Jump to content

Pagina:Euripus seu de fluxu et refluxu maris sententia.djvu/34

E Wikisource
Haec pagina emendata est

20


uiſio, ait Otho: neque repugno: ſit neceſſaria & ſufficiens. Vt paucis agamus, ego dico eſſe rotundam tantum. In alijs membris nõ laboret, hoc ſolum impugnet. Et quidem ille auferre conatur ab aqua rotunditatem, vt maneat planicies, ex eo quod non habeat eminentias, exceptis vndis ſi ventorum commotis. Nihilominus tamen, ſi non habet eminentias, inde neque ſequitur eſſe planam, neque ſequitur eſſe rotundam, vt propterea adhuc negari poſſit, ſtante etiam carentia eminentiarum, aquam eſſe, & planam, & rotundam. Carentia profecto eminentiæ non facit planum; nam globoſum in ſui ſuperficie æquabile eſt, &, per reſpectum ad centrum, ſine eminentiis; & tamen planum non eſt. Ita neque carentia eminentiæ facit rotundum, quia planum caret eminentia, & tamen rotundum non eſt. Viderint ipſi has infirmas argumentationes, nos ad noſtrum. Superficies, inquam, ſemper rotunda eſt, ſi aqua ſuæ naturæ, quo ad ſupremam ſuperficiem, relinquatur. Quid ad hoc membrum meus Petriſſius? Ait Otho, ipſum oſtendere, aquam non eſſe rotundam, vt planam eſſe affirmet, experientia propria. Ac certe Patricius ſua experimenta ita tractauit, vt quod cupiebat colligere non potuerit, & experimenta demonſtrationem a nobis expoſitam clariſſime confirmantia, ad eam infirmandam adduxit; Propterea miror Othonem tanti facere paralogiſmos Patricianos, vt ex iis putarit rem contra illam demonſtrationem conuinci. Expertus eſt Patricius ab Vrbe quadam humili loco in ſtagno collocata, aqueo itinere diſcedens, humiliora primum loca Vrbis cæpta abſcondi, & viſui eripi, inde ſublimiora, ac tandem turrim quoque ſeptuaginta duorum pedum altitudinis, decimo ab Vrbe milliari viſui ſubtractam. Experi-

men-