men Tigrim; et quùm adolescens accessisset ad abluendos pedes, ecce piscis ingens exsiliit, quasi illum devoratūrus.
Ad cūjus aspectum Tobīas perterritus exclamāvit: Domine, invadit me. Cui Angelus; Apprehende illum, et trahe ad te.
Piscis attractus in rīpam aliquandiù palpitāvit, et expirāvit.
Tunc jussit Angelus fel piscis sepōni, utpotè medicamentum salutāre: deindè partem carnis coxērunt comedendam in viâ.
Ut appropinquavērunt urbi, quæ vocabātur Ecbatana, dixit Tobīas Angelo: Apud quem vis ut diversēmur in hāc urbe?
Cui Angelus: Est hìc, inquit, vir quīdam cognātus tuus, nomine Raguel, is nos excipiet; habet filiam unicam, quam te oportet uxōrem ducere; pete eam à patre; nec dubito quin postulatiōni tuæ libenter annuat. Deus enim has tibi destinat nuptias; et omnes Raguēlis facultātes jūre hæreditario ad te perveniant.
Eos lætus excēpit Raguel, qui conspicātus To-
