Pagina:Casparis Barlæi, rerum per octennium in Brasilia et alibi nuper gestarum, sub præfectura illustrissimi Comitis I. Mauritii, Nassoviæ, etc. comitis (IA casparisbarlirer01baer).pdf/242

E Wikisource
Haec pagina emendata est

nio accommodatis, diſtinguerentur: Id curæ datum induſtriæ Comitis. (semper enim excellere imperantes expedit) Qui ſingulis Præfecturis ſuum commentus inſigne, ex omnibus Sigillum Supremi Senatus. uno ſcuto comprehenſis unum fecit, quod ſupremo Senatus ad uſus eſſet, & terminorum Reipub. Braſilienſis index. Supra hoc Fœderati Belgii inſigne attollebatur, characterque Societatis Politici Senatus. Occidentalis ima parte defluebat. Politico Senatui inſigne fecere eadem quatuor provinciarum inſignia, pari ſcuto contenta, ſupra quod ſpectare erat Virginem Aſtræam, manu una gladium, altera lancem gerentem, illam ſcelerum vindicem, Pernam-
bucenſis Curiæ.
hanc mercantium regulam. Pernambucenſi Curiæ datum inſigne, Virgo, defixis in ſpeculum oculis & velut in formæ ſuæ admirationem rapta, manu arundinem ſacchariferam geſtans. quo ſchemate ſoli pulchritudo proventuſque exprimebatur, adſcripto civitatis Olindæ nomine. Fuere & aliis Pernambuci Curiis, nempe in Igarazu, Serinhæmo, Portu Calvo, Alagois, ſua quoque propria inſignia. Præfectura Tamaricenſis. Tamaricenſis botrum pro inſigni oſtentabat, quia æquè pulchros & ſucculentos nulla Braſiliæ pars, ac Tamarica inſula, Paraybenſis. ferebat. Parayba ſacchareorum panum formas pyramidales præferebat. quod optimi & laudatiſſimi ſacchari nutricula eſſet, aut quod dedita noſtratibus provinciâ, major illic ſacchari & molarum cœperit eſſe labor & precium. Provincia Fluminis Grandis. Fluminis Grandis cognomine fluvio gaudebat, cujus ripam in imagine premebat Struthius, quarum avium maxima hic frequentia. Atque hæc ipſa argento exhibita fuere à ſculptoribus Batavis, non ære aut ferro, ne ærugine aut rubigine exederențur monimenta publica. Dixi modò de captivis Luſitanis. At de his totaque quæ vulgi vocibus ferebatur, conjuratione, (perſequor paulo poſt geſta ) illud in notitia rerum Braſilienſium adeòque Senatorum ad Rectores Societatis litteris perſcriptum legi, à metu & credula nimis ſuſpicione hanc criminationem profectam, nec, licet appellatos iſtius ſceleris, compertos fuiſſe. Verùm cum apud ſuos valerent gratia & authoritate, etiam opibus, metus erat, ne adventante Hiſpanorum Claſſe, quod jam percrebuerat, vel clam vel palàm nocerent. ideo Status intereſſe credebatur & utilitatis