CNICUS PAUCIFLORUS.
Cnicus foliis margine lobatis, ſpinuloſis, ſuperioribus amplexicaulibus, inferiorum petiolis baſi auriculta amplexantibus; pedunculo terminali ſubbifloro, cernuo.
RADIX perennis, e corpore craſſo radices plurimas ramoſiſſimas, ſpithamaeas aut pedales, calamum craſſitie aequantes, pallide fuscas emittens.
CAULIS ſolitarius, erectus, 4-6 pedalis, digitum auricularem, nonnunquam etiam indicem craſſitie aequans, obtuſe angularus et ſtriatus, angulis ſtriisque pallidis, pilis brevibus albis & baſi, qua purpurascit, hirſutus, unaque arachnoideo-lanatus, plerumque ſimpliciſſimus, nonnunquam tamen ex axillis foliorum ſuperiorum unum alterumve pedunculum pro ramis proferens, medullam albam fiſtuloſam ſeu tubo perviam continens.
FOLIA maxima, ſaepe ſesqui-pede longiora, ſpithamam latiora, inaequaliter ſerrata, ſpinulis ſubſetaceis, inaequalibus, pallidis, majoribus baſi atro-rubentibus, ciliata, plana, ſupra ſubnuda, coſta & venis ab hac excurrentibus albidis, ſubtus arachnoideo-lanata, albida, coſtis & venis piloſis: radicalia & caulina inferiora petiolata, ſubovata, ſinuata, aut ſinuato-lobata; caulina reliqua integra, pauca, hinc valde remota, oblongo-ovata, inaequaliter laciniata, amplexicaulia, ſenſim minora & magis integra. Petioli ſaepe ſpithamaei, baſi purpurei, carinati, albo-hirſuti, margine ſpinulis inaequalibus, atropurpureis, apice albidis armati, caulini baſi auriculata amplexicaules.
FLORES plerumque duo, raro unicus aut tres, in pedunculo elongato, in quem caulis terminatur, ſubſeſſiles, ſubcontigui, cernui, laterales minores, folio ſub-lanceolato, inaequaliter laciniato, acuminato, ſeſſili ſlipati. Pedunculus terminalis teres, ſtriatus, arachnoideo-laatus, verſus flores lana alba denſiore adpreſſa tectus; axillares, cum adſunt, ſimiles, ſpithamaei aut plusquam pedales, aphylli, uniflori.
CALYX ovatus, atropurpureus, nudus, glutinoſus: ſquamis lineari-ſubulatis, apice patentibus, ſubinermibus.
FLOSCULI hermaphroditi, aequales, calyce prope duplo longiores. Corolulae purpureae: tubo albo, limbo 5-fido: laciniis linearibus, apice craſſisculo, velut in cucullum connaato, tamen acuto terminatis.
FILAMENTA hirſuta, fuscescentia, baſi nuda, alba, corollulae tubo adnata. Antherae caeruleo-violaceae, in tubulum ſubangulatum connatae.
GERMEN ovatum, albidum, nitidum; ſtylus filiformis, longiſſimus, baſi albus, ſuperne purpureus; ſtigma ſimplex, ad ſtylum incraſſatum, profundis purpureum.
SEMEN oblongo-ovatum, nitidum, pallide fuscum, ſtriatum. Pappus ſeſſilis, longus, plumoſus, albus.
RECEPTACULUM hirtu pilis longis fuscescentibus.
Habitat in ſylvis aceroſis Comitatus Marmaroſienſis ſub alpe Petroſa ad Borſam. Floret Auguſto.
Huic ſimilem reperimus in palude Comitatus Szathmarienſis, quam Hungari Etſeci Láp nominant, caule foliisque ſubnudis, his oblique adnatis, floribus erectis &
