Haec pagina nondum emendata est
<poem> Tantùm etenim terrena sapit, mortalia tantùm, Et, quæ cœca potest Talpa videre, videt. Sed pauci, heu nimiùm pauci, quibus almus Apollo Hoc dedit, vt videant id quod Olympus habet. Namque opus est illos, spretis mortalibus actis, Altius ad Superos exeruisse caput. Hos non blanda Venus, stolidi non pocula Bacchi Decipiunt, nec opes, nec fugitiuus honos: Sed præclara magis, magis his illustria spectant, In quibus et superis est sua cura Deis: Vincere sublimj, sublimia sidera, Mente, Ætheraque Ingenio supposuisse suo.
