Scaena eadem est. Omnēs intrant et in sellīs cōnsīdunt. Prīnceps Plōrātōrum surgit et spectātōribus dicit:
PRI. Secunda scaena est. In mediā silvā sumus. [Sē recipit.]
NIN. [prōdit.] Ego sum Ninus. [ā sinistrā recumbit.] Mortuus sum.
[Plōrātōrēs prōdeunt et circum Ninum stant.]
PRI. Lacrimāte, quia Ninus mortuus est.
PLO. Lacrimāmus, quia Ninus mortuus est.
PRI. Sepulchrum facite.
PLO. [sepulchrum super Ninum pōnunt.] Sepulchrum facimus.
Statuae I–V prōdeunt et lacrimant.
PLO. Quī estis?
STA. Nōs sumus statuae.
PLO. Cūr lacrimātis?
STA. Quia Ninus mortuus est, lacrimāmus.
[Statuae sē circum sepulchrum dispōnunt; Prīnceps Plōrātōrum cartam ad sepulchrum affigit; in cartā scrīptum est: Hīc iacet Ninus.]
[Exeunt Plōrātōrēs.]
STA. Hīc iacet Ninus.
LUN. [in tabulātō exstat.] Ego, Lūna, surgō.
STA. Tū, Lūna, surgis.
LUN. Quid videō?
STA. Sepulchrum vidēs. Hīc iacet Ninus.
LEO. [prōdit et rugit.] Ego sum leō.
LUN. Tū es leō.
STA. Ille est leō.
[Leō post sepulchrum manet. Lūna lentē trāns caelum it.]