Pagina:Collenuccio, Pandolfo – Operette morali, Poesie latine e volgari, 1929 – BEIC 1788337.djvu/118

firmetur, cives. Suffragia iusta ferantur
 310consilio fundata gravi scitisque verendis;
sordidaque abscedant aegrae contagia mentis.
Artibus his igitur talique sub ordine constat
maiestas patriaeque decor, victoria, laudes,
et tranquilla quies et rerum copia et urbem
 315quae fundant, augent, servant faciuntque beatam.
Mane olim senior Nilus priscique Pelasgi,
hanc Latium tenuere viam veteresque secuti
Romulidae antiquusque Lacon atque attica pubes,
et fortunatae pulchris sub legibus urbes.
 320Hoc iter emensi, melioris nomina saecli,
magnanimi heroes, et legum scita secuti,
invenere viam, qua se regione locarent
siderea et iusto divúm potirentur honore.
Quin edam caeli pars est puicherrima, qua se
 325lacteus in cumulum stellarum colligit orbis,
nectareo de rore madens, ubi plurima nulli
visa hominum nec dieta quidem nec scripta voluptas.
Hic locus est sedesque animis concessa beatis,
qui patriam auxerunt meritis, rexere iubendo,
 330servavere opibus, qui iusti munera leges
armaque, nec segnes generoso pectore vitam
impendere urbis studio, pacemque dedere.
Vos etiam celsa populi qui puppe sedetis,
florentis patriae proceres, quorum ora fidemque
 335agnosco certaeque micant insignia laudis,
nec dubiae circumvolitat virtutis imago;
post sanctos actus patriaeque impensa potenti
officia atque operum meritae vestigia famae,
qua Nemees terror, qua brachia contrahit ardens
 340scorpius et geminae deducunt cornua lances
accipiam et caeli pulchra vos parte locabo.