo circa omnes etiam ſenſus collocati ſunt in capite: quod eadem natura vni homini ſublime dedit, cœlũqꝫ videre iuſſit. Perge igitur atqꝫ totis animis in iſta incumbe ſtudia, quæ vt auditoribus tuis ingentia commoda, modo prudenter eis vtantur, ita tibi nõ vulgarem laudem famamqꝫ parient.
Vale.
1523 17. Kalẽ. Octobr.
