Haec pagina emendata et bis lecta est
4
MATER GRACCHORUM
Ti. nuper in Italiam reveniēbam. iter faciēns per Viam Appiam multum dolēbam. ubīque servōs vidēbam, miserōs hominēs et turpēs, gregēs custōdientēs, ubi agricolae Rōmānī ōlim habitābant et suōs quisque agrōs colēbat. nunc, eheu, omnēs agrōs dīvitēs habent; cīvēs Rōmānī in urbe in paupertāte ac vitiīs versantur, optimātium clientēs.
Cor. hoc ergō tibi erit opus, mī fīlī.
Ti. lēgem feram iustissimam. agrōs pauperibus reddam; iterum suum quisque fundum colet.
Cor. [Gaium alloquēns] hūc, puer! audīsne? ego et tū testēs sumus. Tibērius populō Rōmānō agrōs Italōs restituet, et pristinōs Rōmānōrum mōrēs.
