Haec pagina emendata est
Se puer ipse videt, patrem dum quaerit in amne,
Perspicuoque lacu se puer ipse videt.
Stat, stupet, haeret, amat, rogat, innuit, adspicit, ardet,
Blanditur, queritur, stat, stupet, haeret, amat.
Quodque amat, ipse facit, vultu, prece, lumine, fletu
Oscula at fonti, quodque amat, ipse facit.
IV. De eodem.
Invenit propriis Narcissus fontibus ignes,
Et sua deceptum torret imago virum.
V. De eodem.
Hic est ille, suis nimium qui credidit undis,
Narcissus vero dignus amore puer :
Cernis ab irriguo repetentem gramine ripam,
Ut, per quas periit, crescere possit aquas.
VI. De eodem.
Se Narcissus amat, captus lenonibus undis ;
Cui si tollis aquas , non est ubi saeviat ignis.
