sui beneficio viveret. neque diu dilatum est illud iudicium: nam Syriae rex Azahel Hierosolyma obsidione cinxit, ille omnes et divinos et regios thesauros templique donaria ei dedit: qui pecuniae magnitudine obsidionem solvit.
Idem Syrus Israelitas etiam graviter afflixit. nam et Iehus eorum rex divina praecepta violarat, anno regni septimo et vigesimo defunctus. (20)Iosephi Ant. 9,8−9. Regum 4,13−14. Paralip. 2,24−25 ei successit filius Ioachazus, quo regnante Syrus regioni cladem intulit, multis urbibus occupatis et eius exercitu caeso. Ioachazus vero precatus deum, salutem impetravit et mitigationem calamitatum, mortuus anno regni decimo septimo, filio Ioa relicto successore, Iudaicae tribus regi cognomine. hic patri dissimilis exstitit et vir bonus. nam Elisaeum ex morbo morientem luxit, patrem vocitans et praesidium, ut cuius ope victoria potiretur. at propheta eum consolatur: arcuque sumpto sagittas eiaculari iubet. qui cum ter eiaculatus desiisset, dixit propheta “si plures sagittas emisisses, Syrorum imperium fuisses fun-
